iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် ထိုင်းနိုင်ငံ ဘန်ကောက်အခြေဆိုက် Angel Real Estate အိမ်ခြံမြေကုမ္ပဏီတို့ အကျိုးတူပူးပေါင်းလုပ်ဆောင်ရန် သဘောတူ လက်မှတ်ရေးထိုး

မြန်မာနိုင်ငံ၏ နံပါတ်တစ် အိမ်ခြံမြေ ရောင်းဝယ်ငှားဝဘ်ဆိုက်ဖြစ်သော iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် ထိုင်းနိုင်ငံ ဘန်ကောက်အခြေဆိုက် Angel Real Estate အိမ်ခြံမြေကုမ္ပဏီတို့ အကျိုးတူပူးပေါင်းလုပ်ဆောင်ရန် ၂၀၁၈ ခုနှစ် မတ်လ ၆ ရက်နေ့တွင် သဘောတူ လက်မှတ်ရေးထိုးခဲ့ကြကြောင်း သတင်းရရှိသည်။

iMyanmarHouse.com (အိုင်မြန်မာဟောက်စ်ဒေါ့ကွန်း) သည် မြန်မာနိုင်ငံတွင် လူသုံးအများဆုံး နံပါတ်တစ် အိမ်ခြံမြေ ရောင်းဝယ်ငှား ဝဘ်ဆိုက်ဖြစ်ပြီး အိမ်ခြံမြေ မဂ္ဂဇင်းများ၊ အိမ်ခြံမြေ စာအုပ်များကို ထုတ်ဝေဖြန့်ချီလျက်ရှိသည်။ ထို့အပြင် အိမ်ခြံမြေ ဟောပြောပွဲများနှင့် အိမ်ခြံမြေ အရောင်းပြပွဲများကိုပါ မြန်မာနိုင်ငံရှိ မြို့ ကြီးများနှင့် ပြည်ပနိုင်ငံများတွင်ပါ အစဉ်ကျင်းပပေးနေသော ကုမ္ပဏီကြီးတစ်ခုဖြစ်သည်။ ရန်ကုန်၊ မန္တလေး၊ နေပြည်တော်၊ တောင်ကြီး၊ ပုသိမ်၊ စစ်တွေ အစရှိသော မြန်မာနိုင်ငံအဝှမ်းမှ ဆောက်လုပ်ရေးစီမံကိန်းများကို ရောင်းချပေးနေပြီး ၂၀၁၈ ခုနှစ် ဖေဖော်ဝါရီလအထိ ကျပ်ငွေစုစုပေါင်း (၂၇၀) ဘီလီယံကျော်ဖိုး ရောင်းချပေးထားနိုင်ပြီဖြစ်ကြောင်းလည်း သိရသည်။

ဘန်ကောက်အခြေဆိုက် Angel Real Estate အိမ်ခြံမြေကုမ္ပဏီသည် ထိုင်းနိုင်ငံအဝှမ်း အိမ်ခြံမြေ စီမံကိန်းပေါင်း (၁၀၀) ကျော်ကို ရောင်းချပေးနေသော ကုမ္ပဏီကြီးတစ်ခုဖြစ်သည်။ အခြားဝန်ဆောင်မှုများဖြစ်သော ဆောက်လုပ်ရေးလုပ်ငန်းများအတွက် စီမံခန့်ခွဲမှုပေးခြင်း (Project Management)၊ ဘဏ္ဍာငွေကြေး ပံ့ပိုးပေးခြင်း (Project Financing)၊ အိမ်ခြံမြေများ ရောင်းဝယ် ငှားရမ်းခြင်းတို့ကိုလည်း လုပ်ကိုင်ဆောင်ရွက်နေကြောင်း သိရသည်။

