ဂျပန်နိုင်ငံ အစိုးရ၏ အသေးစား ထောက်ပံ့ရေး အစီအစဉ်အရ မကွေးတိုင်းဒေသကြီးနှင့် ဧရာဝတီတိုင်းဒေသကြီးတို့ရှိ စီမံကိန်းသုံးခုအတွက်အမေရိကန်ဒေါ်လာ လေးသိန်းခန့် ထောက်ပံ့မှုများ ပြုလုပ်သွားမည်ဖြစ်ကြောင်း ဂျပန်သံရုံးက ဇန်နဝါရီ ၂၄ ရက်တွင် ထုတ်ပြန်လိုက်သည်။ မြန်မာနိုင်ငံဆိုင်ရာဂျပန် သံ အမတ် H.E. Mr Tateshi HiGU- CHI နှင့် မကွေးတိုင်းဒေသကြီးနှင့် ဧရာဝတီတိုင်းဒေသကြီးများ မှ ဆောက်လုပ်ရေးကော်မတီဥက္ကဋ္ဌတို့သည် စီမံကိန်းသုံးခုအတွက် အထောက်အပံ့ ပေးရေးသဘောတူစာချုပ်များ လက်မှတ်ရေးထိုးခဲ့ကြပြီး ဂျပန်အစိုးရ၏ အသေးစားစီမံကိန်းများထောက်ပံ့ရေး အစီအစဉ်အရ စုစုပေါင်း အမေရိကန်ဒေါ်လာ ၃၉၅၇၉၅ ဒေါ်လာ ကို ထောက်ပံ့မှုပြု လုပ်မည်ဖြစ်သည်။
အဆိုပါစီမံကိန်းမှ ဧရာဝတီတိုင်းဒေသကြီး၊ ပါးရိုက်အခြေခံပညာ အလယ်တန်းကျောင်းခွဲ ဆောက်လုပ်ရေးစီမံကိန်းအတွက် အမေရိကန်ဒေါ်လာ ၁၂ဝ၆၆၃ ဒေါ်လာ၊ မကွေးတိုင်းဒေသကြီး တွင် အောင်လံမြို့နယ် ဆတ်ဆူဝကျေးရွာ လမ်းအဆင့်မြှင့်တင်ရေး စီမံကိန်းအတွက် အမေရိကန်ဒေါ်လာ ၁၄၅၈၇ဝ နှင့် ကရင်စမ်းကျေးရွာ လမ်းအဆင့်မြှင့်တင်ရေး စီမံကိန်းအတွက် အမေရိကန်ဒေါ်လာ ၁၃၂၂၆၂ ဒေါ်လာ တို့ဖြစ်ကြောင်း သိရသည်။ အဆိုပါအထောက်အပံ့ဖြင့် ဧရာဝတီတိုင်းဒေသကြီး အတွင်းရှိ ပါးရိုက် အလယ်တန်းကျောင်းခွဲတွင် စာသင်ခန်းများ လုံလောက်မှုမရှိသဖြင့် ယာယီကျောင်း တစ်ဆောင်ကို ဆောက်လုပ်ထားခဲ့သည်။ သို့သော်လည်း လက်ရှိအဆောက်အအုံတွင် စာသင်ခန်း၌ ကျောင်းသား ၇ဝ မှာ ကျဉ်းကျပ်စွာစာသင်ကြားခဲ့ရပြီး၊ ကျောင်းသား၊ ကျောင်းသူများကို သင့်လျော်သော စာသင်ကြားမှုပတ်ဝန်း ကျင်ရရှိစေရန် ဂျပန်နိုင်ငံအစိုးရမှ ကျောင်းသုံးပရိဘောဂအပြည့်အစုံ နှင့် စာသင်ခန်းရှစ်ခန်းပါဝင်သော သံကူကွန်ကရစ်နှစ်ထပ်စာသင်ဆောင် တစ်ဆောင်ကို ပံ့ပိုးပေးမည်ဖြစ်ပြီး စီမံကိန်းသည် ကျောင်းရှိကျောင်းသား၊ ကျောင်းသူ ၄၉၁ ဦးကို အကျိုးခံစားရ မည်ဖြစ်ပြီး၊ မကွေးတိုင်းဒေသကြီးအတွင်းရှိ လမ်းများကိုလည်း အဆင့် မြှင့်တင်သွားမည်ဖြစ်သည်။
ဂျပန်အစိုးရသည် မြန်မာနိုင်ငံတွင် အသေးစားစီမံကိန်းများ ထောက်ပံ့ရေးအစီအစဉ်ဖြင့် ၁၉၉၃ ခုနှစ်မှ စတင်ပြီး စီမံကိန်းပေါင်း ၈ဝ၅ ခုကို ထောက်ပံ့ပေးခဲ့ပြီး ပညာရေးကဏ္ဍ၊ ကျန်းမာရေးကဏ္ဍ၊ လူမှုဖူလုံရေးနှင့် ပတ်ဝန်းကျင်ကဏ္ဍ၊ အခြေခံအဆောက် အအုံ စီမံကိန်းကဏ္ဍနှင့် အခြားအမျိုးမျိုးသောစီမံကိန်းများကို ထောက် ပံ့မှုများပြုလုပ်ခဲ့ပြီး၊ ယင်းထောက်ပံ့ မှုများသည် မြန်မာ-ဂျပန်နှစ်နိုင်ငံချစ် ကြည်ရေးကိုလည်း ပိုမိုတိုးတက်ခိုင် မာလာစေမည်ဖြစ်ကြောင်း သိရသည်။
Credit: Democracy Today
