ဂျပန်အလုပ်သမားတစ်ဦးက တစ်ရက်လျှင် ၁၈ နာရီခန့် ရုန်းကန်လှုပ်ရှားရသည့် သူ၏ဘဝကို လူမှုကွန်ရက်တွင် ဗွီဒီယိုဖိုင်တင်ခဲ့ပုံ ဂယက်ရိုက်ပျံ့နှံ့နေ

ဂျပန်အလုပ်သမားတစ်ဦးက ရုံးရက်များတွင် မနက် ၇ နာရီမှ ည ၁၁း၅၀ အထိ ရုန်းကန်လှုပ်ရှားရသည့် ဘဝအကြောင်းကို “တနေ့တာဘဝ - အမည်းရောင်ကုမ္ပဏီတစ်ခုမှ ဝန်ထမ်းတစ်ဦး” ဟူသော အမည်ဖြင့် ဗွီဒီယိုဖိုင်တင်ခဲ့ရာ လူမှုကွန်ရက်တွင် ပျံ့နှံ့ကျော်ကြား ဂယက်ရိုက်နေသည်။

များစွာသောသူတို့သည် အလုပ်အကိုင်အခွင့်အလမ်းကောင်းများ ရှာဖွေရန်အတွက် ပြည်ပသို့ ထွက်ရန် စိတ်ကူးအိပ်မက်ကြသည်။

သို့သော် ပြည်ပတွင် အလုပ်လုပ်ကိုင် ဖြတ်သန်းရမှုဘဝမှာ အလွန်ခက်ခဲကြမ်းတမ်းနိုင်သည်။

ဂျပန်မှ ဝန်ထမ်းတစ်ဦးက တစ်နေ့တာမည်သို့ ဖြတ်သန်းရသည်ကို လူမှုကွန်ရက်တွင် မကြာသေးမီက ချပြလာရာ တစ်ကမ္ဘာလုံး အံ့အားသင့်ခဲ့ရသည်။

၎င်းက မနက် ၇ နာရီ အိပ်ရာထချိန်မှစကာ ည ၁၁း ၅၀ ခန့်တွင် ညဉ့်နက်ချိန်မှ ညစာစားရပုံ နေ့စဉ်ဘဝဖြတ်သန်းရမှုအကြောင်းကို ချပြထားသည်။

(▲ ဂျပန်တွင် အချို့အလုပ်သမားများ၏ ဘဝဖြတ်သန်းရမှုမှာ မည်မျှပင်ပန်းကြောင်း ဗွီဒီယိုထဲတွင် ချပြထားသည်။ ဓာတ်ပုံ-Credit: YouTube)

ဂျပန်တွင် အနက်ရောင်ကုမ္ပဏီဆိုသည်မှာ အလုပ်သမားများကို မညှာမတာ ဆက်ဆံသည့် ကုမ္ပဏီတို့ကို ခေါ်ဝေါ်ခြင်း ဖြစ်သည်။

အချို့အလုပ်သမားတို့၏ ဘဝမှာ အများက ယူဆထားသော သက်သောင့်သက်သာရှိကာ ပျော်ရွှင်ဖွယ်ကောင်းသည်ဟု ယူဆထားခဲ့မှုများနှင့် ခြားနားနေကြောင်း ယခုဗွီဒီယိုဖိုင်က ချပြထားသည်။

အလုပ်လုပ်နေရသကဲ့သို့ မခံစားရကြောင်း ပြောသော်လည်း မနက် ၇း၁၆ တွင် အိမ်မှ ထွက်ကာ ရုံးသို့ရောက်ရန် မိနစ် ၉၀ ခန့် သွားရသည်။

မနက် ၉ နာနရီတွင် အလုပ်စပြီး မွန်းလွဲ ၁ နာရီအထိ အလုပ်လုပ်ရသည်။

ကြားထဲတွင် မနက် ၁၁း၃၅ ၌ ကော်ဖီသောက် ခေတ္တနားချိန်ရသည်။

၎င်းက ပြောပြသည်မှာ များစွာသော အနက်ရောင်ကုမ္ပဏီတို့သည် ဘွဲ့ရစ ကျောင်းဆင်းများကို ပိုမိုခန့်ထားလိုကြကြောင်း၊ အဘယ်ကြောင့်ဆိုလျှင် အတွေ့အကြုံမရှိသောကြောင့် အလုပ်တွင် မမျှမတ ဆက်ဆံမှုများအပေါ် မေးခွန်းမထုတ်ကြသောကြောင့်ဖြစ်ကြောင်း ပြောသည်။

၎င်းသည် မွန်းလွဲ ၁း၁၀ တွင် နေ့လယ်စာစားပြီးနောက် ၂း၀၀ တွင် အလုပ်ပြန်ဝင်ပြီး နောက်ထပ် ၆ နာရီ အလုပ်လုပ်ရသည်။

ည ၈း၁၅ တွင် ရုံးဆင်းပြီး ထိုအချိန်တွင် အလွန်ပင်ပန်းနွမ်းနယ်နေပြီ ဖြစ်သည်။

အလုပ်ချိန် ကြာရှည်စွာ လုပ်ဆောင်ရခြင်းမှာ ရလဒ်များ ကောင်းမလာနိုင်ကြောင်း ၎င်းက ပြောသည်။

ဂျပန်တွင် တစ်ပတ်လျှင် ရုံးတက်ရက် ၄ ရက်သာရှိသည်ဆိုသော သတင်းများနှင့် ပတ်သက်ပြီး ၎င်းက ပြောသည်မျာ ထိုအချက်မှာ ကောလာဟလသာဖြစ်ကြောင်း၊ မိမိ၏ အလုပ်တွင် မည်သည့်အပြောင်းအလဲမှ မရှိကြောင်း ပြောသည်။

၎င်းသည် ရုံးဆင်းအပြီးတွင် ဈေးဆိုင်အချို့သို့ ဝင်ပြီးနောက် အိမ်ပြန်ခရီး မိနစ် ၉၀ ကုန်လွန်ပြီးနောက် ည ၁၀း ၄၅ တွင် အိမ်သို့ ပြန်ရောက်သည်။

ယင်းနောက် ၁၁း၃၀ တွင် ညစာချက်ပြုတ် စားသောက်ပြီး ည ၁း၁၅ တွင်မှ အိပ်ရာဝင်နိုင်သည်။

ဂျပန်၏ ရှည်လျားလှသော အလုပ်ချိန်များနှင့် ပတ်သက်ပြီး ရတက်မအေးဖြစ်ခဲ့ကြသည်မှာ ကာလကြာမြင့်ခဲ့ပြီ ဖြစ်သည်။

အချို့မှာ အလုပ်ဖိအား အလွန်များသောကြောင့် နှလုံးဖောက်ခြင်း၊ လေဖြတ်ခြင်းကဲ့သို့ ကျန်းမာရေး ပြဿနာများ ရင်ဆိုင်ရပြီး အချို့မှာ မိမိကိုယ်ကို အဆုံးစီရင်သွားကြခြင်းမျိုးပင် ရှိသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Watch: Japanese Worker’s 18-Hour Day Video Shocks Internet Photo Credit-YouTube