“ကျွန်တော်တို့ မြန်မာ-ထိုင်း အခြေဆိုက် အိမ်ခြံမြေ ကုမ္ပဏီကြီး နှစ်ခု အကျိုးတူ ပူးပေါင်းပြီး လုပ်ငန်းဆောင်တာများကို လုပ်ဆောင်ကြပါမယ်။ ထိုင်းနိုင်ငံက အိမ်ခြံမြေ စီမံကိန်းတွေကို မြန်မာနိုင်ငံတစ်ဦးတည်း အရောင်းကိုယ်စားလှယ်အဖြစ် iMyanmarHouse.com (အိုင်မြန်မာဟောက်စ်ဒေါ့ကွန်း) ကနေ ရောင်းချပေးမယ်။ ဒီလိုပဲ မြန်မာနိုင်ငံက အိမ်ခြံမြေ စီမံကိန်းတွေကိုလည်း ထိုင်းနိုင်ငံသားတွေ ဝယ်ယူနိုင်အောင် ဆောင်ရွက်ပေးမယ်။ ကွန်ဒိုဥပဒေကလည်း အတည်ပြုလိုက်ပြီဆိုတော့ ကျွန်တော်တို့ မြန်မာနိုင်ငံက ကွန်ဒိုစီမံကိန်းတွေကို ထိုင်းနိုင်ငံမှာ သွားရောက် ရောင်းချပါမယ်။ ဒါကတော့ ဈေးကွက်ချဲ့ထွင်တဲ့ နည်းဗျူဟာတစ်ခုပါ” ဟု iMyanmarHouse.com (အိုင်မြန်မာဟောက်စ်ဒေါ့ကွန်း) ၏ မန်နေဂျင်းဒါရိုက်တာဖြစ်သူ ဦးနေမင်းသူမှ ရှင်းလင်းပြောကြားခဲ့သည်။

ပထမဆုံး ပူးတွဲဆောင်ရွက်မှုအနေဖြင့် ထိုင်းနိုင်ငံ ဘန်ကောက်မြို့ ရှိ Plum 89 ကွန်ဒိုစီမံကိန်းကို ရန်ကုန်မြို့  Novotel Hotel ၌ ၂၀၁၈ ခုနှစ် မတ်လ (၁၇) နှင့် (၁၈) ရက်နေ့များတွင် အရောင်းပွဲပြုလုပ်ကာ စတင်ရောင်းချမည်ဖြစ်ကြောင်း သိရသည်။

“ ဒီ Plum 89 ကွန်ဒိုဟာ ဘန်ကောက်မြို့  ဒွန်မောင်းလေဆိပ်အနီးမှာ တည်ရှိပါတယ်။ ၁၀၀% ဆောက်လုပ်ပြီးစီးနေပြီး ချက်ခြင်း နေထိုင်လို့ ရပါတယ်။ တန်ဖိုးအားဖြင့် ကွန်ဒို တစ်ခန်းကို မြန်မာကျပ်ငွေ သိန်း (၃၅၀) ကျော်မှ သိန်း (၄၀၀) လောက်အထိသာဖြစ်တဲ့အတွက် ပြပွဲအတွင်းမှာ ရောင်းအားကောင်းမယ်လို့ ခန့်မှန်းထားပါတယ်။ ရာသက်ပန်မြေ အမျိုးအစား Freehold Land ပေါ်မှာ တည်ဆောက်ထားတဲ့အတွက်လည်း ပိုင်ဆိုင်မှု ခိုင်မာတယ်။ ဘန်ကောက်ကို မကြာခဏ သွားရောက်လည်ပတ်သူတွေ၊ ဆေးစစ်သူတွေ၊ ကျောင်းသွားတက်သူတွေအတွက် ဝယ်ယူ ရင်းနှီးမြှုပ်နှံထားဖို့ သင့်တော်တဲ့ စီမံကိန်းဖြစ်ပါတယ်” ဟု ဦးနေမင်းသူမှ ဖြည့်စွက်ပြောကြားခဲ့သည်။

iMyanmarHouse.com (အိုင်မြန်မာဟောက်စ်ဒေါ့ကွန်း) ကို ဆက်သွယ်လိုပါက ဖုန်း 09455294841 ~ 5 များသို့ ဆက်သွယ်နိုင်ကြောင်း သိရသည်။

Credit: Myanmar Business News