Star Trek ရုပ်ရှင်ဇာတ်ကားကြီးတွင် ထည့်သွင်းရိုက်ကူးခဲ့သော လော့စ်အိန်ဂျလိမြို့၊ မာလီဘူးကမ်းခြေရှိ ဖျူးချားရစ်ဇင် ဗိသုကာဟန် စံအိမ်ကြီး ကန်ဒေါ်လာ ၆ သန်းနီးပါးဖြင့် အရောင်းဈေးကွက်ဝင်လာ

Star Trek ရုပ်ရှင်ဇာတ်ကားကြီးတွင် ထည့်သွင်းရိုက်ကူးခဲ့သော လော့စ်အိန်ဂျလိမြို့၊ မာလီဘူးကမ်းခြေရှိ ဖျူးချားရစ်ဇင် ဗိသုကာဟန် ဖြင့် ဆောက်လုပ်ထားသောစံအိမ်ကြီး ကန်ဒေါ်လာ ၆ သန်းနီးပါးဖြင့် အရောင်းဈေးကွက်ဝင်လာသည်။

အိပ်ခန်း ၄ ခန်း၊ ရေချိုးခန်း ၃ ဒသမ ၅ ခန်း( အပြည့် ၃ ခန်းနှင့် တစ်ဝက် ၁ ခန်းကို ဆိုလိုသည်) ပါဝင်သော စံအိမ်ကြီးကို တြိဂံပုံသဏ္ဍာန် ဆောက်လုပ်ထားသည်။

သိပ္ပံဆန်းကြယ်ရုပ်သံဇာတ်လမ်းတွဲကြီးဖြစ်သည့် Star Trek: The Next Generation တွင် ထည့်သွင်းရိုက်ကူးခဲ့ဖူးပြီး ယခုအခါ အရောင်းဈေးကွက်တင်လာခြင်း ဖြစ်သည်။

ကယ်လီဖိုးနီးယားပြည်နယ်အခြေစိုက် ဗိသုကာပညာရှင် အဲလစ် ဒေးဗစ် ဂျဲလ်မန်းက ဒီဇိုင်းရေးဆွဲခဲ့ပြီး မူလက ၎င်းကိုယ်တိုင်နေထိုင်ရန် ရည်ရွယ်ကာ ဆောက်လုပ်ခဲ့ခြင်း ဖြစ်သည်။

“အပြင်ဘက်ကနေ ကြည့်မယ်ဆိုရင် စံအိမ်ကြီးက တကယ့်ကို တြိဂံပုံစံပါပဲ” ဟု ဈေးကွက်တင်သွင်းခဲ့သည့် အိမ်ခြံမြေအကျိုးဆောင် အေနီ ဒါမန်ဂျီယန်က ပြောကြားသည်။

စံအိမ်ကြီးကို ၁၉၈၁ ခုနှစ်တွင် ဆောက်လုပ်ခဲ့ခြင်းဖြစ်ပြီး ညစာစားခန်း၊ မီဒီယာခန်းမ၊ master bedroom၊ မီးလင်းဖို ၂ ခု၊ Sonos အသံစနစ်တို့ ထည့်သွင်းပါဝင်ကြောင်း အရောင်းကြော်ငြာတွင် ဖော်ပြသည်။

နေအိမ်အကျယ်အဝန်းမှာ စတုရန်းပေ ၃၇၀၀ ခန့်ရှိပြီး အတွင်းပိုင်းကို တန်ဖိုးကြီးဇိမ်ခံပစ္စည်းများ ထည့်သွင်းပေးထားသည်။

မီးဖိုဆောင်တွင် ပုံမှန်ထက် ၂ ဆကြီးမားသည့် မီးဖိုစက်၊ မြကျောက် ကောင်တာမျက်နှာပြင်အခင်းများ၊ စတီးဖြင့် ပြုလုပ်ထားသည့် နံနက်စာဘားတို့ ပါဝင်သည်။

ထို့အပြင် သင်ပုန်းကျောက် အုပ်ကြွပ်အမိုး၊ ဝါးကြမ်းခင်း၊ မှန်လက်ရန်းများဖြင့်လည်း မွမ်းမံထားသည်။

ခြံဝန်းအတွင်း ကား ၂ စင်းဆန့် ကားဂိုဒေါင်၊ နှင်းဆီနှင့် လာဗန်ဒါပန်းဥယျာဉ်များ၊ ရေချိုးခန်းနှင့် အိပ်ခန်း ၁ ခန်းပါသည့် ဧည့်သည်များ တည်းခိုရန် နေအိမ်တစ်လုံးတို့ ပါဝင်သေးသည်။

ပင်လယ်ပြင်ကို ရှုမြင်နေရသည့် လသာဆောင်တစ်ခုပါဝင်ပြီး ခြံဝန်း အကျယ်မှာ ၂ ဧကခန့်ရှိကာ အသုံးပြုနိုင်သည့်မြေနေရာ ၁ ဒသမ ၅ ဧကရှိသည်။

ခေါ်ဈေး- ကန်ဒေါ်လာ ၅ ဒသမ ၇ သန်း

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)