နေပြည်တော်ရှိ ဧက ၁၀၀ အကျယ်အဝန်းမှာ တန်ဖိုးနည်းအိမ်ရာ စီမံကိန်း စတော့မည်

နေပြည်တော်ရှိ ဧက ၁၀၀ ကျယ်ဝန်းတဲ့ မြေပေါ်မှာ တန်ဖိုးနည်းအိမ်ရာ စီမံကိန်း တည်ဆောက်ရာ လူနေအ ခန်းပေါင်း ၂၁၄၄ ခန်းနဲ့ ပန်းခြံ ၊ ကျောင်း ၊ စိမ်းလန်းမြေ ၊ လမ်းတွေမီးတွေနဲ့ စနစ်ကျတဲ့ မြေအသုံးချစီမံကိန်း အဖြစ် လာမယ့်နှစ့် ဧပြီလမှာ စတင်မယ်လို့ မြို့ပြနှင့် အိမ်ရာ ဖွံ့ဖြိုးရေး ဦးစီးဌာနက သိရပါတယ် ။

အိမ်ရာစီမံကိန်းကို ဒက္ခိဏသီရိ မြို့ပတ်လမ်းနဲ့ ရာဇဌာနီလမ်းကြားရှိ ရန်အောင်မြေကြိုးဝိုင်းအတွင်းရှိ မြေဧက ၁၀၀ မှာ တဧကကို လူဦးရေ ၁၀၇ ယောက်နှုန်းထားနဲ့ အိမ်ခန်းတန်ဖိုး ကျပ်သိန်း ၁၀၀ အောက်ကနေ အမြင့်ဆုံး ကျပ်သိန်း ၄၀၀ တန်ဖိုးအတွင်းဆောက်လုပ်မှာ ဖြစ်ပါတယ် ။

နေပြည်တော်က အစိုးရရုံးစိုက်ရာမြို့ဖြစ်လို့ အငြိမ်းစားဝန်ထမ်းတွေနဲ့ ပြည်သူတွေကို ဦးစားပေး ရောင်းချမှာလည်း ဖြစ်ပါတယ် ။ အဆောက်အအုံနေရာအတွက်ကတော့ သတ်မှတ်ထားတဲ့ မြေဧကရဲ့ ၃၁ ရာခိုင်နှုန်းလောက်ပဲ ပါဝင်မှာဖြစ်ပြီး လမ်းနေရာ ၊ ပန်းခြံနဲ့ စိမ်းလန်းမြေနေရာ ၊ ဈေးနေရာ ၊ စာသင်ကျောင်းနေရာ ၊ ရုံးခန်းနေရာနဲ့ ထရန်စဖော်မာ တပ်ဆင်တဲ့ နေရာတွေကို ထည့်သွင်းဆောက်လုပ်မှာ ဖြစ်ပါတယ် ။

‘ကျောင်းကတော့ အလယ်တန်းကျောင်းပေါ့ ၊ ခုလက်ရှိတော့ မြေအသုံးချမှု ဒီဇိုင်းနဲ့ အဆောက်အအုံဒီဇိုင်းဆွဲပြီးပြီ ၊ ကုန်ကျစရိတ်ကတော့ တွက်နေဆဲပဲ’ လို့ မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ လက်ထောက်ညွန်ကြားရေးမှူး ဦးဝင်းနိုင်က ပြောပါတယ် ။

တည်ဆောက်မှု ဒီဇိုင်းအရ စီမံကိန်းမြေ အသုံးချမယ့် ပမာဏတွေက အိမ်ရာအဆောက်အအုံအတွက် ၃၁ ဧက ၊ လမ်းအတွက် ၂၂ ဧက ၊ ပန်းခြံနဲ့ စိမ်းလန်းမြေအတွက် ၃၄ ဧက ၊ ဈေးနေရာအတွက် ၆.၄၇ ဧက ၊ စာသင်ကျောင်းအတွက် သုံးဧက ၊ ရုံးခန်းအတွက် ၁.၃၇ ဧက နဲ့ ထရန်စဖော်မာနေရာအတွက် တစ်ဧကခွဲအကွက်ချ သုံးစွဲမှာ ဖြစ်တယ်လို့ သိရပါတယ် ။

