ကမ္ဘာပေါ်တွင် အိမ်ခြံမြေ အများဆုံးရောင်းချပေးထားသည့် အကျိုးဆောင်အဖြစ် ဂင်းနက်စ်စံချိန်တင်ထားသော အမေရိကန်ပြည်က အိမ်ခြံမြေအကျိုးဆောင်အကြောင်း

ဘင် ကာဘာရယ်ရို (Ben Caballero) သည် အမေရိကန်ပြည်ထောင်စု၏ နံပါတ် ၁ အိမ်ခြံမြေ အကျိုးဆောင် အဖြစ် ထိပ်ဆုံးတွင် ၁၀ နှစ်ဆက်တိုက် ရပ်တည်ခဲ့ကြောင်း ကမ္ဘာပေါ်ရှိ အိမ်ခြံမြေ အကျိုးဆောင်များနှင့် ကုမ္ပဏီများ၏ ရပ်တည်မှု ranking ကို ဖော်ပြသော RealTrends ၏ အချက်အလက် များအရ သိရသည်။

ကာဘာရယ်ရိုသည် အရောင်းရဆုံး အိမ်ခြံမြေအကျိုးဆောင်အဖြစ် ဂင်းနက်စ်ကမ္ဘာ့စံချိန် ၃ ကြိမ် မှတ်တမ်းတင်ခံထားရသူဖြစ်သည်။

ကာဘာရယ်ရိုသည် ဂင်းနက်စ်ကမ္ဘာ့စံချိန်မှတ်တမ်းတွင် မိမိတင်ထားသောစံချိန်ကို မိမိပြန်ချိုးနိုင်သူလည်း ဖြစ်သည်။

၂၀၂၃ ခုနှစ် Multiple Listing Service အချက်အလက်များအရ ကာဘယ်ရယ်ရိုတစ်ဦးတည်း ရောင်းချပေးခဲ့သော အိမ်ပေါင်း ၇၀၁၂ ခုရှိခဲ့ပြီး တန်ဖိုးအားဖြင့် ကန်ဒေါ်လာ ၃ ဒသမ ၆၃၈ ဘီလီယံဖိုး ဖြစ်သည်။

(▲ အမေရိကန်ပြည်၏ နံပါတ် ၁ အိမ်ခြံမြေအကျိုးဆောင်အဖြစ် ၁၀ နှစ်ဆက်တိုက် ရပ်တည်ခဲ့သူ ဘင် ကာဘာရယ်ရို)

(▲ ကာဘာရယ်ရိုသည် ဂင်းနက်စ်ကမ္ဘာ့စံချိန် ၃ ချိန်တင်ထားသူလည်း ဖြစ်သည်) 

ကာဘာရယ်ရိုသည် HomesUSA.com ကို တည်ထောင်သူ၊ စီအီးအိုဖြစ်ပြီး ဟျု့စ်တန်၊ ဒါးလက်စ်၊ အော်စတင်နှင့် ဆန်အန်တိုနီယိုတို့ရှိ ဆောက်လုပ်ရေးကုမ္ပဏီ ၆၀ ကျော်အတွက် တစ်ဦးတည်း အရောင်းတင်ပေးသော အကျိုးဆောင်အဖြစ် ဆောင်ရွက်လျက် ရှိသည်။

ကာဘာရယ်ရီုသည် MLS မှတဆင့် တစ်နှစ်တာ အိမ်အရောင်းရဆုံးအကျိုးဆောင်အဖြစ် စံချိန်တင်ခဲ့ခြင်းဖြစ်ပြီး ၂၀၂၀ ပြည့်နှစ်က ရောင်းချပေးခဲ့သည့် အိမ်ပေါင်း ၆၄၃၈ ရှိခဲ့သည်။

ကာဘာရယ်ရိုသည် ၂၀၂၃ ခုနှစ်အတွင်း နေအိမ်ပေါင်း ၇၀၁၂ ရောင်းချပေးခဲ့ရာ ပျမ်းမျှအားဖြင့် တစ်ရက်လျှင် အိမ် ၁၉ လုံး ရောင်းချနိုင်ခဲ့ခြင်းလည်းဖြစ်ပြီး နေ့စဉ် ကန်ဒေါ်လာ ၁၀ သန်းနီးပါးဖိုး ရောင်းချနိုင်ခဲ့ခြင်း ဖြစ်သည်။

