ဗြိတိန်တော်ဝင်မင်းသား ဟယ်ရီနှင့် မီဂန်မာကယ်တို့ လျှို့ဝှက်အပန်းဖြေခဲ့သော ဖီဂျီနိုင်ငံရှိ ပုဂ္ဂလိကပိုင် ကျွန်းတစ်ကျွန်း ကန်ဒေါ်လာ ၇၈ သန်းဖြင့် အရောင်းဈေးကွက်ဝင်လာ

(ဖီဂျီနိုင်ငံ ဘယ်နားမှာလဲ)

ဖီဂျီသည် ကျွန်းငယ်ပေါင်း ၃၀၀ ကျော်ဖြင့် ဖွဲ့စည်းထားသော သမုဒ္ဒရာဇုန်နိုင်ငံငယ်တစ်ခုဖြစ်ပြီး သြစတေးလျ နိုင်ငံ၏ အရှေ့ဘက် အိန္ဒိယသမုဒ္ဒရာအလယ်တွင် တည်ရှိသည်။

အရှေ့စူးစူးတွင် တောင်ပစိဖိတ်သမုဒ္ဒရာကြီးကို ဖြတ်ကျော်၍ သွားမည်ဆိုလျှင် တောင်အမေရိကတိုက်သို့ ရောက်ရှိမည်ဖြစ်ပြီး အရှေ့မြောက်စူးစူးတွင် မြောက်ပစိဖိတ်သမုဒ္ဒရာကြီးကို ဖြတ်သန်းလိုက်ပါက မြောက်အမေရိကတိုက်သို့ ရောက်မည် ဖြစ်သည်။

တောင်ဘက်စူးစူး အိန္ဒိယသမုဒ္ဒရာထဲတွင် နယူးဇီလန်နိုင်ငံရှိသည်။

(မင်းသားဟယ်ရီတို့ စုံတွဲ အပန်းဖြေခဲ့သောကျွန်း))

ယခုအခါ ဖီဂျီကျွန်းနိုင်ငံတွင် မင်းသား ဟယ်ရီနှင့် မီဂန်မာကယ်တို့ လျှို့ဝှက်လာရောက် အပန်းဖြေခဲ့ဖူးသော ကျွန်းတစ်ကျွန်းအရောင်းဈေးကွက်ဝင်နေပြီး ကန်ဒေါ်လာ ၇၈ သန်း ဈေးခေါ်ထားသည်။

ရောင်းချမည့် ကျွန်းအမည်မှာ Kaibu ကျွန်းဟု အမည်ရပြီး ဖီဂျီ၏ မြောက်ဘက် Lau ကျွန်းအုပ်စုတွင် တည်ရှိသည်။

Kaibu ကျွန်းသည် Vatuvara Private Islands Resort အမည်ရှိ အပန်းဖြေစခန်း တည်ရှိသည့်နေရာ ဖြစ်သည်။

မင်းသားဟယ်ရီတို့စုံတွဲသည် ၂၀၁၈ ခုနှစ်အတွင်း တော်ဝင် တာဝန်များမှ ခေတ္တအနားယူပြီး ဖီဂျီရှိ ယခုကျွန်းသို့ လာရောက်အပန်းဖြေခဲ့ကြခြင်း ဖြစ်သည်။

ကျွန်းပေါ်ရှိ Vatuvara Private Islands Resort မှာ ဧကပေါင်း ၈၀၀ ကျော် ကျယ်ဝန်းပြီး ပင်လယ်ကမ်းခြေ luxury စံအိမ် ၃ လုံးရှိကာ အကျယ်အဝန်းအားဖြင့် စတုရန်းပေ ၄၀၀၀ မှ ၇၀၀၀ အထိ အမျိုးမျိုးရှိကြောင်း ကျွန်းကို အရောင်းဈေးကွက်တင်ပေးသည့် Vladi Private Islands နိုင်ငံတကာ အိမ်ခြံမြေကုမ္ပဏီ၏ ကြော်ငြာတွင် ဖော်ပြသည်။

စံအိမ်တစ်လုံးစီတွင် အိပ်ခန်း ၁ ခန်းစီပါဝင်ပြီး luxury စံအိမ်များတွင် သင်မျှော်လင့်သည့် အရာအားလုံးပါဝင်ရာ အပူပေးစနစ်ပါ infinity pool ၊ သီးသန့် ပင်လယ်ကမ်းခြေ၊ indoor နှင့် outdoor ရေပန်းများအပြင် bure ဟုခေါ်သော ဖီဂျီရိုးရာ cabin တစ်ခုလည်းပါကာ spa အဖြစ် သုံးသည်။

ကျွန်းပေါ်တွင် amenities များအနေဖြင့် ရာသီဥတုအားလုံးသုံးနိုင်သည့် လေယာဉ်ကွင်း၊ ဂေါက်ကွင်းတို့ရှိသည်။

ကျွန်းနှင့်အတူ ရောင်းချမှုတွင် ပါဝင်လာသည်မှာ twin otter လေယာဉ်တစ်စင်း၊ လူသူအလှမ်းဝေးကွာလှသော ဒေသများအတွက် ဒီဇိုင်းရေးဆွဲထုတ်လုပ်ထားသော လေယာဉ် တစ်စင်းလည်း ပါဝင်သည်။

အပန်းဖြေစခန်းတွင် ဆိုလာဖြင့် စွမ်းအင်ရယူထားသည်။

ကျွန်းပေါ်ရှိ စံအိမ်များ၏ မြင်ကွင်းများကို အောက်တွင် လေ့လာနိုင်ပါသည်။

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

(ဓာတ်ပုံ- Vladi Private Islands)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Fiji private island where Prince Harry and Meghan Markle had secret getaway can now be yours for US$78 million Photo Credit-Vladi Private Islands