ယခင်ခေတ် ကမ္ဘာ့အချမ်းသာဆုံး Rothschild မိသားစု နှစ်ပေါင်း ၁၄၀ ကျော်ပိုင်ဆိုင်ခဲ့သော သြစထရီးယားနိုင်ငံရှိ အမဲလိုက်စခန်းချ ယာတောခြံကြီး အရောင်းဈေးကွက်ဝင်လာကြောင်း သြစတေးလျအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ယာတောခြံကြီး၏ အကျယ်အဝန်းမှာ ၅၉ စတုရန်းကီလိုမီတာ (၂၂ ဒသမ ၇၈ စတုရန်းမိုင်) အထိ ကျယ်ဝန်းရာ ရန်ကုန်မြို့ရှိ တောင်ဥက္ကလာ၊ မြောက်ဥက္ကလာ၊ သင်္ဃန်းကျွန်း၊ ရန်ကင်းနှင့် စမ်းချောင်း ၅ မြို့နယ်စာခန့် အကျယ်အဝန်းရှိသည့် ယာတောကြီး ဖြစ်သည်။
Rothschild မိသားစုသည် ဘဏ်လုပ်ငန်းဖြင့် နာမည်ကျော်ခြင်းဖြစ်ပြီး ယခုယာတောခြံကြီးကို နှစ်ပေါင်း ၁၄၃ နှစ်ကြာ ဆွေစဉ်မျိုးဆက် ပိုင်ဆိုင်ခဲ့ကြခြင်း ဖြစ်သည်။
မြို့တော်ဝန် အမ်စ်ချယ်လ် ရော့စ်ချိုင်းမှ ဆင်းသက်လာခြင်းဖြစ်ပြီး ဘဏ်လုပ်ငန်းကို ၁၇၆၀ ပြည့်လွန်ကာလများကတည်းက စတင်တည်ထောင်ခဲ့ခြင်း ဖြစ်သည်။
ရော့စ်ချိုင်းက သူ၏သားငါးဦးမှတစ်ဆင့် ကြီးမားလှသောမိသားစုကြီးကို အမွေပေးခဲ့ခြင်းဖြစ်ပြီး သား ၅ ဦးမှာလည်း လန်ဒန်၊ ပဲရစ်၊ ဖရန့်ဖတ်ထ်၊ ဗီယန်နာနှင့် နေပယ်လ်တို့တွင် ဘဏ်လုပ်ငန်းဖြင့် အခြေကျနေကြသူများ ဖြစ်ကြသည်။
Rothschild မိသားစုသည် ၁၉ ရာစုအတွင်း ကမ္ဘာပေါ်တွင် အချမ်းသာဆုံးမိသားစုဖြစ်ခဲ့သည်။
မိသားစု၏ ကြွယ်ဝမှုမှာ မျိုးရိုးစဉ်ဆက် ဆင်းသက်လာသူများထံ ခွဲဝေရောက်ရှိသွားပြီး ယနေ့ကာလတွင် ဘဏ်လုပ်ငန်း၊ အိမ်ခြံမြေ၊ သတ္တုတွင်း၊ စွမ်းအင်အစရှိသည်တို့ အပါအဝင် လုပ်ငန်းနယ်ပယ်များစွာတွင် လုပ်ကိုင်နေကြလျက်ရှိသည်။
ယခုယာတောခြံကြီးမှာ ၅၄၁၂ ဟက်တာကျယ်ဝန်းပြီး Langau ဟု ခေါ်ဆိုကြကာ တောအုပ်၊ တောင်တန်းထူထပ်ရာအရပ်တွင် တည်ရှိသည်။
ရော့စ်ချိုင်းက သစ်ခုတ်သမားတို့ သစ်ခုတ်လှဲမှုများကြောင့် ယိုယွင်းနေသောသစ်တောကို ပြန်လည်ထိန်းသိမ်းခဲ့ပြီး ကိုယ်ပိုင်တောအုပ်အဖြစ် ပြုစုပျိုးထောင်ခဲ့သည်။
ယခုယာတောခြံ Langau ကို ရောင်းချသူများမှာ ရော့စ်ချိုင်း၏ အမွေခံများဖြစ်သော နန်စီ ကလဲရစ်နှင့် ဂျော်ဖရီ အာရ်- ဟိုဂတ်တို့ဖြစ်ကြပြီး အမေရိကန်ပြည်ထောင်စုတွင် နေထိုင်သူများ ဖြစ်ကြသည်။
ဝယ်လက်မှာ စက္ကူထုတ်လုပ်ရေးကုမ္ပဏီ Prinzhorn Holding ၏ ပိုင်ရှင်များဖြစ်သည်ဟု ဆိုသည်။
ယခုအရောင်းအဝယ်မှာ ဥရောပ၏ သမိုင်းဝင် မြေယာအရောင်းအဝယ်အဖြစ် မှတ်တမ်းဝင်ခဲ့ပြီဖြစ်ကြောင်း သြစထရီးယားအခြေစိုက် အိမ်ခြံမြေအကျိုးဆောင်ကုမ္ပဏီ Bischof Immobilien GmbH က သုံးသပ်ပြောကြားသည်။
အရောင်းအဝယ်ဖြစ်ခဲ့သည့်ဈေးနှုန်းကို ထုတ်ဖော်ကြေညာခြင်းမရှိသော်လည်း သြစထရီးယားမီဒီယာတို့က ရေးသားကြရာတွင်မူ ရော့စ်ချိုင်း၏ အမွေခံတို့က အဆိုပါခြံဝန်းကြီးကို ယူရို သန်း ၉၀ (ကန်ဒေါ်လာ ၁၁၂ ဒသမ ၃၅ သန်း) ဖြင့် ရောင်းချခဲ့ခြင်းဖြစ်သည်ဟု ရေးသားကြသည်။
ဒုတိယကမ္ဘာစစ်ကြီးအတွင်း နာဇီတို့က အဆိုပါခြံဝန်းကြီးကို ရော့စ်ချိုင်းမိသားစုထံမှ သိမ်းယူခဲ့ကြသည့်အပြင် ယင်းဒေသဝန်းကျင်အတွင်း ရော့စ်ချိုင်းမိသားစုပိုင် အဆောက်အအုံများစွာ ပျက်စီးသွားခဲ့ကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
