မြန်မာနိုင်ငံ၏အပြုသဘောဆောင်သော နိုင်ငံရေးဖြစ်စဉ်များနှင့် စနစ်ကျနသော ပြုပြင်ပြောင်းလဲမှုအစီအမံ များသည် နိုင်ငံ၏စီးပွားရေးတိုးတက်မှုနှင့် ရင်းနှီးမြှုပ်နှံမှုများကို တိုးမြှင့်လာစေမည်ဖြစ်ကြောင်း အာရှဖွံ့ဖြိုး ရေးဘဏ် (ADB)က ယနေ့ထုတ်ပြန်သော အစီရင်စာတွင်ဖော်ပြထားသည်။
အာရှဖွံ့ဖြိုးရေးဘဏ်၏ နှစ်စဉ်ထုတ်ပြန်သော အာရှ၏ စီးပွားရေးအစီရင်ခံစာ ၂ဝ၁၆ ၌ မြန်မာနိုင်ငံ ၏ စီးပွားရေးတိုးတက်မှုနှုန်းမှာ ၂ဝ၁၆ ဘဏ္ဍာနှစ် (၃၁ ရက် မတ်လ ၂ဝ၁၇ခုနှစ်တွင် ကုန်ဆုံး) တွင် ၈ ဒသမ ၄ ရာခိုင်နှုန်းခန့်ရှိမည်ဟု ခန့်မှန်းထားသည်။
နိုင်ငံ အနှံ့ဖြစ်ပွားခဲ့သော ရေကြီး မြေပြိုမှုများကြောင့် ပြီးခဲ့ သည့် ဘဏ္ဍာနှစ်တွင် ၇ ဒသမ ၂ ရာခိုင်နှုန်းခန့်သာ ရှိခဲ့ကြောင်း သိရသည်။
အာရှဖွံ့ဖြိုးရေးဘဏ်၏ မြန်မာနိုင်ငံဌာနေကိုယ် စားလှယ် ဗင်းဖရက်ဗစ်က လိုင်းက ''၂ဝ၁၁ ခုနှစ်က စတင်ဆောင်ရွက်ခဲ့တဲ့ စီးပွားရေးပြုပြင်ပြောင်းလဲမှု တွေက အပြုသဘောရလဒ်တွေ ဖြစ်ထွန်းနေပေမယ့် မြန်မာနိုင်ငံရဲ့ အစိုးရအသစ်အနေနဲ့စီးပွားရေးပြုပြင် ပြောင်းလဲမှုမှာ
ပိုမိုရှေ့ရောက်ဖို့ အခြေခံအဆောက် အအုံနဲ့ လုပ်သားလိုအပ်ချက်တွေကို ဖြည့်ဆည်းဖို့၊ ငြိမ်းချမ်းရေးနဲ့ လူမှုအသိုက်အဝန်းတွေ အချင်းချင်း သွေးစည်းချစ်ကြည်ကြဖို့ စတဲ့ စိန်ခေါ်မှုများစွာကို ရင်ဆိုင်ရမှာဖြစ်ပါတယ်။
ဒါ့အပြင်ကျေးလက် ဒေသ တွေအနေနဲ့ ဈေးကွက်နဲ့ ဝန်ဆောင်မှုတွေကို ပိုမို လက်လှမ်းမီစေပြီး စီးပွားရေးနဲ့ အလုပ်အကိုင်အခွင့် အလမ်းတွေ ထုတ်ဖော်ရရှိစေဖို့ ကျေးလက်ဒေသတွေ နဲ့ချိတ်ဆက်မှုရရှိအောင် ပိုမိုကြိုးပမ်းအားထုတ်နေ ဖို့လည်းလိုအပ်နေပါတယ်'' ဟုပြောသည်။
အခြားဒေသတွင်းနိုင်ငံများ၏ သယ်ယူပို့ဆောင် ရေးစနစ် စံနှုန်းများကိုလိုက်မီစေရန် မြန်မာနိုင်ငံ အနေဖြင့် ၂ဝ၃ဝ ပြည့်နှစ်အထိ သယ်ယူပို့ဆောင်ရေး ကဏ္ဍတွင် အမေရိကန်ဒေါ်လာ ၆ဝ ဘီလီယံ ရင်းနှီး မြှုပ်နှံရန်လိုအပ်ကြောင်း အစီရင်ခံစာ၌ဖော်ပြထား သည်။
Credit: MOI Webportal Myanmar
