ရန်ကုန်တွင် မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက တည် ဆောက်လျက်ရှိသည့် အိမ်ရာ စီမံကိန်းများ ပြီးစီးပါက အခန်း ပေါင်းနှစ်သောင်းကျော်ထွက်ပေါ် လာမည်ဖြစ်ကြောင်း ဆောက် လုပ်ရေးဝန်ကြီးဌာနမှ ထုတ်ပြန် သည့် စာရင်းများအရ သိရသည်။
မြို့ရွာနှင့် အိုးအိမ်ဌာနက ရန်ကုန်တွင် ၂၀၁၆ နှစ်ကုန်အပြီး တည်ဆောက်နေသည့် အိမ်ရာ စီမံကိန်းပေါင်း ခြောက်ခုရှိပြီး ယင်းစီမံကိန်းများမှ အခန်းပေါင်း နှစ်သောင်းကျော် ထွက်ပေါ်လာ မည်ဖြစ်သည်။ လှိုင်သာယာမြို့နယ်တွင် တည်ဆောက်နေသည့် ရွှေလင်ပန်း အိမ်ရာစီမံကိန်းကို စတင်ရောင်းချနေပြီဖြစ်သည်။ အဆိုပါ အိမ်ရာစီမံကိန်းများထဲမှ အခန်းရေ အများဆုံး၊ အကြီးမား ဆုံးစီမံကိန်းမှာ ဒဂုံဆိပ်ကမ်းမြို့ နယ်တွင် တည်ဆောက်နေသည့် သရဝဏ်နှင့် ရတနာအိမ်ရာစီမံ ကိန်းဖြစ်၍ အခန်းပေါင်း ၁၉,၀၀၀ ကျော်ထွက်ပေါ်လာမည်ဖြစ်ပြီး တည်ဆောက်ဆဲ အဆင့်သာရှိ သေးသည်။
အဆိုပါစီမံကိန်းမှာ ၂၀၁၃ ဇွန်လမှစတင်ပြီး မြေဧက ၂၂၀ ကျော်တွင် ၁၈ ထပ်အဆောက် အအုံ ၄၉ လုံးကို သုံးနှစ်အတွင်း အပြီးတည်ဆောက်သွားမည်ဖြစ် သည်။ အခန်းပေါင်း ၄၀၀ ကျော် ပါဝင်သည့် ရွှေဂုံတိုင်ရှိ လင့်လမ်း အိမ်ရာစီမံကိန်းမှာ မြေတစ်ဧက ကျော်တွင် ရှစ်ခန်းတွဲ ခြောက်ထပ် လေးလုံးကို ပုဂ္ဂလိက ကုမ္ပဏီများ နှင့် ပူးပေါင်းတည်ဆောက်လျက် ရှိသည်။
ရန်ကင်းမြို့နယ်တွင် မြေ ဧကဝက်ပေါ်၌ အခန်းပေါင်း ၁၀၀ ကျော်ပါဝင်သည့် ကွန်ဒိုစီမံ ကိန်းကို တည်ဆောက်နေပြီး ရုံး ခန်းနှင့် အိမ်ခန်းစုစုပေါင်း ၁၃၂ ခန်း ပါဝင်မည်ဖြစ်သည်။ အဆိုပါအိမ်ရာအများစုမှာ တန်ဖိုးသင့်၊ တန်ဖိုးမျှတ အိမ်ရာနှင့် အဆင့် မြင့် ကွန်ဒိုအခန်းများ ပါဝင်ပြီး ၂၀၁၅ နှစ်ကုန်နှင့် ၂၀၁၆ နှစ် ကုန်များတွင် အသီးသီးပြီးစီးရန် ဆောက်လုပ်ရေးဝန်ကြီးဌာနက ခန့်မှန်းထားသည်။
တိုက်ခန်းအများစုကို အစိုးရ ဝန်ထမ်းအငြိမ်းစားများ ဝင်ငွေ နည်း ပြည်သူများအတွက် အဓိက အရစ်ကျရောင်းချသွားမည်ဖြစ်ပြီး ရောင်းချရာတွင်လည်း ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်ဖြင့် ချိတ်ဆက် ရောင်းချပေးမည်ဖြစ်ကြောင်း သိရသည်။
တန်ဖိုးနည်း၊ တန်ဖိုးသင့် တင့်အခန်းများမှာ သိန်း ၁၀၀ ကျော်မှ စတင်မည်ဖြစ်ပြီး အဆင့် မြင့်ကွန်ဒိုများမှာ သိန်းထောင် ကျော်အထိ ရောင်းချသွားမည်ဖြစ် သည်။ ရန်ကုန်တွင် မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနက တည်ဆောက်သည့် အခန်းများနည်းတူ ရန်ကုန်မြို့တော်စည်ပင်ကလည်း တန်ဖိုးသင့်တင့် တိုက်ခန်းများတည်ဆောက်နေသော်လည်း အခန်းအရေအတွက်မှာ နည်းပါးနေသေးသည်။
တည်ဆောက်ဆဲ အိမ်ရာ စီမံကိန်းများအနက် လှိုင်သာယာမြို့နယ် ရွှေလင်ပန်း အိမ်ရာစီမံကိန်း၏ အပိုင်း(၁)ရှိ အခန်းခုနစ်ထောင်ကျော်ကို ရန်ကုန်တိုင်းဒေသကြီး အစိုးရအဖွဲ့က မဲစနစ်ဖြင့် ပြီးခဲ့သည့်လက ရောင်းချပေးခဲ့သည်။
Credit: 7 day daily
