ကယ်လီဖိုးနီးယားပြည်နယ်က ကိုယ်ပိုင် တိရ စ္ဆာန်ဥယျာဉ်ပါသော ဒေါ်လာ သန်း ၂၀ တန်ကြေးရှိ မွေးမြူရေးခြံကြီးရဲ့ ကြေကွဲဖွယ် ဇာတ်လမ်း

အမေရိကန်ပြည်၊ ကယ်လီဖိုးနီးယားပြည်နယ်၊ မာလီဘူး ကမ်းခြေမြို့တွင် ကိုယ်ပိုင်တိရ စ္ဆာန်ဥယျာဉ်ပါသည့် နေအိမ်ခြံဝန်းတစ်ခု ကန်ဒေါ်လာ သန်း ၂၀ ဖြင့် အရောင်းဈေးကွက်ဝင်လာသည်။

အဆိုပါ တိရ စ္ဆာန်ဥယျာဉ်မှာ မျိုးဗီဇဖောက်လွဲဖောက်ပြန်ဖြစ်သည့် ရှားပါးဝေဒနာ ခံစားရကာ သေဆုံးသွား ခဲ့သော ၁၃ လအရွယ် သမီးငယ်ကို ရည်စူးသည့်အနေဖြင့် မိဘနှစ်ပါးက ဖန်တီးခဲ့ခြင်း ဖြစ်သည်။

ဘင် ဟာမန်းနှင့် စတေဆီတို့၏ ရင်သွေး သမီးလေး အက်စ်ပန်သည် အချိန်တိုလေးသာ ရှင်သန်ခွင့်ရခဲ့သည့် ကာလအတွင်း အချိန်အများစုကို ဆေးရုံတွင်သာ ကုန်ဆုံးခဲ့ရသည်။

အက်စ်ပန်သည် ကုထုံးတွင် အသုံးပြုသည့် ခွေးများ၊ မြင်းငယ်လေးများနှင့် တွေ့ရပါက တုံ့ပြန်မှု ကောင်းမွန် သည်ကို တွေ့ရသည်။

အက်စ်ပန်သည် ၂၀၁၈ ခုနှစ်တွင် ဆုံးပါးသွားခဲ့ပြီး ဘင်ဟာမန်းတို့ ဇနီးမောင်နှံမှာ သားသမီး ၂ ဦး ထပ်မံ ထွန်းကားခဲ့သည်။

၂၀၂၃ ခုနှစ်အတွင်း ဘင်ဟာမန်းတို့ ဇနီးမောင်နှံသည် ကျယ်ဝန်းသော ခြံဝန်းတစ်ခုကို မျက်စိကျခဲ့ကြသည်။

၂၀၁၈ ခုနှစ်အတွင်း မီးသင့်ခံခဲ့ရသော မာလီဘူးမှ မွေးမြူရေးခြံတစ်ခုဖြစ်ပြီး ဘင်ဟာမန်းက ကန်ဒေါ်လာ ၆ ဒသမ ၆၅ သန်းပေးကာ ဝယ်ယူခဲ့သည်။

ထို့နောက် အက်စ်ပန်လေးအတွက် ရည်စူးကာ အကျိုးအမြတ်အတွက် မရည်ရွယ်သည့် တိရ စ္ဆာန် ဥယျာဉ်လေး တစ်ခု တည်ထောင်ဖန်တီးခဲ့သည်။

အထူးသဖြင့် တိရ စ္ဆာန်လေးများကို ကြည့်ရှုထိတွေ့ခွင့်ရရန် လိုအပ်နေသူများအတွက် ရည်ရွယ်ခဲ့ခြင်း ဖြစ်သည်။

ဘင်ဟာမန်း၏ တိရ စ္ဆာန်ဥယျာဉ်ငယ်လေးတွင် မြင်းကျား၊ သိုး၊ ဆိတ်၊ ဝက်များ၊ နွားပုများ၊ မြည်းများ၊ ကြက်များ၊ မြင်းများ၊ မြင်းကျားနှင့် မြင်းမျိုးစပ်ထားသော zorse တစ်ကောင်၊ မြင်းကျားနှင့် မြည်း မျိုးစပ်ထားသော zedonk တစ်ကောင်တို့ ရှိသည်။

ယခုအခါ ဘင်ဟာမန်းတို့ ဇနီးမောင်နှံက ၎င်းတို့၏ ချစ်စရာကောင်းသော ခြံဝန်းကို ရောင်းချကာ အခြားနေရာသို့ ပြောင်းရွှေ့ရန် စီစဉ်နေသည်။

