ပြည်တွင်းအိမ်ခြံမြေလုပ်ငန်းဈေးကွက်ကို ပြည်ပလုပ်ငန်းရှင်များ စောင့်ကြည့်

ပြည်တွင်း အိမ်ခြံမြေလုပ်ငန်း များနှင့် ဆောက်လုပ်ရေးလုပ်ငန်း များသို့ ပြည်ပရင်းနှီးမြှုပ်နှံသူများ စိတ်ဝင်စားမှု မြင့်တက်နေသော် လည်း အမှန်တကယ် လာရောက် လုပ်ကိုင်ရန် သတင်းအချက်အလက် များ စုဆောင်းခြင်းနှင့် ဈေးကွက် အနေအထားကို စောင့်ကြည့်ခြင်း ပြုနေသည့် အခြေအနေတွင် ရှိနေဆဲ ဖြစ်ကြောင်း နိုင်ငံတကာ အိမ်ခြံမြေ ကျွမ်းကျင်သူများနှင့် ပြည်တွင်း အိမ်ခြံမြေ အကျိုးဆောင်များထံမှ သိရသည်။

”မြန်မာဈေးကွက်ကို အားလုံး က စောင့်ကြည့်နေကြတယ်။ အထူး သဖြင့် reform တွေ၊ ဥပဒေ၊ လုပ်ထုံးလုပ်နည်းတွေကိုလည်း အခု ထက် ပိုမိုကောင်းမွန်အောင် လုပ်ဖို့ လိုတဲ့အပြင် အခုထက် ပိုပြီး ပွင့်လင်း မြင်သာမှုရှိရှိလုပ်ဖို့ လိုတယ်။ FDI တွေကလည်း အခုလောလောဆယ် မြန်မာနဲ့ ပတ်သက်တဲ့ သတင်းအချက် အလက်တွေကို စောင့်ကြည့်နေဆဲ အခြေအနေ ဖြစ်ပါတယ်။ သူတို့ အများဆုံး လုပ်ချင်တဲ့ လုပ်ငန်းတွေ ကတော့ real estate၊ power၊
oil & gas လုပ်ငန်းတွေကို စိတ်ဝင် စားနေကြတယ်”ဟု နိုင်ငံတကာ အိမ်ခြံမြေနှင့် ရင်းနှီးမြှုပ်နှံမှု အကြံ ပေးကုမ္ပဏီ တစ်ခုဖြစ်သည့် VDB Loi ကုမ္ပဏီမှ Mr. Edwin Vanderbruggen က ပြောသည်။

ရန်ကုန်မြို့၏ တိုးပွားလာသည့် လူဦးရေ၊ အိမ်ခြံမြေ လိုအပ်ချက်နှင့် စီးပွားရေး အခွင့်အလမ်းများကြောင့် အိမ်ခြံမြေလုပ်ငန်းများသို့ ပြည်တွင်း ပြည်ပမှ ရင်းနှီးမြှုပ်နှံသူများ အများ အပြား ဝင်ရောက်လုပ်ကိုင်နေသကဲ့ သို့ ဂျပန်၊ ကိုရီးယား ၊ အမေရိကန်နှင့် အနောက်ဥရောပမှ real estate ကုမ္ပဏီများက စိတ်ဝင်စားမှုများ ရှိနေ သည့်အတွက် မေးမြန်းစုံစမ်းမှုများ ရှိနေကြောင်း မြန်မာနိုင်ငံ အိမ်ခြံမြေ ဝန်ဆောင်မှုအသင်း ဗဟိုမှ သိရ သည်။

မကြာမီ ပြည်ထောင်စု လွှတ် တော်တွင် ဆွေးနွေးပြီး အသစ်ထွက် ရှိလာမည့် ကွန်ဒိုမီနီယမ် ဥပဒေ၊ မြန်မာအိမ်ခြံမြေဈေးကွက်အတက် အကျ အခြေအနေနှင့် ပွင့်လင်းမြင် သာမှု နည်းပါးသည့် မြို့သစ်တည် ဆောက်ရေး စီမံကိန်းများအပြင် နိုဝင်ဘာလအတွင်း ကျင်းပပြုလုပ် တော့မည့် အထွေထွေရွေးကောက်ပွဲ အပြီး ဖြစ်ပေါ်လာနိုင်သည့် ဈေးကွက် အနေအထားကြောင့် ပြည်ပလုပ်ငန်း ရှင်များက ပြည်တွင်းအိမ်ခြံမြေ လုပ်ငန်းများကို စောင့်ကြည့်နေဆဲ အခြေအနေတွင် ရှိနေသည့်အပြင် လက်ရှိ ဈေးကွက်အခြေအနေအရ အငှားဈေးနှုန်းများ မြင့်တက်နေ သော်လည်း အိမ်ခြံမြေအရောင်း အဝယ်များ အေးစက်လျက်ရှိနေ သည်။

”ကိုရီးယား၊ တရုတ်တို့က အိမ် ခြံမြေကုမ္ပဏီတွေ ဆောက်လုပ်ရေး လုပ်ငန်းတွေကလည်း ဒီမှာ ရင်းနှီး မြှုပ်နှံဖို့ လာတွေ့တာနဲ့ စုံစမ်းတာ ရှိပါတယ်”ဟု မြန်မာနိုင်ငံ အိမ်ခြံမြေ ဝန်ဆောင်မှုအသင်း ဗဟို အထွေ ထွေ အတွင်းရေးမှူး ဒေါ်မို့မို့အောင်က ပြောသည်။

လတ်တလော အိမ်ခြံမြေဈေး ကွက် အခြေအနေအရ အကွက် အကွင်းကောင်း၍ အချက်အချာ ကျသည့် နေရာများ ရှားပါးလာခြင်း၊ သိန်းထောင်ကျော်တန်သည့် အကွက် ကြီးများထက် အမှန်တကယ် နေထိုင် သူ အချို့၏ ဝယ်ယူမှုကြောင့်လည်း သိန်းရာဂဏန်းရှိသည့် အကွက်များ ကြိုကြားကြိုကြား အရောင်းအဝယ် ဖြစ်နေသည့်အပြင် အသစ်ဖြစ်ပေါ် လာနိုင်သည့် ဈေးကွက်အခြေအနေ ကို မျှော်မှန်း၍ ဈေးနှိမ်ဝယ်ယူမှုများ ရှိလာနေသည်ဟု အိမ်ခြံမြေ အကျိုး ဆောင်များထံမှ သိရသည်။

”ကျပ်သိန်း ၁,၅ဝဝ တန်တဲ့ မြေကွက်ကို သိန်း ၈ဝဝ လောက်နဲ့ ဈေးဆစ်တာတို့ လုပ်လာကြတယ်။ အရောင်းအဝယ်အေးတဲ့ အချိန်မှာ ဈေးနှိုက်ပြီး ဈေးတက်ရင် ပြန်ရောင်း မယ့်သဘောနဲ့ မြေတွေကို စုနေတဲ့ ပုံစံ ပြန်လုပ်နေပေမယ့် မြေကွက် ပိုင်ရှင်အများစုကတော့ မရောင်းကြ ပါဘူး။ အရင်က ဈေးကစားခဲ့ကြတဲ့ လူမျိုးခြားတွေပဲ လာလုပ်တာများ တယ်”ဟု ဒဂုံမြို့သစ် အရှေ့ပိုင်းမြို့ နယ်မှ ဖြိုးလေး အိမ်ခြံမြေ အကျိုး ဆောင်လုပ်ငန်းပိုင်ရှင် ဦးကျော်စိုးက ပြောသည်။

Credit: thetradetimes