“ကျွန်မ စက်ရုံ ၃ ခုပိုင်ပါတယ်။ ကိုယ်တိုင်ချက်ပြုတ်ကျွေးပါမယ်” (သို့မဟုတ်) အိန္ဒိယ သန်းကြွယ် သူဌေးမလေးက အလုပ်လက်မဲ့ အမျိုးသားတစ်ဦးဦးကို လက်ထပ်လိုနေ

အိန္ဒိယနိုင်ငံ အလယ်ပိုင်း မဒရာ ပရာဒက်ရှ်ပြည်နယ်၊ ဂွါလီယာမြို့နေ စီးပွားရေးလုပ်ငန်းရှင် မိန်းကလေးတစ်ဦးဖြစ်သူ တန်ည မစ်တဲသည် မဟာကွမ်း (Mahakumbh) ပွဲတော်သို့ သွားရောက်ခဲ့ပုံ ဗွီဒီယိုဖိုင်မှာ လူမှုကွန်ရက်တွင် ကျော်ကြား ဂယက်ရိုက်ခဲ့သည်။

(မှတ်ချက်။ မဟာကွမ်း ပွဲတော်သည် အိန္ဒိယ၏ အထင်ရှားဆုံး ပွဲတော်တစ်ခုဖြစ်ပြီး ၁၂ နှစ်တစ်ကြိမ်သာ ကျင်းပသည်။ သန့်စင်သော ရေစင်တော်ဖြင့် ရေချိုးကာ မကောင်းသောကြမ္မာဆိုးတို့ကို ဆေးကြောလေ့ရှိသည်။ ဂင်္ဂါ၊ ယမုံနာမြစ်တို့ အပါအဝင် နေရာ ၄ နေရာတွင် ကျင်းပလေ့ရှိသည်။ ၂၀၂၅ ခုနှစ်တွင် ကျရောက်သော မဟာကွမ်းပွဲတော်ကို ယခုနှစ် ဇန်နဝါရီ ၁၃ မှ ဖေဖော်ဝါရီ ၂၆ ရက်အထိ ကျင်းပခဲ့သည်။)

တန်ည မစ်တဲသည် အိန္ဒိယ ရုပ်သံတို့မှ ထုတ်လွှင့်သော Bigg Boss အမည်ရှိ reality show ၏ season 19 တွင် ပါဝင်ယှဉ်ပြိုင်ခဲ့ပြီးနောက် အရပ်ရှည်မှုအပေါ် troll ခံခဲ့ရသည်။

တန်ည မစ်တဲက ပြောသည်မှာ မိမိ၏ စံအိမ်မှာ စတုရန်းပေ ၂၆၀၀၀ ကျယ်ဝန်းပြီး ဝန်ထမ်းပေါင်း ၈၀၀ ကျော်ကို ကွပ်ကဲနေသူဖြစ်ကာ သက်တော်စောင့်များလည်း ခန့်ထားပြီး သန်းကြွယ်သူဌေးတစ်ဦးဖြစ်ကြောင်း ပြောသည်။

တွေ့ဆုံမေးမြန်းခန်းတစ်ခုတွင် တန်ညက ပြောခဲ့သည်မှာ မိမိအနေဖြင့် အလုပ်လက်မဲ့ အမျိုးသားတစ်ဦးကို လက်ထပ်ရန် အသင့်ရှိသည်ဟု ဆိုသည်။

NewScoop သတင်းဌာနနှင့် တွေ့ဆုံမေးမြန်းခန်းတွင် တန်ညက “ဒီကမ္ဘာကြီးမှာ ကိုယ်လိုချင်တဲ့ အမျိုးသားမျိုးရှိလားဆိုတာ မသိပါဘူး။ ဒါပေမယ့် အလုပ်လက်မဲ့ဘဲတစ်ယောက်ကို လက်ထပ်ရလို့လည်း ကိစ္စမရှိပါဘူး။ ခြေထောက်ကို နှိပ်နယ်ပေးရသည်ဖြစ်စေ၊ လူလယ်ခေါင်မှာ သူ့ခြေဖျားကို နဖူးနဲ့ တိုက်ရသည်ဖြစ်စေ ကိစ္စမရှိပါဘူး။ အချစ်ရေးမှာ ရာထူးအဆင့်ဆိုတာ မရှိဘူးလို့ ကျွန်မ ယုံကြည်ထားပါတယ်” ဟု ပြောခဲ့ဖူးသည်။

ချစ်သူအမျိုးသားဟောင်းအပေါ် မိမိ လုပ်ဆောင်ပေးခဲ့သည်များကို တန်ညာက ပြန်ပြောင်းပြောပြသည်။

“ကျွန်မ ချစ်သူထားခဲ့ချိန်က ကျွန်မဟာ ဘာကိုမှ မျှော်လင့်ချက်မထားခဲ့တဲ့သူပါ။ သူ စားသောက်ပြီးချိန်မှာ ရေနွေးစိမ်ထားတဲ့ အဝတ်တစ်ခု လက်သုပ်ဖို့ ယူလာပေးတာမျိုးအထိ လုပ်ပေးပါတယ်။ ယောက်ျားရရင်လည်း ခင်ပွန်းကို ဒါမျိုးလုပ်ပေးမှာပါ။ ယောက်ျားဖြစ်သူအနေနဲ့ သူ့ကိုယ်သူ ဧကရာဇ်တစ်ပါးလို ခံစားစေချင်ပါတယ်” ဟု တန်ညက ပြောသည်။

လူချမ်းသာတစ်ဦးအား လက်ထပ်ရန် အဘယ်ကြောင့် စိတ်မဝင်စားသည့်အကြောင်းကို တန်ညက ရှင်းပြသည်မှာ “အခုအချိန်မှာ ကျွန်မ စက်ရုံ ၃ ခု ပိုင်ပါတယ်။ ငွေတွေ အလုံအလောက်ရှိပါတယ်။ ဒီလိုပြောလို့ ကျွန်မအတွက် ငွေရှာပေးမယ့်သူမျိုး အရေးတကြီး မလိုအပ်ပါဘူး။ အမျိုးသားတစ်ယောက်အနေနဲ့ စားစရာဝယ်လာဖို့အရေး သောကများမနေရတဲ့ ဘဝနဲ့ ထိုက်တန်တယ်လို့ ယူဆပါတယ်။ ကျွန်မဟာ ခင်ပွန်းအတွက် ငွေရှာပေးမယ့်အပြင် ကိုယ်တိုင် ချက်ပြုတ်ပေးမှာပါ။” ဟု ဆိုသည်။

“အမျိုးသမီးတွေဟာ အမျိုးသမီး တန်းတူအခွင့်အရေးလို့ ကြွေးကြော်ပြီး ခင်ပွန်းတွေအပေါ် လွှမ်းမိုးတာတွေ လုပ်စပြုနေကြပါပြီ။ ဒါက မှားယွင်းပါတယ်။ သီတာဒေဝီဟာ ရာမမင်းသားရဲ့ ခြေအစုံကို ဦးခိုက်ခဲ့သူပါ”

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: ‘Millionaire’ Tanya Mittal says she is ready to marry a jobless man and cook for him: ‘I own about 3 factories, have enough money’ (indianexpress)