တရုတ်အစိုးရက သိမ်းယူလိုက်သော Anbang ကုမ္ပဏီကြီးပိုင်ဆိုင်သည့် ဟိုတယ် ၁၅ လုံးကို အမေရိကန် developer တို့ ဝယ်ယူရန် ပြင်ဆင်လျက်ရှိ

တရုတ်အစိုးရက သိမ်းယူလိုက်သော Anbang ကုမ္ပဏီကြီးပိုင်ဆိုင်သည့် ဟိုတယ် ၁၅ လုံးကို အမေရိကန် developer တို့ ဝယ်ယူရန် ပြင်ဆင်လျက်ရှိသည်။

ပေကျင်းအခြေစိုက် Anbang ကုမ္ပဏီကြီးပိုင်ဆိုင်သည့် ဟိုတယ် ၁၅ လုံးကို ဝယ်ယူရန် လာ့စ်ဗီးဂပ်စ်အခြေစိုက် အိမ်ခြံမြေ developer နှင့် ၎င်း၏ မိတ်ဘက်များက စိတ်ဝင်စားလျက်ရှိကြခြင်း ဖြစ်သည်။

ရောင်းချမည့်ဟိုတယ်များတွင် မန်ဟက်တန်ရှိ Essex House လည်း အပါအဝင်ဖြစ်သည်။

သို့ရာတွင် Anbang က အဆိုပါအဆောက်အအုံကို ရောင်းရန်၊ မရောင်းရန် ဆုံးဖြတ်ချက်မချနိုင်သေးချေ။

လော့စ်အိန်ဂျလိအခြေစိုက် developer ဖြစ်သော Charles Everhardt & Lockwood Development Partners နှင့် မိတ်ဖက်ဟိုတယ်အုပ်စုက ပြောကြားရာတွင် ဟိုတယ်၏ ဝင်ငွေအပေါ်မူတည်ပြီး လေလံဆွဲကြပါရန် တောင်းဆိုထားသည်ဟု ပြောကြားကြသည်။

Anbang က ရောင်းချမည့် ဟိုတယ်များတွင် မန်ဟက်တန်ရှိ Central Park ၏ အလှကို ခံစားရမည့် Essex House ဟိုတယ်၊ အမေရိကန်အနောက်ပိုင်း Wyoming ပြည်နယ် Jackson Hole တောင်ကြားရှိ Four Seasons ဟိုတယ်၊ ချီကာဂိုနှင့် မီယာမီတို့ရှိ InterContinental ဟိုတယ်များ အပါအဝင်ဖြစ်သည်။

အကယ်၍ Anbang အနေဖြင့် ယခုဟိုတယ်များ အရောင်းအဝယ်ဖြစ်ခဲ့မည်ဆိုပါက တရုတ်အစိုးရက ကုမ္ပဏီကို သိမ်းယူလိုက်ပြီး နောက်ပိုင်း အကြီးမားဆုံးပြည်ပအိမ်ခြံမြေ ရောင်းချမှုကြီးဖြစ်လာမည်ဖြစ်သည်။

တရုတ်အစိုးရသည် Anbang ၏ တည်ထောင်သူကို ဖမ်းဆီးလိုက်ပြီးနောက်ပိုင်း ဘဏ္ဍာရေးအကျပ်ဆိုက်နေသော ကုမ္ပဏီသို့ ကန်ဒေါ်လာ ၉ ဒသမ ၇ ဘီလီယံ ရင်းနှီးမြှုပ်နှံပေးခဲ့သည်။

Anbang သည် တရုတ်ပြည်တွင်းရှိ အိမ်ခြံမြေများကို ရောင်းထုတ်လျက်ရှိသော်လည်း ပြည်ပရှိ အိမ်ခြံမြေများကိုမူ မကြာသေးမီကာလ များအထိ ကြီးကြီးမားမားရောင်းချထားခြင်း မရှိသေးဘဲ ယခုရောင်းချမှုမှာ ပထမဆုံးအကြိမ် ဖြစ်သည်။

Anbang က ယခုဟိုတယ်များကို ၂၀၁၆ ခုနှစ်အတွင်း Blackstone အုပ်စုထံမှ ကန်ဒေါ်လာ ၅ ဒသမ ၅ ဘီလီယံဖြင့် ဝယ်ယူခဲ့ခြင်း ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)