မြန်မာနိုင်ငံ အိမ်ခြံမြေကဏ္ဍတွင် ၀င်ငွေခွန်များ လျော့ချလိုက်ခြင်းအားဖြင့် အိမ်ခြံမြေ အရောင်းအ၀ယ် ပိုကောင်း နိုင်လာကြောင်း မြန်မာနိုင်ငံ အိမ်ခြံမြေ ၀န်ဆောင်မှု လုပ်ငန်းရှင်များ အသင်းထံမှ သိရသည်။
“အထက်တန်းစား လူတွေ အနေနဲ့ ကျတော့ ၀င်ငွေခွန် ဆောင်ရာမှာ သိပ်ပြီး ပြဿနာ မရှိဘူး။ ဆင်းရဲသား ပြည်သူတွေ အနေကျတော့ ၀င်ငွေခွန် လျော့ချ လိုက်ခြင်းဖြင့် အိမ်ခြံမြေ အရောင်းအ၀ယ် ကောင်းနိုင်မယ်လို့ ထင်တယ်”ဟု မြန်မာနိုင်ငံ အိမ်ခြံမြေ ၀န်ဆောင်မှု အသင်း(ဗဟို)မှ ဥက္ကဋ္ဌ ဦးသန်းဦးက ပြောသည်။
အိမ်ခြံမြေ ကဏ္ဍတွင် ၀င်ငွေခွန် လျော့ချ လိုက်ခြင်းဖြင့် အောက်ခြေ လူတန်းစားများ ၀င်ငွေခွန် ဆောင်ရာတွင် သက်သာမှု ရှိမည် ဖြစ်ပြီး အိမ်ခြံမြေ ၀ယ်ယူရာတွင် အခက်အခဲ နည်းပါးမှု ရှိမည် ဖြစ်သည်။
“ခုလက်ရှိမှာတော့ အရောင်းအ၀ယ်က အေးနေတုန်းပဲ၊ နိုင်ငံခြားသားတွေနဲ့ ကတော့ အနည်းအပါး အရောင်းအ၀ယ် ဖြစ်နေတယ်။ ခုဟာက အိမ်ငှားတွေသာ များနေတာပါ”ဟု မြန်မာနိုင်ငံ အိမ်ခြံမြေ အကျိုးဆောင် ဦးကျော်တင့်က ပြောသည်။
၂၀၁၂ခုနှစ် သြဂုတ်လတွင် အိမ်ခြံမြေ ကဏ္ဍတွင် ၀င်ငွေခွန် တိုးမြှင့် လိုက်ခြင်းဖြင့် အောက်ခြေ လူတန်းစားများနှင့် အစိုးရ ၀န်ထမ်းများ အိမ်ခြံမြေ ၀ယ်ယူမှု နည်းပါးလာပြီး အရောင်းအ၀ယ် အေးသွား ခဲ့ခြင်းဖြစ်သည်။
၂၀၁၄ ခုနှစ် ဧပြီလ၌ အိမ်ခြံမြေ ကဏ္ဍတွင် ၀င်ငွေခွန် သိန်းသုံးထောင် အထိ ရှိခဲ့ပြီး ယခုနှစ် ၂၀၁၅ တွင် ၀င်ငွေခွန် သိန်း ၁၅၀၀ အောက်ဝန်းကျင် အထိ လျော့ချရန် စီစဉ်လျက် ရှိကြောင်း သိရသည်။
Credit: Messenger