သီလဝါအထူးစီးပွားရေးဇုန်စီမံကိန်း ပထမအဆင့် ဟက်တာ ၄ဝဝ အတွင်း အမေရိကန်၊ ဂျပန်၊ တရုတ်၊ စင်ကာပူ၊ ဟောင်ကောင်၊ ကမ္ဘောဒီးယားစသည့် နိုင်ငံများ၏ ကုမ္ပဏီ ၁၈ မှ ဝင်ရောက်လုပ်ကိုင်ရန် လက်မှတ်ရေးထိုးထားပြီဖြစ်ကြောင်း သီလဝါအထူးစီးပွားရေးဇုန် စီမံခန့်ခွဲမှုကော်မတီမှ သိရသည်။
“အခုဆိုရင် ကုမ္ပဏီ ၁၈ ခုက လက်မှတ်ရေးထိုးပြီးပါပြီ။ အမေရိကန်ကုမ္ပဏီ တစ်ခု၊ ဂျပန်၊ ထိုင်ဝမ်၊ ဟောင်ကောင်၊ စင်ကာပူ၊ ကမ္ဘောဒီးယားနဲ့ မြန်မာနိုင်ငံက စက်ရုံတွေ ဝင်ရောက်လုပ်ကိုင်မှာ ဖြစ်ပါတယ်။ မြန်မာကတော့ စက်ရုံသုံးရုံပေါ့။ လုပ်ငန်းတွေအနေနဲ့ကတော့ အထည်ချုပ်လုပ်ငန်း၊ လျှပ်စစ်ပစ္စည်းထုတ်လုပ်တဲ့လုပ်ငန်း၊ လက်အိတ်စက်ရုံနဲ့ဆောက်လုပ်ရေးလုပ်ငန်းသုံး ပစ္စည်းထုတ်လုပ်တဲ့စက်ရုံတွေ ပါဝင်ပါတယ်။ အမေရိကန်ကတော့ Ball ကုမ္ပဏီ ပါ”ဟု သီလဝါအထူးစီးပွားရေးဇုန်စီမံခန့်ခွဲမှုကော်မတီမှ တာဝန်ရှိသူတစ်ဦးက ပြောကြားသည်။
“Ball Corporation အနေနဲ့ ပထမအဆင့်မှာ ဒေါ်လာသန်း ၄ဝ ရင်းနှီးမြှုပ်နှံသွားမှာ ဖြစ်ပါတယ်။ နောက်များမှာတော့ ဒေါ်လာသန်း ၁ဝဝ လောက်အထိ ထပ်တိုးရင်းနှီးမြှုပ်နှံသွားဖို့ ရှိပါတယ်။ စက်ရုံကို အမြန်ဆုံးစတင်သွားမှာပါ။ ၂ဝ၁၅ ခုနှစ် ဇူလိုင်လောက်ဆိုရင် စတင်ထုတ်လုပ်ဖို့ ရည်မှန်းထားပါတယ်။ ကျွန်တော်တို့က ဘူးခွံတွေပဲ ရောင်းတာဆိုတော့ အချိုယမကာလုပ်ငန်းလုပ်တဲ့သူတွေကို ဘူးခွံတွေ ရောင်းချသွားမှာပါ”ဟု Ball Asia Pacific Limited ၏ Country Manager, Myanmar Plant ဦးမင်းတလဥာဏ်က ပြောကြားသည်။
လက်ရှိကာလတွင် သီလဝါအထူးစီးပွားရေးဇုန် ပထမအဆင့်စီမံကိန်းဧရိယာအတွက် လိုအပ်လျက်ရှိသည့်အခြေခံအဆောက်အအုံ တည်ဆောက်လုပ်ရေးလုပ်ငန်းများအား ဆောင်ရွက်နေဆဲဖြစ်ပြီး စီမံကိန်းအတွင်း လုပ်ကိုင်ခွင့်ရရှိသည့် ကုမ္ပဏီများအနေဖြင့် မိုးကုန်ပိုင်းဖြစ်သည့် လာမည့်နိုဝင်ဘာခန့်တွင် စက်ရုံတည်ဆောက်ရေးလုပ်ငန်းများကို စတင်ဆောင်ရွက်တော့မည်ဖြစ်ကြောင်း သီလဝါအထူးစီးပွားရေးဇုန်စီမံခန့်ခွဲမှုကော်မတီမှ သိရသည်။
သီလဝါအထူးစီးပွားရေးဇုန်အား မြန်မာ-ဂျပန် ပုဂ္ဂလိကနှင့်အစိုးရအဖွဲ့အစည်းတို့ ပူးပေါင်းဖွဲ့စည်းထားသည့် Myanmar Japan Thilawa Development Limited မှ ရင်းနှီးတည်ဆောက်သွားမည်ဖြစ်ကြောင်း၊ အဆိုပါဖက်စပ်ကုမ္ပဏီတွင် မြန်မာဘက်မှ ၅၁ ရာခိုင်နှုန်းနှင့် ဂျပန်ဘက်မှ ၄၉ ရာခိုင်နှုန်း ရှယ်ယာများ ပါဝင်ကြောင်း သိရသည်။ မြန်မာဘက်တွင် သီလဝါအထူးစီးပွားရေးဇုန် စီမံခန့်ခွဲမှုကော်မတီမှ ရာခိုင်နှုန်း ၁ဝ နှင့် သီလဝါအထူးစီးပွားရေးဇုန်အများပိုင်ကုမ္ပဏီမှ ၄၁ ရာခိုင်နှုန်း၊ ဂျပန်နိုင်ငံဘက်တွင် ဆူမီတိုမီကုမ္ပဏီ၊ မီဆူဘီရှိကုမ္ပဏီနှင့် မာရူဘီရှိကုမ္ပဏီကြီးသုံးခုမှ ဦးဆောင်သော MMS Thilawa Development Co.,Ltd မှ ၃၉ ရာခိုင်နှုန်းနှင့် ဂျပန်အစိုးရကိုယ်စားပြုကာ ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ (JICA ) မှ ရာခိုင်နှုန်း ၁ဝ အသီးသီးပါဝင်ကြောင်း သိရသည်။
သီလဝါအထူးစီးပွားရေးဇုန်စီမံကိန်းတွင် စုစုပေါင်းဧရိယာ ၂၃၄၂ ဟက်တာ (၅၇၈၇ ဒသမ ၁၇၈ ဧက) ရှိပြီး ပထမအဆင့်အပိုင်း (က) ဧရိယာတွင် ၃၉၆ ဒသမ ဝ၆၂ ဟက်တာ (၉၇၈ ဒသမ ၆၉၁ ဧက) ရှိကြောင်း သီလဝါအထူးစီးပွားရေးဇုန်စီမံခန့်ခွဲမှုကော်မတီက ထုတ်ပြန်ချက်အရ သိရသည်။
သီလဝါအထူးစီးပွားရေးဇုန်တွင် ရင်းနှီးမြှုပ်နှံရန် အမေရိကန်ကုမ္ပဏီအပါအဝင် နိုင်ငံပေါင်း ၁၁ နိုင်ငံမှ ကုမ္ပဏီ ၄၅ ခုက တရားဝင်အတည်ပြုလွှာများ ပို့ထားပြီဖြစ်ကြောင်း အမျိုးသားစီမံကိန်းနှင့်စီးပွားရေးဖွံ့ဖြိုးတိုးတက်မှုဝန်ကြီးဌာနမှ ဒုတိယဝန်ကြီးဖြစ်သူ ဦးဆက်အောင်က ပြောကြားသည်။
Credit: Eleven Media
