မလေးရှားတွင် စာအုပ်ဆိုင်တစ်ခုအတွင်း အစောင့်အကြပ်များမပါဘဲ တစ်ဦးတည်း စာအုပ်ရွေးနေသော မလေးရှားလက်ထောက်ဘုရင်မင်းမြတ်ကို အမျိုးသမီးတစ်ဦးက ၎င်းဝယ်ယူထားသည့် စာအုပ်များအား အမှတ်တရ လက်မှတ်ရေးထိုးခိုင်းခဲ့ပုံဖြစ်ရပ် မလေးရှားလူမှုကွန်ရက်သုံးစွဲသူတို့ကြား နာမည်ကြီးနေ

ဆူလ်တန် နာဇ်ရင် မူဝီဇူဒင် ရှား (Sultan Nazrin Muizzuddin Shah) (မွေး-၁၉၅၆) သည် ၂၀၁၆ ခုနှစ်၊ ဒီဇင်ဘာလမှစတင်ပြီး မလေးရှား ဒုတိယဘုရင်မင်းမြတ်အဖြစ် ရွေးကောက်ခံထားရသူ ဖြစ်သည်။

ဘုရင်မင်းမြတ် နာမကျန်းဖြစ်ခြင်းကဲ့သို့ ရုတ်တရက်အရေးကိစ္စတစ်ရပ်ကြောင့် တိုင်းပြည်တာဝန်မထမ်းဆောင်နိုင်ချိန်တွင် ဘုရင်၏ တာဝန်များကို လွှဲပြောင်းထမ်းဆောင်ရသည်။

သို့သော် ဘုရင်မင်းမြတ်မရှိလျှင် ဒုတိယဘုရင်သည် အလိုအလျောက် ဘုရင်ဖြစ်မလာချေ။

နောက်ထပ်ဘုရင်သစ်ကို ရွေးကောက်ခြင်းမပြုမီ ယာယီကွပ်ကဲမှုသာ ပြုလုပ်ပေးရသည်။ ဒုတိယဘုရင် နာဇ်ရင်သည် သက်တမ်း ၃ ဆက် တဆက်တည်း ရွေးကောက်ခံရသည့် ပထမဆုံးပုဂ္ဂိုလ်လည်း ဖြစ်သည်။

((စာအုပ်ဆိုင်ထဲက ဒုတိယဘုရင်မင်းမြတ်))

အကယ်၍ သင်သည် မလေးရှားရှိ စာအုပ်ဆိုင်တစ်ခုအတွင်း စာအုပ်ရွေးနေစဉ် သင့်အနီးဝန်းကျင်၌ မလေးရှား၏ ဒုတိယဘုရင်မင်းမြတ်သည်လည်း အေးချမ်းဆိတ်ငြိမ်စွာ စာအုပ်ရွေးနေမှုနှင့် ကြုံကြိုက်ခဲ့ပါက မည်သို့ရှိမည်နည်း။

မလေးရှားနိုင်ငံသူ အမျိုးသမီးတစ်ဦးမှာ ကံကောင်းထောက်မစွာဖြင့် ထိုသို့ ကြုံကြိုက်ခဲ့ရသည်။

မလေးရှားအမျိုးသမီး ဖာတင် နာရှားဇလင် (Fatin Nurshazlin) သည် မလေးရှားအနောက်မြောက်ပိုင်း Perak ပြည်နယ်၏ အကြီးအကဲ၊ မလေးရှား လက်ထောက်ဘုရင်မင်းမြတ်နှင့် စာအုပ်ဆိုင်တွင် ဆုံစည်းခဲ့ပုံကို Threads လူမှုကွန်ရက်တွင် မျှဝေပြောပြခဲ့သည်။

နာရှားဇလင်သည် Kinokunlya အမည်ရှိ စာအုပ်ဆိုင်၏ စီးပွားရေးပညာရပ်ဆိုင်ရာ စာအုပ်စင်တန်းတွင် စာအုပ်ရှာနေစဉ် မလေးရှား ဒုဘုရင်နှင့် ကြုံကြိုက်ခဲ့ခြင်း ဖြစ်သည်။

