ထပ်ဆင့်အော်စကာဆုရှင် ရောဘတ်ဒီနီရိုနှင့် ဇနီးဟောင်း ဂရေ့စ်တို့၏ မင်္ဂလာဦးစံအိမ်ကြီး ဝယ်လက်ရှာတွေ့

ဟောလိဝုဒ်ဂန္ထဝင်ကြယ်ပွင့် ရောဘတ်ဒီနီရိုသည် The Godfather Part II နှင့် Goodfellas တို့ကဲ့သို့ ဇာတ်ကြမ်းကားများဖြင့် ကမ္ဘာကျော်ခဲ့သူဖြစ်ကာ အခြားသောနာမည်ကြီးဇာတ်ကားများစွာတွင်လည်း ပါဝင်သရုပ်ဆောင်ခဲ့သည်။

အော်စကာဆု ရခဲ့သော ရုပ်ရှင်များမှာ The Godfather Part II (၁၉၇၄ ခုနှစ်) နှင့် Raging Bull (၁၉၈၀ ခုနှစ်) တို့ ဖြစ်သည်။

ထပ်ဆင့်အော်စကာဆုရှင် ရောဘတ်ဒီနီရို၏ အခြားနာမည်ကြီးဇာတ်ကားများမှာ Raging Bull, Taxi Driver, Cape Fear Silver Linings Playbook နှင့် the Meet The Parents ဇာတ်လမ်းတွဲများဖြစ်၏။ ယင်းမှာ သူ၏ နာမည်ကြီးဇာတ်ကားများမှ အချို့ကိုသာ ထုတ်နှုတ်ဖော်ပြခြင်း ဖြစ်ပါသည်။

အမေရိကနှ်ရုပ်ရှင်အင်စတီကျုက ရွေးချယ်သော “သမိုင်းတလျှောက် အကြီးမြတ်ဆုံး အမေရိကန် ရုပ်ရှင် ၁၀၀” စာရင်းတွင် ရောဘတ် ဒီနီရို၏ ရုပ်ရှင် ၅ ခု ပါဝင်သည်။

((ရောဘတ် ဒီနီရို၏ မင်္ဂလာဦးစံအိမ်))

ရောဘတ်ဒီနီရို၏ ဇနီးဟောင်း ရုပ်ရှင်မင်းသမီး ဂရေ့စ် ဟိုက်ချ်တာဝါသည် ဘဝစာမျက်နှာသစ်ကို စတင်ရန် အသင့်ဖြစ်နေသည်။

ရောဘတ်ဒီနီရိုနှင့် ဂရေ့စ်တို့ လူသိရှင်ကြား ကွာရှင်းပြတ်စဲပြီးနောက် နှစ်ဦးအတူနေထိုင်ခဲ့သော နယူးယောက်မှ နေအိမ်ကို ဂရေ့စ်က အရောင်းဈေးကွက်တင်ခဲ့ရာ ယခုအခါ ဝယ်လက်ရှာတွေ့သွားပြီ ဖြစ်သည်။

နယူးယောက်၏ နာမည်ကျော် Central Park ပန်းခြံကြီးကို မျက်နှာမူထားသော အိမ်ဖြစ်ပြီး Clive Davis နှင့် အဆိုတော် Sting တို့ကဲ့သို့ အကျော်အမော်များ နေထိုင်သည့်ဝန်းကျင်ဖြစ်သည်။

အကျယ်အဝန်း စတုရန်းပေ ၅၈၀၀ ရှိသော အခန်းကို ဂရေ့စ်က ယခုနွေရာသီတွင် ဒေါ်လာ သန်း ၂၀ ဈေးခေါ်ကာ အရောင်းဈေးကွက်တင်ခဲ့သည်။

၂၀၀၆ ခုနှစ်အတွင်း ၎င်းတိို့ဇနီးမောင်နှံ ဝယ်ယူခဲ့ချိန်က ကန်ဒေါ်လာ ၂၀ ဒသမ ၉ သန်းပေးခဲ့ရရာ ဝယ်ဈေးအောက် အရှုံးခံကာ ဈေးခေါ်ခဲ့ခြင်းလည်း ဖြစ်သည်။

လက်ရှိအားဖြင့် ဝယ်လက်နှင့် အရောင်းအဝယ်စာချုပ်ချုပ်ဆိုထားပြီး အရောင်းအဝယ်အပြီးမသတ်သေးချေ။

မည်သူက ဈေးနှုန်းမည်မျှဖြင့် ဝယ်ယူသွားသည်ကိုမူ မသိရ။

ဂရေ့စ်က မိမိအနေဖြင့် ဘဝစာမျက်နှာသစ်ကို စတင်ရန် အသင့်ဖြစ်နေပြီဖြစ်ကြောင်း နေအိမ်ကို ဈေးကွက်တင်ချိန်က Wall Street ဂျာနယ်သို့ ပြောခဲ့သည်။

(နယူးယောက်မြို့တွင် ၂၀၁၈ ခုနှစ်၊ ဇွန်လ ၁၀ ရက်က ကျင်းပခဲ့သည့် ၇၂ ကြိမ်မြောက် Tony Awards ၌ ရောဘတ်ဒီနီရိုနှင့် ဂရေ့စ်တို့ စုံတွဲကို တွေ့ခဲ့ရပုံ။ ဓာတ်ပုံ-Getty Images)

ဝယ်လက်များကို ဆွဲဆောင်နိုင်ရန်အတွက် ဝယ်ဈေးအောက် တမင်ဈေးလျှော့ရောင်းချခြင်းဖြစ်ကြောင်း ဂရေ့စ်က ရှင်းပြသည်။

အခန်းတည်နေရာမှာ အနောက် ၆၉ လမ်းအနီးတွင် ဖြစ်သည်။

ယခုအခန်းကို ရုပ်ရှင်ထုတ်လုပ်သူ ဟာဗေးဝိန်းစတိန်းလည်း ပိုင်ဆိုင်ခဲ့ဖူးသည်။

၂၀၁၂ ခုနှစ်တွင် မီးသင့်ခဲ့ဖူးပြီး အကြီးစားပြန်လည်မွမ်းမံမှုများ ပြုလုပ်ခဲ့ရသည်။

ဂရေ့စ်က ဗိသုကာပညာရှင် အလက်ဇန်းဒါး အန်တိုနယ်လီနှင့် အိမ်တွင်းဒီဇိုင်နာ Buzz Kelly တို့ကို ခေါ်ယူကာ ပြန်လည်မွမ်းမံမှုများ ပြုလုပ်ခဲ့သည်။

(ဂရေ့စ်ကို ယခုအခန်းတွင် တွေ့ရပုံ။ ဓာတ်ပုံ-Compass/ Joel Pitra for DD Reps)

(နယူးယောက်၏ နာမည်ကျော် Central Park ကို အပေါ်စီးမှ စီးမိုးတွေ့မြင်ရသည်။ ဓာတ်ပုံ- Compass/ Joel Pitra for DD Reps)

(မီးဖိုဆောင်။ ဓာတ်ပုံ- Compass/ Joel Pitra for DD Reps)

(ဆက်စပ်သတင်း) ထပ်ဆင့် အော်စကာဆုရှင် ရောဘတ်ဒီနီရို၏ နယူးယောက်ကျေးလက်မှ ၉၈ ဧက စံအိမ်

https://www.imyanmarhouse.com/news/read/1041390

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Grace Hightower, ex-wife of Robert De Niro, finds a buyer for their Central Park-facing marital home (nypost)

Photo Credit- Compass/ Joel Pitra for DD Reps