စင်္ကာပူအခြေစိုက် အိမ်ခြံမြေ developer- Frasers Property က ဂျာမာန် developer ဖြစ်သော Alpha Industrial ထံမှ စက်မှုဆိုင်ရာ အဆောက်အအုံ ၂၂ ခုကို ယူရို ၂၈၅ ဒသမ ၂ သန်း (ကန်ဒေါ်လာ ၃၅၃ သန်း) ဖြင့် ဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေ သတင်းဝက်ဘ်ဆိုက် တစ်ခု တွင် ဖော်ပြသည်။
Frasers Centrepoint ဟု ယခင်က အမည်ပေးထားသည့် စင်္ကာပူကုမ္ပဏီသည် ဥရောပတွင် ပိုင်ဆိုင်မှုများ ချဲ့ထွင်လိုက်နိုင်ခြင်းလည်း ဖြစ်သည်။
Alpha Industrial သည် ဂျာမနီကုမ္ပဏီတစ်ခုဖြစ်ပြီး ကူးသန်းရောင်းဝယ်ရေး၊ ကုန်ထုတ်လုပ်ရေးနှင့် ထောက်ပံ့ပို့ဆောင်ရေးဆိုင်ရာ အဆောက်အအုံများ အဓိကဆောက်လုပ်သည့် ကုမ္ပဏီဖြစ်သည်။
“စီးပွားရေး မဟာဗျူဟာရှုထောင့်ကကြည့်မယ်ဆိုရင် Alpha Industrial မှာ တိုးတက်ဖွံ့ဖြိုးမှုနဲ့ပတ်သက်ပြီး အလေးထားတဲ့ မဟာဗျူဟာရှိတယ်။
အထူးသဖြင့် စွန့်ပစ်အဆောက်အအုံ မြေနေရာတွေကို ခေတ်မီထောက်ပံ့ရေးနဲ့ စက်မှုအဆောက်အအုံတွေအဖြစ် ပြောင်းလဲ တည်ဆောက်တဲ့ဘက်မှာ ဖြစ်ပါတယ်” ဟု Frasers Property ၏ အမှုဆောင်အရာရှိချုပ် ပါနိုတီ သီရိဝဒနဘက်ဒီက ပြောကြားသည်။
ဝယ်ယူလိုက်သည်များမှာ ဆောက်လုပ်ပြီးစီးပြီဖြစ်သည့် ထောက်ပံ့ရေးနှင့် အပေါ့စားစက်မှုအဆောက်အအုံ ၁၆ ခုနှင့် အခြားစီမံကိန်း ၆ ခု ဖြစ်သည်။
ဂျာမနီတွင် စီမံကိန်း ၁၂ ခုနှင့် သြစထရီးယားတွင် ၄ ခုတို့ဖြစ်ပြီး စုစုပေါင်းအကျယ်အဝန်းမှာ စတုရန်းမီတာ ၃၉၃၈၀၀ ခန့် ရှိသည်။
ဝယ်ယူလိုက်သည့် စက်မှုအဆောက်အအုံများမှာ ကိုလုန်း၊ ဖရန့်ဖတ်နှင့် ဗီယန်နာတို့တွင် ဖြန့်ကျက်တည်ရှိသည်။
Asian Investors Continue to Shop for European Warehousesမကြာသေးမီနှစ်များအတွင်း အာရှရင်းနှီးမြှုပ်နှံသူတို့သည် ဥရောပအိမ်ခြံမြေဈေးကွက်တွင် အလုံးအရင်းဖြင့် ရင်းနှီးမြှုပ်နှံမှုများ ပြုလုပ်လာလျက်ရှိသည်။
ယခင်နှစ် အောက်တိုဘာလအတွင်း စင်္ကာပူအခြေစိုက် Global Logistic Properties ကုမ္ပဏီသည် Brookfield ထံမှ အဆောက်အအုံများ ကန်ဒေါ်လာ ၂ ဒသမ ၈ ဘီလီယံဖိုးခန့် ဝယ်ယူကာ ဥရောပတွင် ခြေချခဲ့သည်။
လွန်ခဲ့သော ၄ လခန့်ကလည်း တရုတ်ရင်းနှီးမြှုပ်နှံရေးကော်ပိုရေးရှင်း (CIC) သည် Blackstone ထံမှ ဥရောပအိမ်ခြံမြေ အဆောက်အအုံများ ယူရို ၁၂ ဘီလီယံ (ကန်ဒေါ်လာ ၁၃ ဒသမ ၄ ဘီလီယံ)ဖိုးခန့် ဝယ်ယူခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)