အခန်းအကျယ်အဝန်းအရ ဈေးနှုန်းလေးမျိုးခွဲခြား ရောင်းချမှာ ဖြစ်ပါတယ် ။
‘ဒီစီမံကိန်းက စီမံကိန်းအသစ်ဖြစ်တဲ့အတွက် လာမယ့် ဖေဖော်ဝါရီ ၊ မတ်လောက်မှ စီစဉ်မှာ ၊ ဒါပေမဲ့ အခုကစပြီး ပြင်ဆင်ရတာပေါ့ ၊ စီမံကိန်းတစ်ခုလုပ်မယ်ဆိုရင် ညှိနှိုင်းပြင်ဆင်ရတာကို အနည်းဆုံး ခြောက်လကနေ တစ်နှစ်လောက်ကြာတယ်’ လို့ လက်ထောက်ညွန်ကြားရေးမှူး ဦးဝင်းနိုင်က ပြောပါတယ် ။

နေပြည်တွေစာ ဝန်ထမ်းမြို့ဖြစ်တဲ့အတွက် တန်ဖိုးနည်းအိမ်ရာတွေ လျှောက်ထားရာမှာ ဝန်ထမ်းတွေကိုပဲ ဦးစားပေးတာ ဖြစ်ပေမဲ့ အခုလက်ရှိတာဝန်ထမ်းဆောင်နေတဲ့ ဝန်ထမ်းတွေအတွက်ကတော့ လုံလောက်သလောက်ရှိနေပြီဖြစ်တဲ့အတွက် ပင်စင်ယူတော့မယ့် အငြိမ်းစားဝန်ထမ်းတွေကို ပိုပြီး ဦးစားပေးသွားမှာ ဖြစ်တယ်လို့ သိရပါတယ် ။

အခုလက်ရှိ စီစဉ်နေတဲ့အငြိမ်းစားဝန်ထမ်းတွေနဲ့ ပြည်သူတွေအတွက် တန်ဖိုးနည်းအိမ်ရာ စီမံကိန်းမှာတော့ အငြိမ်းစားဝန်ထမ်းတွေကို ဦးစားပေးမယ့်အပြင် သည်အိမ်ရာ စီမံကိန်းထဲမှာ မြေကွက်ပါသွားတဲ့ လယ်သမားတွေကိုလည်း ဦးစားပေး အစီးအစဉ်မှာ ထည့်သွင်းဖို့ ညှိနှိုင်းပြီး ဖြစ်တယ်လို့ သိရပါတယ် ။

‘ဒီဧက ၁၀၀ ပေါ်မှာရှိတဲ့ လယ်သမားတွေအတွက်လဲ နစ်နာကြေးပေးပြီးပြီ’ လို့ မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ လက်ထောက်ညွန်ကြားရေးမှူး ဦးဝင်းနိုင်က ပြောပါတယ် ။

အိမ်ရာစီမံကိန်း မြေဧကပေါ်မှာ လယ်မြေတွေပါသွားတဲ့ လယ်သမားတွေအတွက် နစ်နာကြေးကို တစ်ဧက ၁၀ သိန်းနှုန်းနဲ့ လယ်သမား ၄၈ ဦးကို ပေးခဲ့ပြီး ဖြစ်သလို နေပြည်တော် စည်ပင်သာယာရေး ကိုလည်း မြေစည်ပင်စရိတ် တစ်ဧကကို သိန်း ၅၀ နှုန်းနဲ့ ပေးသွင်းခဲ့ပြီး ဖြစ်တယ်လို့ သိရပါတယ် ။


Credit: The Modern