လော့စ်အိန်ဂျလိတွင် တောမီးအကြီးအကျယ် လောင်ကျွမ်းလျက်ရှိရာ ဘင်အက်ဖလက်၊ Tom hanks ၊ စတီဗင် စပီးဘာ့ဂ် တို့အပါအဝင် ကမ္ဘာကျော် ကြယ်ပွင့်များစွာ မီးဘေးမှ ထွက်ပြေးရလျက်ရှိ၊ အချို့ကြယ်ပွင့်တို့၏ နေအိမ်များ မီးသင့်သွားပြီဖြစ်ပြီး ကယ်လီဖိုးနီးယားတွင် အရေးပေါ်အခြေအနေကြေညာ

အမေရိကန်ပြည်ထောင်စု လော့စ်အိန်ဂျလိမြို့ဝန်းကျင်တွင် တောမီးအကြီးအကျယ် လောင်ကျွမ်းလျက်ရှိရာ ကမ္ဘာကြယ်ပွင့်များစွာ နေအိမ်များ ပြာကျသွားခဲ့ပြီးဖြစ်ပြီး Mark Hamill,Mandy Moore နှင့် James Woods တို့အပါအဝင် အကျော်အမော်များစွာမှာ အသက်လုကာ ထွက်ပြေးရလျက် ရှိသည်။

ကယ်လီဖိုးနီးယားတခွင်ရှိ မီးသတ်သမားတို့မှာ တစ်နာရီလျှင် မိုင် ၁၀၀ တိုက်ခတ်နေသော လေပြင်းကြားမှ မီးငြိမ်းသတ်နိုင်ရန် ခက်ခက်ခဲခဲ ကြိုးပမ်းရလျက် ရှိသည်။ လမ်းမများပေါ်တွင် မီးဘေးမှ ထွက်ပြေးကြသူတို့၏ ထောင်သောင်းချီသော မော်တော်ကားများဖြင့် ပိတ်ဆို့နေသည်။

Pacific Palisades သည် ကမ်းရိုးတန်းတလျှောက် တောင်တန်းဘေးဒေသဖြစ်ပြီး နာမည်ကျော် ကြယ်ပွင့်တို့၏ စံအိမ်များစွာ ရှိနေသည်။

မီးဘေးမှ အသက်လုထွက်ပြေးကြသူတို့၏ ကားများဖြင့် ပိတ်ဆို့နေသောကြောင့် များစွာသော သူတို့မှာ ကားများကို စွန့်ပစ်ထားခဲ့ကြကာ ခြေလျင် အသက်လုထွက်ပြေးကြသည်။

ကယ်လီဖိုးနီးယားပြည်နယ် အုပ်ချုပ်ရေးမှူး ဂါဗင် နယူးဆမ်က ပြည်နယ်အတွင်း အရေးပေါ်အခြေအနေ ကြေညာထားသည်။

လော့စ်အိန်ဂျလိတွင် နေထိုင်သူ ပြည်သူပေါင်း ၃၀၀၀၀ ခန့်ကို နေအိမ်မှ စွန့်ခွာကာ ဘေးကင်းရာသို့ တိမ်းရှောင်ခိုင်းထားသည်။

(လော့စ်အိန်ဂျလိ တောမီးကြောင့် ဟောလိဝုဒ်ကြယ်ပွင့်များစွာ နေအိမ်မှ ထွက်ပြေးခဲ့ကြရသည်။)

(ပဲရစ် ဟီလ်တန်၏ Malibu စံအိမ်မှာ မီးသင့်သွားသည်။ ဓာတ်ပုံ-Instagram/Paris Hilton)

ပဲရစ် ဟီလ်တန်က အဆိုပါအိမ်ကို ကန်ဒေါ်လာ ၈ ဒသမ ၄ သန်းဖြင့် ဝယ်ယူထားခြင်း ဖြစ်သည်။

Heidi Montag and Spencer Pratt

(အမေရိကန် ရုပ်သံအကျော်အမော် Spencer Pratt ကို မီးလောင်နေသော သူ၏ နေအိမ်ရှေ့တွင် တွေ့ရပုံ။ ဓာတ်ပုံ-APEX/MEGA)

Leighton Meester and Adam Brody

(အမေရိကန် သရုပ်ဆောင်များဖြစ်သော Adam Brody နှင့် Leighton Meester တို့ စုံတွဲ၏ စံအိမ်မှာလည်း တောမီးထဲတွင် ပါသွားသည်။ ဓာတ်ပုံ-itsmeleighton/Instagram)

(Adam Brody ၏ ဒေါ်လာ ၆ ဒသမ ၅ သန်းတန် စံအိမ် မီးလောင်ကျွမ်းနေပုံ။ ဓာတ်ပုံ-Backgrid)

Anna Faris

(တောမီးကြောင့် အမေရိကန်ရုပ်ရှင်မင်းသမီး Anna Faris ၏ စံအိမ်မှာလည်း ပြာကျသွားသည်။ ဓာတ်ပုံ-Getty Images)

(တောမီးကြောင့် Anna Faris ၏ စံအိမ်ပြာကျသွားပုံ။ ဓာတ်ပုံ-Backgrid)

Miles Teller

(အမေရိကန် ရုပ်ရှင်မင်းသား Miles Teller ၏ စံအိမ်မှာလည်း မီးသင့်သွားသည်။ ဓာတ်ပုံ-FlimMagic)

(Miles Teller ၏ စံအိမ် မီးလောင်ပြီးနောက် တွေ့ရသည့် မြင်ကွင်း။ ဓာတ်ပုံ-Backgrid)

Eugene Levy

(ကနေဒါရုပ်ရှင်သရုပ်ဆောင် Eugene Levy မှာ တောမီးလောင်မှုကြောင့် နေအိမ်မှ ထွက်ပြေးခဲ့ရသည်။ ဓာတ်ပုံ-Getty Images)

(မီးခိုးတွေက အရမ်းကို မှောင်ပိတ်နေတာကြောင့် မီးတောက်တွေတောင် မတွေ့ခဲ့ပါဘူးဟု Eugene Levy က ပြောသည်။ ဓာတ်ပုံ-Getty Images)

(Backgrid )

Anthony Hopkins

(အော်စကာဆုရှင် Anthony Hopkins ၏ စံအိမ်မှာလည်း မီးထဲ ပါသွားသည်။ ဓာတ်ပုံ-Getty Images)

(Hopkins ၏ စံအိမ် မီးလောင်ကျန်ရစ်ခဲ့ပုံ။ ဓာတ်ပုံ-Backgrid)

Billy Crystal 

(အမေရိကန် ရုပ်ရှင်သရုပ်ဆောင် Billy Crystal’s ၏ အိမ်လည်း မီးလောင်သွားသည်။ ဓာတ်ပုံ- Getty Images)

(အမေရိကန်ရုပ်ရှင်သရုပ်ဆောင် John Goodman ၏ နေအိမ်လည်း ပြာကျသွားသည်။ ဓာတ်ပုံ-Getty Images)

(Goodman ၏ နေအိမ် မီးလောင်သွားပုံ။ ဓာတ်ပုံ-Backgrid)

(ရုပ်ရှင်မင်းသား ဘင်အက်ဖလက် မီးဘေးမှ ကားမောင်းကာ ထွက်ပြေးနေပုံ။ ဓာတ်ပုံ-Backgrid)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The LA wildfires are ripping through the celebrity-packed Pacific Palisades. Here's which stars have lost homes in the blaze

Photo Credit-BackGrid, Getty Images, Instagram/Paris Hilton, APEX/MEGA, itsmeleighton/Instagram, FlimMagic