ရော့ခ်အင်ရိုးဘုရင်ကြီး အဲလ်ဗစ်ပရက်စလေ တစ်ချိန်ကနေထိုင်ခဲ့သည့် နေအိမ် ၂ လုံးကို လာမည့် နိုဝင်ဘာလ ၁၁ ရက်တွင် အွန်လိုင်းမှတစ်ဆင့် လေလံတင်ရောင်းချမည်ဟူသောသတင်းမှာ ပရက်စလေကို အားပေးနေဆဲ ပရိသတ်များအား ကိုင်လှုပ်လိုက်သည့် သတင်းတစ်ရပ် ဖြစ်လေသည်။
အမေရိကန်ပြည်ထောင်စု၊ တင်နက်ဆီပြည်နယ်၊ မန်းဖစ်မြို့ရှိ ပရက်စလေ၏ နေအိမ် ဂရေ့စ်လန်းကို လူတိုင်းကြားဖူးကြသည်။
အဆိုပါနေအိမ်သည် ကမ္ဘာလှည့်ခရီးသည်များစွာ လာရောက်လေ့လာကြသည့် နေရာတစ်ခုလည်း ဖြစ်၏။
သို့ရာတွင် ပရက်စလေ၏ ဘဝတစ်လျှောက် ပိုင်ဆိုင်ခဲ့သည့် နေအိမ်များစွာရှိသည်။ယခုလေလံတင်မည့် နေအိမ် ၂ လုံးအနက် တစ်လုံးမှာ မစ္စစ္စပီပြည်နယ်၊ တူပီလိုမြို့တွင် တည်ရှိပြီး ၁၆ ဒသမ ၅ ဧက ကျယ်ဝန်းသည်။
ယင်းနေအိမ်ကို ၁၉၂၀ ပြည့်လွန်ကာလများအတွင်း ပရက်စလေ၏ ဖခင်ဗာနွန်နှင့် ဦးလေးဖြစ်သူ ဗက်စ်တာ ပရက်စလေတို့က ဆောက်လုပ်ခဲ့ကြခြင်း ဖြစ်သည်။အဲလ်ဗစ်ပရက်စလေသည် ကလေးဘဝက ယင်းနေအိမ်တွင် ကာလအတန်ကြာနေထိုင်ကာ ပညာဆည်းပူးခဲ့၏။
"Elvis Presley Heights" ဟု နေအိမ်ကို အမည်ပေးထားပြီး ကာလတန်ကြေးအားဖြင့် ကန်ဒေါ်လာ ၂ သန်းမှ ၃ ဒသမ ၅ သန်းကြား တန်ကြေးရှိနိုင်သည်။
လေလံတင်ရာတွင်မူ ကြမ်းခင်းဈေး ကန်ဒေါ်လာ ၂၅၀၀၀ မှ စတင်မည်ဟု ဆိုသည်။
လေလံတင်ရောင်းချပေးမည့် ဒုတိယမြောက်နေအိမ်မှာ တန်ဖိုးအားဖြင့် ကန်ဒေါ်လာ ၂၅၀၀၀၀ မှ ၅၀၀၀၀၀ ကြားရှိပြီး လေလံတင်ရာတွင်မူ ကြမ်းခင်းဈေး ကန်ဒေါ်လာ ၅၀၀၀ မှ စတင်မည်ဟု ဆိုသည်။
အဲလ်ဗစ်ပရက်စလေသည် အဆိုပါနေအိမ်ကို ၁၉၆၀ ပြည့်လွန်ကာလများအတွင်း ဝယ်ယူခဲ့ခြင်းဖြစ်ပြီး နာမည်ကျော်ကြားလာပြီး နောက်ပိုင်းတွင်မူ နာမည်ကျော် ဂရေ့စ်လန်းနေအိမ်ကြီးတွင်သာ နေထိုင်တော့သည်။
အေပီသတင်းဌာန၏ တင်ပြချက်အရ ပရက်စလေ၏ ကိုယ်ပိုင်ဂျက်လေယာဉ်များအနက်တစ်စင်းကို ပြီးခဲ့သော မေလအတွင်း ကန်ဒေါ်လာ ၄၃၀၀၀၀ ဖြင့် လေလံတင်ရောင်းချခဲ့သည်။
အဆိုပါဈေးနှုန်းမှာ မူလက ခန့်မှန်းခဲ့သည့် ကန်ဒေါ်လာ ၂ သန်းမှ ၃ ဒသမ ၅ သန်းရရှိမည်ဟူသော ခန့်မှန်းချက်အောက် များစွာနည်းပါးနေသည်။
ယခုလေလံတင်သော နေအိမ်များသည်လည်း ဂျက်လေယာဉ်ကဲ့သို့ ဖြစ်ရပ်မျိုးကြုံတွေ့မည်လောဟူသည့် မှန်းဆချက်များလည်း ထွက်ပေါ်နေသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
