ဂျပန်နိုင်ငံကိုဘေးမြို့တွင် နှစ်ပေါင်း ၂၃ နှစ်ကြာ ပိတ်ပင်ထားခဲ့သော မာယာဟိုတယ်ကြီးကို အများပြည်သူများ ပြန်လည်ဝင်ရောက်ခွင့်ပြု

ဂျပန်နိုင်ငံအလယ်ပိုင်း အိုဆာကာပင်လယ်ကွေ့ရှိ ကိုဘေးမြို့တွင် နှစ်ပေါင်း ၂၃ နှစ်ကြာ ပိတ်ပင်ထားခဲ့သော မာယာဟိုတယ်ကြီးကို အများပြည်သူများ ပြန်လည်ဝင်ရောက်ခွင့်ပြုလိုက်ပြီဖြစ်ကြောင်း ဂျပန်အခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

မာယာကန်ကိုအမည်ရှိ အဆိုပါဟိုတယ်သည် ကိုဘေးမြို့ကြီးကို စီးမိုးရှုမြင်နိုင်သည့် နေရာတွင် တည်ရှိပြီး ယခုအခါတွင် လမ်းညွှန်ပါသည့် ကမ္ဘာလှည့်ခရီးသည်များကို ပြန်လည်ဝင်ရောက်ခွင့်ပြုတော့မည်ဟု ဆိုသည်။

အာ့ထ်ဒက်ကိုဗိသုကာဟန်ဖြင့် ဆောက်လုပ်ထားသော အဆိုပါဟိုတယ်ကို Maya Cablecar ကုမ္ပဏီက ၁၉၂၉ ခုနှစ်တွင် မာယာတောင်တန်းထိပ်တွင် ဆောက်လုပ်ခဲ့ခြင်း ဖြစ်သည်။

မူလက မာယာကလပ်ဟုခေါ်ပြီး နောက်ပိုင်းတွင် ကုမ္ပဏီ၏ ကောင်းကင်ကြိုးကားဖြင့် ဆက်သွယ်ပေးခဲ့သည်။
ဟိုတယ်မှာ လေးထပ်အဆောက်အအုံဖြစ်ပြီး တောင်ခြေရှိ မာယာပင်လယ်ကွေ့ကို အပေါ်စီးမှ မြင်ရသည့်ရှုခင်း ရရှိထားသည်။

ကောင်းကင်ကြိုးကားကို ဒုတိယကမ္ဘာစစ်ကြီးအတွင်း ပိတ်သိမ်းလိုက်ပြီး ၁၉၄၅ ခုနှစ်တွင်မူ ဟိုတယ်ဝန်ဆောင်မှု ပိတ်သိမ်းလိုက်သည်။

ဒုတိယကမ္ဘာစစ်ကြီးအတွင်း ဗုံးကြဲတိုက်ခိုက်မှုများကြောင့် ကြီးမားစွာပျက်စီးခဲ့ရပြီး ၁၉၆၁ ခုနှစ်တွင်မှ ပြန်လည်ဖွင့်လှစ်နိုင်ခဲ့သည်။

၁၉၆၇ ခုနှစ်တွင် တိုင်ဖုန်းမုန်တိုင်းကြောင့် ကြီးမားစွာပျက်စီးခဲ့ရပြီးနောက်ပိုင်း ပိတ်သိမ်းလိုက်ရပြန်သည်။

၁၉၇၀ ၀န်းကျင်တွင် ကျောင်းသားများအစည်းအဝေးပြုလုပ် ဆွေးနွေးဖလှယ်ရာနေရာနှင့် အဆောင်အဖြစ်အသုံးပြုခဲ့ပြီး ၁၉၉၃ တွင် ပိတ်သိမ်းခဲ့ပြန်သည်။

၁၉၉၅ ခုနှစ်တွင် ဟန်ရှင်းငလျင်ကြီးအပြင်းအထန်လှုပ်ခတ်ခဲ့ရာတွင် မာယာဟိုတယ်ကြီးမှာ အံ့အားသင့်ဖွယ်ကောင်းစွာပင် ပြိုကျခဲ့ခြင်း မရှိချေ။

သို့ရာတွင် တောင်ပေါ်လမ်းအခြေအနေ အလွန်ဆိုးရွားသွားသောကြောင့် လုံခြုံရေးအရ အများပြည်သူဝင်ရောက်ခွင့် ပိတ်သိမ်းလိုက်ရသည်။

နောက်ပိုင်းတွင် အဆောက်အအုံမှာ သစ်ပင်၊ ခြုံနွယ်ပိတ်ပေါင်းများ ထူထပ်စွာပေါက်ရောက်ကာ ပျက်စီးလျက်ရှိခဲ့တော့သည်။

အဆိုပါဟိုတယ်ကို အိုဆာကာအခြေစိုက် အိမ်ခြံမြေကုမ္ပဏီ နီဟွန်းဆားဗစ်ကုမ္ပဏီမှ ပိုင်ဆိုင်ပြီး အများပြည်သူသို့ ပြန်လည်ဝင်ရောက်ခွင့်ပြုနိုင်ရန် ဒေသတွင်းအဖွဲ့အစည်းအများအပြားသို့ ချဉ်းကပ်ခဲ့ရသည်ဟု ဆိုသည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)