( ၁၃ လအရွယ်ဖြင့် ကွယ်လွန်သွားသော သမီးငယ်ကို ရည်စူးကာ ဖန်တီးထားသော တိရ စ္ဆာန်ဥယျာဉ်လေး ပါဝင်ပြီး ကန်ဒေါ်လာ သန်း ၂၀ ဈေးခေါ်ထားသည်။ ဓာတ်ပုံ-Realtor)

(ဘင် ဟာမန်းနှင့် စတေဆီတို့၏ ရင်သွေး သမီးလေး အက်စ်ပန်သည် အချိန်တိုလေးသာ ရှင်သန်ခွင့်ရခဲ့သည့် ကာလအတွင်း အချိန်အများစုကို ဆေးရုံတွင်သာ ကုန်ဆုံးခဲ့ရသည်။ အက်စ်ပန်သည် ကုထုံးတွင် အသုံးပြုသည့် ခွေးများ၊ မြင်းငယ်လေးများနှင့် တွေ့ရပါက တုံ့ပြန်မှု ကောင်းမွန်သည်ကို တွေ့ရသည်။ ဓာတ်ပုံ-Realtor)

(ဘင်ဟာမန်း၏ တိရ စ္ဆာန်ဥယျာဉ်ငယ်လေးတွင် မြင်းကျား၊ သိုး၊ ဆိတ်၊ ဝက်များ၊ နွားပုများ၊ မြည်းများ၊ ကြက်များ၊ မြင်းများ၊ မြင်းကျားနှင့် မြင်းမျိုးစပ်ထားသော zorse တစ်ကောင်၊ မြင်းကျားနှင့် မြည်း မျိုးစပ်ထားသော zedonk တစ်ကောင်တို့ ရှိသည်။ ဓာတ်ပုံ-Yelp)

(အကျိုးအမြတ်အတွက် မရည်ရွယ်သည့် တိရ စ္ဆာန်ဥယျာဉ်လေးကို ဘင်ဟာမန်း၏ ဆုံးပါးသွားသော သမီးငယ်လေးအား ရည်စူးကာ အက်စ်ပန်ဟုအမည်ပေးထားသည်။ ဓာတ်ပုံ-Yelp)

(ဘင်ဟာမန်းတို့ ဇနီးမောင်နှံသည် မာလီဘူးရှိ ယခုခြံကို ၂၀၂၃ ခုနှစ်တွင် ကန်ဒေါ်လာ ၆ ဒသမ ၆၅ သန်းဖြင့် ဝယ်ယူခဲ့ပြီး ၁၃ လအချိန်ယူကာ တိရ စ္ဆာန်ဥယျာဉ်ကို ဖန်တီးခဲ့သည်။ ဓာတ်ပုံ-Yelp)

ခြံဝန်းကြီး၏ အမည်မှာ Aspen Hope Ranch ဟု အမည်ရပြီး မာလီဘူးတွင် လူအများချစ်ကြသည့် ခြံလေးတစ်ခုဖြစ်လာကာ မသန်စွမ်းမှု အမျိုးမျိုး ရင်ဆိုင်ရသော ကလေးငယ်များ၏ မိသားစုများအတွက် အထူးပွဲလမ်းများကျင်းပရာ နေရာတစ်ခု ဖြစ်လာသည်။

(ပင်မစံအိမ်မှတဆင့် မွေးမြူရေးခြံဝန်းအတွင်းနှင့် သမုဒ္ဒရာ၏ ရှုမျှော်ခင်းတို့ကို တွေ့မြင်ရသည်။ ဓာတ်ပုံ-Realtor)

(သဘာဝကျောက်တုံးများ၊ ဝက်သစ်ချသားအဖြူရောင်တို့ဖြင့် ခေတ်မီမွမ်းမံဆောက်လုပ်ထားသည်။ ဓာတ်ပုံ-Realtor)

(အခန်းဖွင့် ခင်းကျင်းထားသော မီးဖိုဆောင်။ ဓာတ်ပုံ-Realtor)

(ကလေးများအတွက် အိပ်စင်။ ဓာတ်ပုံ-Realtor)

(ဆားရေ ရေကူးကန်။ ဓာတ်ပုံ-Realtor)

(လှပသော မြင်းဇောင်းတစ်ခု။ ဓာတ်ပုံ-Realtor)

(မြင်းကုန်းနှီးများ၊ ကကြိုးတန်ဆာများနှင့် အခြားပစ္စည်းများ ထားသိုရာအခန်း။ ဓာတ်ပုံ-Realtor)

(လှပသော မြေယာအလှပြင်ဆင်များမှု။ ဓာတ်ပုံ-Realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Heartbreaking Tale Behind $20 Million Malibu Ranch With Its Own Petting Zoo

Photo Credit- Realtor, Yelp