“ကျွန်မက တစ်လတာ ဖတ်စရာ စာအုပ်တွေ လိုက်ရှာနေခဲ့တာ ဖြစ်ပါတယ်။ စာအုပ်ရှာပြီးတဲ့အချိန်မှာ သူ့ကို တွေ့လိုက်ရတာ ဖြစ်ပါတယ်။ ကျွန်မနဲ့ဆို ခြေလှမ်းအနည်းငယ်သာ ကွာဝေးပါတယ်”

နိုင်ငံခေါင်းဆောင်တစ်ဦး အစောင့်အကြပ်များ မပါဘဲ တိတ်ဆိတ်ငြိမ်သက်စွာဖြင့် စာအုပ်များတွင် စီးမျောနေပုံကို တွေ့လိုက်ရချိန်တွင် ရုက်တရက် ကြက်သေသေသွားမိကြောင်း နာရှားဇလင်က ပြောသည်။

“အစောင့်အကြပ်တွေ မပါဘဲ…တော်ဝင်ကိန်းကြီးခမ်းကြီးတွေ မပါဘဲ စာအုပ်တွေကြား ထောင့်တစ်နေရာလေးမှာ ဆူလ်တန်တစ်ပါးကို စိတ်အေးလက်အေး စာအုပ်ရှာနေတာ တွေ့ရလိမ့်မယ်လို့ ဘယ်သူမှ ထင်ထားမှာ မဟုတ်ပါဘူး”

ထိုသို့ ဆုံစည်းမှုတွင် ပိုမိုထူးကဲသည့်ဖြစ်ရပ်တစ်ခု ရှိလာသည်။

မလေးရှား လက်ထောက်ဘုရင်မင်းမြတ်က နာရှားဇလင် ဝယ်ယူထားသော စာအုပ်များကို အေးချမ်းကြည်လင်စွာဖြင့် အမှတ်တရ လက်မှတ်ရေးထိုးပေးခဲ့ခြင်း ဖြစ်၏။

(▲ ဓာတ်ပုံ-Fatin Nurshazlin/ Threads)

နာရှားဇလင်နှင့် လက်ထောက်ဘုရင်မင်းမြတ်တို့ ဆုံစည်းမှုမှာ သာမန်ကိစ္စလေးတစ်ခုမျှသာဖြစ်သော်လည်း အလွန်တာသွားသော ကိစ္စရပ်ဖြစ်သည်။

ယခုဖြစ်ရပ်၏ ထူးခြားမှုမှာ မည်သို့သော ပုဂ္ဂိုလ်နှင့် ဆုံစည်းခဲ့ရသည်ဆိုခြင်းမျှသာမဟုတ်။

အဆိုပါ ခေါင်းဆောင်မှာ အသိပညာကို တန်ဖိုးထားသူ၊ ဘဝတစ်သက်တာလုံး လေ့လာဆည်းပူးနေခြင်းကို လက်ခံအားပေးသူ၊ ဟိတ်ကြီးဟန်ကြီးမရှိ နှိမ့်ချတတ်သော ခေါင်းဆောင်ဖြစ်နေခြင်းမှာ အဓိကထူးခြားချက်တစ်ခု ဖြစ်သည်။

နာရှားဇလင်က လူမှုကွန်ရက်တွင် သူ၏အတွေ့အကြုံကို ရေးသားဖော်ပြခဲ့မှုမှာ မလေးရှား လူမှုကွန်ရက်သုံးစွဲသူတို့အကြား ပျံ့နှံ့ကျော်ကြားသွားခဲ့သည်။

နာရှားဇလင်၏ ပို့စ်ကို ဖတ်ရှုရသော မလေးရှားနိုင်ငံသားများစွာက စာအုပ်စာပေချစ်မြတ်နိုးသော ဒုဘုရင်နှင့် ၎င်းတို့လည်း မည်သို့မည်ပုံ ဆုံစည်းခဲ့ဖူးကြောင်း မှတ်ချက်ပြု ပြောပြကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: “I’m honoured, Tuanku” - M’sian woman spots Sultan Nazrin at Kinokuniya, signs her books Photo Credit- Fatin Nurshazlin/ Threads