အလုပ်စားပွဲသို့ လှေကားဖြင့်တက်ရသော ရေကူးကန်ထဲတွင် ဆောက်လုပ်ထားသည့် ထူးဆန်းသော ရုံးခန်း

တရုတ်ပြည်တွင် နေအိမ်မွမ်းမံအလှဆင်သည့် decoration ကုမ္ပဏီတစ်ခုက ရေကူးကန်တစ်ခုကို ရုံးခန်းအဖြစ် အသုံပြုထားမှုအပေါ် ပြည်မကြီး လူမှုကွန်ရက်သုံးစွဲသူတို့ များစွာသဘောကျနေသည်။

ဝန်ထမ်းတစ်ဦး ရုံးဆင်းမည်ဆိုပါက ရေကူးကန်ကြမ်းပြင်သို့ လှေကားဖြင့်ဆင်းရပြီး ထိုမှတဖန် ရေကူးကန်ဘေး လှေကားမှတဆင့် အပေါ်သို့ ပြန်တက်ရသည်။

ကုမ္ပဏီ၏ အမည်မှာ Luban Decoration Group ဟုခေါ်ပြိး တရုတ်ပြည်အနောက်တောင်ပိုင်း စီချွမ်ပြည်နယ်၊ ချန်ဒူးမြို့တွင် အခြေစိုက်သည်။

ထိုကုမ္ပဏီမှ ဝန်ထမ်းတစ်ခုက ၎င်းတို့၏ ထူးဆန်းသောရုံးခန်းကို ဗွီဒီယိုရိုက်ကာ “ရေကူးကန်ဘဝမှ ရုံးခန်းအဖြစ် ပြောင်းလဲခြင်း” ဟု အမည်ပေးကာ လူမှုကွန်ရက်တွင် တင်ခဲ့ရာ ချက်ချင်းပင် ဂယက်ရိုက် ကျော်ကြားသွားသည်။

(▲ ရေကူးကန်တွင် မူလက တပ်ဆင်ထားသော သတိပေးဆိုင်းဘုတ်များ တွေ့နေရဆဲ ဖြစ်သည်။ ဓာတ်ပုံ-Handout)

Cover News သတင်းဌာန၏ ဖော်ပြချက်အရ ကုမ္ပဏီ၏ အားကစားလေ့ကျင့်ခန်းမ၊ ရေကူးကန်နှင့် ရုံးခန်းနေရာတို့ကို တပေါင်းတည်း တွေ့ရမည်ဖြစ်ကြောင်း ဖော်ပြသည်။

ရေကူးကန်ကို ရုံးခန်းအဖြစ် ပြောင်းလဲရာတွင် မူရင်းအခြေအနေအတိုင်း ဆက်လက်ထိန်းသိမ်းထားရာ “ရေကူးကန်နေရာ” ၊ “ရေအနက် ၁ ဒသမ ၅၅ မီတာ” အစရှိသည့် ဆိုင်းဘုတ်များကိုပင် တွေ့နေရဆဲ ဖြစ်သည်။

ရေကူးကန်နေရာကို ရုံးခန်းအဖြစ် ပြောင်းလဲအသုံးပြုရခြင်းမှာ ရုံးခန်းနေရာကို ပြန်လည်မွမ်းမံမှုများ ပြုလုပ်နေသောကြောင့်ဖြစ်ကြောင်း၊ ယခုနေရာတွင် ၂ လခန့် နေထိုင်အလုပ်လုပ်ရမည်ဖြစ်ကြောင်း ဝန်ထမ်းတစ်ဦးက ပြောပြသည်။

လူမှုကွန်ရက်တွင် ဂယက်ရိုက်ပျံ့နှံ့နေသော ဓာတ်ပုံနှင့် ဗွီဒီယိုများတွင် တွေ့မြင်ရမှုအရ စားပွဲ ၅ ခန်းရှိပြီး တစ်တန်းလျှင် အလုပ်စားပွဲ ၈ ခုရှိသည်ကို တွေ့ရသည်။

ရေကူးကန်ကြမ်းပြင်ရှိ ဆော့ကက်ပေါက်များ၊ extension ကြိုးများဖြင့် လျှပ်စစ်မီး ရယူသည်။

(▲ ရေကူးကန်ကြမ်းပြင်ရှိ ဆော့ကက်ပေါက်များမှတဆင့် လျှပ်စစ်မီး ရယူသည်။ ဓာတ်ပုံ-Handout)

“သိပ္ပံဆန်းကြယ် ရုပ်ရှင်တစ်ခုထဲကို ကိုယ်တိုင်ရောက်သွားသလို ခံစားရပါတယ်။ ဒါက အရမ်းမိုက်ပါတယ်။ ဒီလိုရုံးခန်းနေရာမျိုးမှာ တစ်နှစ်လောက်လည်း ကျွန်တော်နေနိုင်ပါတယ်” ဟု ကုမ္ပဏီမှ အမျိုးသားဝန်ထမ်းတစ်ဦးက ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Company turns swimming pool into office, employees reach desks using ladders: Social media reacts

Photo Credit-Handout