မန္တလေးနှင့်ပုဂံအပါအဝင် ဒေသခြောက်ခုတွင် နိုင်ငံခြားရင်းနှီးမြှုပ်နှံမှု ဟိုတယ် ၃၁ လုံးဖွင့်လှစ်ခွင့်ပြုထားကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနမှ သိရသည်။
ယင်းကဲ့သို့ဖွင့်လှစ်ခွင့်ပြုရာ၌ ရန်ကုန်တွင် အလုံးရေ ၂ဝ အသုံးပြုနိုင်သည့် အခန်းအရေအတွက် ၃ဝ၄၇ လုံးဖြင့် အများဆုံးဖွင့်လှစ်ခွင့်ပြုထားပြီးမန္တလေးတွင်အလုံးရေ လေးလုံးအသုံးပြုနိုင်သည့်အခန်းအရေအတွက် ၆၆ဝ ရှိပြီး ပုဂံတွင် အလုံးရေတစ်လုံးရှိပြီး အသုံးပြုနိုင်သည့် အခန်းအရေအတွက် ၁၂၇ လုံးရှိကြောင်း သိရသည်။
ထို့ပြင် ကော့သောင်းတွင် နိုင်ငံခြားရင်း နှီးမြှုပ်နှံမှုဟိုတယ်နှစ်လုံး အသုံးပြုနိုင်သည့် အခန်းအရေအတွက် ၂၅၂ လုံး၊ တာချီလိတ်တွင် အလုံးရေသုံးလုံးရှိပြီး အသုံးပြုနိုင်သည့် အခန်းအရေအတွက်၂၉၁လုံး၊မြိတ်တွင်အလုံးရေတစ်လုံးရှိပြီး အသုံးပြုနိုင်သည့် အခန်းအရေအတွက် ၄၁ လုံးရှိကြောင်း သိရသည်။
မြန်မာနိုင်ငံ၏ဟိုတယ်နှင့်ခရီးသွားကဏ္ဍတွင် နိုင်ငံသားလုပ်ငန်းရှင်များနည်းတူ နိုင်ငံခြားလုပ်ငန်းရှင်များကလည်း မြှုပ်နှံလုပ်ကိုင်လျက်ရှိပြီး ယခု ၂ဝ၁၄ ခုနှစ်အတွင်း၌ မြှုပ်နှံလုပ်ကိုင်မှု ပိုမိုများပြားလာကြောင်း သိရသည်။
တိုင်းနှင့်ပြည်နယ်အလိုက် လိုင်စင်ရယူ၍ ဟိုတယ်လုပ်ငန်း လုပ်ကိုင်နေမှုများမှာမူ ရန်ကုန်တိုင်းဒေသကြီးတွင် ၂၇၉ လုံး၊ မန္တလေးတိုင်းဒေသကြီးတွင်၃၂၉လုံးနှင့်ရှမ်းပြည်နယ်တွင်အလုံး ၂ဝဝလုံးဖြင့်လိုင်စင်ရဟိုတယ်အလုံးရေအများဆုံးဖြစ်ပြီး ၂ဝ၁၄ခုနှစ် အောက်တိုဘာလကုန်အထိတိုင်းနှင့် ပြည်နယ်အလိုက် ဖွင့်လှစ်ခွင့်ပြုထားသည့် အလုံးရေ ၁ဝ၇၆ လုံးရှိကြောင်း သိရသည်။
၂ဝ၁၃ ခုနှစ်တွင်နိုင်ငံခြား ခရီးသွားဧည့်သည် နှစ်သန်းကျော် ဝင်ရောက်မှုမှ ခရီးသွားဝင်ငွေ ဒေါ်လာ ၉၂၆ သန်းရရှိခဲ့ပြီး ၂ဝ၁၄ ခုနှစ်အတွင်း ခရီးသွားဧည့်သည် သုံးသန်းအထိ ဝင်ရောက်နိုင်မည်ဟု ခန့်မှန်းထားကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနမှ သိရသည်။
မြန်မာနိုင်ငံ၏ခရီးသွားလုပ်ငန်းကဏ္ဍမှာတစ်နှစ်ထက်တစ်နှစ် ပိုမိုဖွံ့ဖြိုးတိုးတက်လျက်ရှိရာ ခရီးသွားလုပ်ငန်းများကြောင့် ခရီးစဉ်ဒေသများတွင်ဆိုးကျိုးသက်ရောက်မှုအနည်းဆုံးဖြစ်စေရန်၊ ဒေသခံအဖွဲ့အစည်းများအတွက် အခွင့်အလမ်းများကို ဖန်တီးပေးခြင်းဖြင့်ခရီးသွားလုပ်ငန်းတွင်လူမှုအဖွဲ့အစည်းများပါဝင်ဆောင်ရွက်မှုတိုးပွားလာစေရန်စသည်တို့ကိုရည်ရွယ်၍ တာဝန်သိခရီးသွားလုပ်ငန်း မူဝါဒ၊ ခရီးသွားလုပ်ငန်းတွင် လူမှုအဖွဲ့အစည်းများ ပါဝင်ဆောင်ရွက်ရေး မူဝါဒနှင့် ကမ္ဘာလှည့်ခရီးသွားဧည့်သည်များအတွက်ဆောင်ရန်၊ ရှောင်ရန်များ စာအုပ်တို့ကို ထုတ်ဝေထားကြောင်း သိရသည်။
ယင်းအပြင် မြန်မာနိုင်ငံသဘာဝအခြေခံခရီးသွားလုပ်ငန်းများမူဝါဒနှင့်စီမံခန့်ခွဲမှုမဟာဗျူဟာကို ရေးဆွဲထုတ်ပြန်နိုင်ရန် စီစဉ်နေပြီးမူကြမ်းကို၂ဝ၁၅ခုနှစ်ဇန်နဝါရီတွင် နေပြည်တော်၌ပြုလုပ်မည့်အာဆီယံခရီးသွားလုပ်ငန်းဖိုရမ်တွင် ဖြန့်ဝေသွားမည်ဟု သိရသည်။
Credit : News Eleven
