၂၀၁၅ အတွင်း ပထမ ဦးဆုံးအနေဖြင့် ရန်ကုန်မြို့တွင် နိုင်ငံခြားနှင့် နိုင်ငံသား ဖက်စပ် လုပ်ကိုင်မည့် ဟိုတယ်ငါးလုံး ထပ်မံခွင့်ပြုမည်ဖြစ်ကြောင်း ဟိုတယ်နှင့် ခရီးသွားလာရေးလုပ်ငန်းဝန်ကြီးဌာနမှ သတင်းရရှိသည်။
ဝန်ကြီးဌာန အနေဖြင့် ၂၀၁၅ အတွက် ပထမဦးဆုံး ခွင့်ပြုမည့် ဟိုတယ်လုပ်ငန်းများ ဖြစ်ပြီး နိုင်ငံခြားသားရင်းနှီးမြှုပ်နှံမှုဖြစ်သော ဗီယက်နမ်ပိုင် ဟို တယ်တစ်လုံး ပါဝင်ကြောင်း ဟိုတယ်နှင့် ခရီးသွားလာရေးလုပ်ငန်းဝန်ကြီးဌာန ဒုဝန်ကြီးဦးစိုင်းကျော် အုန်းက ပြောသည်။
‘‘တစ်နိုင်ငံလုံး အတိုင်းအ တာနဲ့ ဟိုတယ်လိုအပ်ချက်ရှိနေ တယ်။ ရန်ကုန်မှာ လိုအပ်ချက် ရှိနေလို့ ဒါကြောင့် ခွင့်ပြုပေးတာ။ ဟိုတယ်တိုးချဲ့တာတွေလည်း ခွင့် ပြုပေးထားတာ ရှိပါတယ်’’ ဟု ၎င်းကပြောသည်။
ဟိုတယ်နှင့် ခရီးသွားလာ ရေးလုပ်ငန်း ၀န်ကြီးဌာနသည် ၂၀၁၄ ဒီဇင်ဘာအတွင်း တစ်နိုင်ငံ လုံးတွင် ဟိုတယ် ၃၂ လုံး ခွင့်ပြုပေးပြီးရာတွင် မန္တလေး၌ ဟိုတယ်၂၀ ကျော် ခွင့်ပြုပေးခဲ့သည်။ ရန်ကုန်တွင် အခန်းပေါင်းသုံးထောင်ကျော် ပါဝင်မည့် ဟိုတယ်အလုံး ၂၀ခွင့်ပြုပြီးနောက်၂၀၁၅ အတွက် ရန်ကုန်မြို့၌ ပထမဦးဆုံး ခွင့်ပြုခဲ့ခြင်း ဖြစ်သည်။
ထိုသို့ ခွင့်ပြုရာတွင် ကမ္ဘာ အေးဘုရားလမ်းနှင့် စက်မှု ၁ လမ်း၌ ခွင့်ပြုမည့် ဗီယက်နမ် နိုင်ငံသားပိုင် ဟိုတယ်မှာ ရာနှုန်း ပြည့် နိုင်ငံခြားသားပိုင်အဖြစ် ခွင့် ပြုမည် ဖြစ်သည်။
လက်ရှိတွင် နိုင်ငံရေးအရ ပြောင်းလဲလာမှုကြောင့် နိုင်ငံခြားသားများ ၀င်ရောက်မှု မြင့်တက် လာသော်လည်း မြန်မာနိုင်ငံသို့ လာရောက်လည်ပတ်ရသည်မှာ တန်ရာတန်ကြေး ပေးရသည် မဟုတ်သေးကြောင်းနှင့် ၂၀၁၄ အတွင်း နိုင်ငံခြားသား သုံးသန်းနီးပါး ၀င်ရောက်ခဲ့ရာဟိုတယ်ဘက်တွင် အခက်အခဲများ ကြုံတွေ့ခဲ့ရပြီး ယခုနှစ်၌ ခရီးသွား နှစ်ဆခန့် မြင့်တက်လာနိုင်ခြင်း ကြောင့် ဟိုတယ်လည်း နှစ်ဆ ခန့်လိုအပ်မည်ဖြစ်ကြောင်း ခရီး သွား လုပ်ငန်းရှင်များအသင်း အထွေအထွေ အတွင်းရေးမှူး ဦးနောင်းနောင်းဟန် ကပြောသည်။
‘‘ဟိုတယ် တိုးချဲ့ပေမယ့် တချို့က တိုးရစ်မကြိုက်တဲ့ လူ နေရပ်ကွက်တွေ၊ မြို့ပြင်တွေမှာ ဖြစ်နေတယ်။ ဧည့်သည်တွေက သွားလို့ လာလို့ အဆင်ပြေမယ့် နေရာတွေမှာပဲ များနေမယ်။ ဒါ ကို မဖြည့်ဆည်းပေးနိုင်ရင် လိုအပ်ချက်က ရှိနေဦးမှာပဲ’’ဟု ၎င်းကပြောသည်။
ခွင့်ပြုလိုက်သည့် ဟိုတယ် များသည် ဈေးကွက်အထင်ကရ ရှိပြီးသားနှင့် ဟိုတယ်ဝန်ဆောင် မှု ကောင်းမွန်သော ဟိုတယ်များ ပါဝင်သဖြင့် မြန်မာခရီးသွားလုပ် ငန်းကို အထောက်အကူဖြစ်မည် ဟု ၎င်းကပြောသည်။
ရန်ကုန်မြို့တွင် လိုင်စင်ရ ဟိုတယ် ၂၇၉ လုံး၊ မန္တလေးတွင် ၃၂၉ လုံး၊ ရှမ်းပြည်နယ်တွင် အလုံး၂၀၀ ရှိပြီး တစ်နိုင်ငံလုံး၌ ၂၀၁၄အောက်တိုဘာအထိ ဟိုတယ် ပေါင်း ၁၀၇၆ လုံးအထိ ရှိလာသည်။ ဟိုတယ်နှင့် ခရီးသွားလာ ရေးလုပ်ငန်းဝန်ကြီးဌာန စာရင်း အ ရ ၂၀၁၃ အတွင်း နိုင်ငံခြား ခရီးသွား နှစ်သန်းကျော်နှင့် ၂၀၁၄တွင် သုံးသန်းခန့် ၀င်ရောက်ခဲ့ ကြောင်း သိရသည်။
Credit: 7 Day Daily