ကာဘာရယ်ရိုသည် ၂၀၂၂ နှင့် ၂၀၂၃ ခုနှစ် ၂ နှစ်ဆက်တိုက် နေအိမ်ရောင်းချရမှု ၃ ဘီလီယံကျော်ဖိုး ရှိခဲ့သည်။

၂၀၂၂ ခုနှစ်တွင် ကာဘာရယ်ရို ရောင်းချပေးခဲ့သော နေအိမ်တို့၏ စုစုပေါင်း တန်ဖိုးမှာ ကန်ဒေါ်လာ ၃ ဒသမ ၀၆ ဘီလီယံရှိခဲ့ရာ သမိုင်းတလျှောက် တစ်နှစ်တာအတွင်း ဒေါ်လာ ၃ ဘီလီယံဖိုး ရောင်းချပေးနိုင်သည့် ပထမဆုံးအိမ်ခြံမြေအကျိုးဆောင်အဖြစ်လည်း သမိုင်းမှတ်တိုင်စိုက်ထူနိုင်ခဲ့သည်။

သူ၏ အိမ်ခြံမြေအကျိုးဆောင်ဘဝ ဖြတ်သန်းမှုတလျှောက် သမိုင်းမှတ်တိုင်များမှာ….

● တစ်နှစ်တာ ရောင်းအား ကန်ဒေါ်လာ ၁ ဘီလီယံကျော်သည့် ပထမဆုံးအကျိုးဆောင်ဖြစ် (၂၀၁၅၊ ၂၀၁၆၊ ၂၀၁၇၊ ၂၀၂၁)

● တစ်နှစ်တာရောင်းအား ကန်ဒေါ်လာ ၂ ဘီလီယံနှင့်အထက်ရှိသည့် ပထမဆုံး အကျိုးဆောင် (၂၀၁၈၊ ၂၀၁၉၊ ၂၀၂၀)

● တစ်နှစ်တာရောင်းအား ကန်ဒေါ်လာ ၃ ဘီလီယံနှင့်အထက် ရောင်းချနိုင်သည့် ပထမဆုံး အကျိုးဆောင်ဖြစ်

● အကျိုးဆောင်ဘဝတလျှောက် ကန်ဒေါ်လာ ၂၀ ဘီလီယံဖိုးကျော် အိမ်ခြံမြေရောင်းချပေးနိုင်သည့် ပထမဆုံး အကျိုးဆောင်ဖြစ်

● အကျိုးဆောင်ဘဝတလျှောက် နေအိမ်ပေါင်း ၆၀၀၀၀ ကျော် ရောင်းချပေးနိုင်သည့် ပထမဆုံး အကျိုးဆောင်ဖြစ် (၂၀၀၄-၂၀၂၃)

((ဂင်းနက်စ်စံချိန်တင်ခြင်း))

ကာဘာရယ်ရိုသည် ၂၀၁၆ ခုနှစ်အတွင်း နေအိမ်ပေါင်း ၃၅၅၆ ရောင်းချပေးခဲ့ကာ ပထမဆုံးအကြိမ် ဂင်းနက်စ် စံချိန်တင်ခဲ့သည်။

ယင်းနောက် ၂၀၁၈ တွင် နေအိမ်ပေါင်း ၅၈၀၁ ဖြင့်လည်းကောင်း၊ ၂၀၂၀ ပြည့်နှစ်တွင် နေအိမ်ပေါင်း ၆၄၃၈ ဖြင့်လည်းကောင်း ရောင်းချပေးကာ ဂင်းနက်စ်စံချိန်များတင်ခဲ့သည်။

လက်ရှိအားဖြင့် အသက် ၈၄ နှစ်ရှိပြီဖြစ်သူ ကာဘာရယ်ရိုသည် ၂၁ နှစ်အရွယ်ကတည်းက အိမ်ခြံမြေအကျိုးဆောင် ဖြစ်လာခဲ့သူဖြစ်ပြီး ဆုရ Home builder အဖြစ် ၁၈ နှစ်ကြာ ရပ်တည်ခဲ့သည်။

မိဘနှစ်ပါးလုံးမှာလည်း အိမ်ခြံမြေအကျိုးဆောင်များဖြစ်ကြသည်။

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: