အာသာမေလာနှင့် မာရီလင်မွန်ရိုးတို့ ၁၉၅၆ ခုနှစ်တွင် လက်ထပ်ခဲ့ကြသော နယူးယောက်နေအိမ်ကြီးကို ကန်ဒေါ်လာ ၁ ဒသမ ၆၇၅ သန်းဖြင့် ရောင်းချရန် ဈေးကွက်ဝင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
နေအိမ်တည်ရှိသည့်နေရာမှာ အမေရိကန်ပြည်ထောင်စု၊ နယူးယောက်မြို့၊ East Ridge လမ်း၊ အမှတ် ၁၂၂ တွင် ဖြစ်သည်။
အာသာမေလာနှင့် မာရီလင်မွန်ရိုးတို့၏ အိမ်ထောင်သက်တမ်းမှာ ကြာရှည်ခဲ့ခြင်း မရှိချေ။
ယခုနေအိမ်ခြံဝန်းအကျယ်အဝန်းမှာ ၄ ဧကကျော်ရှိပြီး အိပ်ခန်း ၄ ခန်းနှင့် ရေချိုးခန်း ၅ ခန်း ပါဝင်သည်။
ခြံဝန်းအတွင်းတွင် ရေကန်တစ်ခုနှင့် ရေကန်နံဘေးတွင် နေအိမ်တစ်လုံးလည်း ပါဝင်ကာ ဝါကာဘတ်ခ်ရေကန်ကြီး၏ သာယာလှပသော မြင်ကွင်းများကို ရှုမြင်ခံစားနိုင်သည်။
ပြီးခဲ့သောနှစ်အတွင်း အာသာမေလာနှင့် မာရီလင်မွန်ရိုးတို့ ပိုင်ဆိုင်ခဲ့ဖူးသည့် နယူးယောက်မြို့၊ အရှေ့ ၅၇ လမ်း၊ အမှတ် ၄၄၄ ရှိ နေအိမ်ခန်းကိုလည်း ကန်ဒေါ်လာ ၆ ဒသမ ၇၅ သန်းဖြင့် ဈေးခေါ်ကာ အရောင်းဈေးကွက်တင်ခဲ့ဖူးသည်။
နေအိမ်အနီးတွင် Waccabuc Country Club အမည်ရှိ ဂေါက်ကွင်းတစ်ခုတည်ရှိပြီး ၁၆ ကျင်းကွင်းဖြစ်သည်။
နေအိမ်အတွင်းတွင် မူရင်းလက်ရာများစွာကို ယနေ့တိုင်ထိန်းသိမ်းထားဆဲဖြစ်ရာ ပါကေးကြမ်းပြင်များ၊ ပြင်သစ်တံခါးများ၊ ဥရောပဟန် မီးလင်းဖိုများ အပါအဝင်ဖြစ်သည်။
ဧည့်ခန်းနှင့် ညစာစားခန်းတွင် မှန်နံရံများ အပြည့်တွေ့ရရာ သဘာဝအလင်းရောင်ကို ကောင်းစွာ ရရှိနိုင်သည်။
ပထမထပ်တွင် ဧည့်ဂေဟာခန်းပါဝင်ပြီး သီးခြားဝင်ပေါက်ပြုလုပ်ပေးထားရာ အဆိုပါနေအိမ်သို့ လာရောက်လည်ပတ်မည့်သူများအတွက် နေရာထိုင်ခင်းများစွာ ကောင်းမွန်လှသည်။
မာရီလင်မွန်းရိုးသည် အမေရိကန်သရုပ်ဆောင်၊ မော်ဒယ်ဖြစ်ပြီး ၁၉၂၆ ခုနှစ် ၊ ဇွန်လ ၁ ရက်တွင် မွေးဖွားကာ ၁၉၆၂ ခုနှစ် ၊ သြဂုတ်လ ၅ ရက်တွင် ကွယ်လွန်သည်။
လော့စ်အိန်ဂျလိမြို့တွင် မွေးဖွားပြီး ကလေးဘဝကာလအများစုကို မိဘမဲ့ဂေဟာများတွင် ကုန်လွန်ဖြတ်သန်းခဲ့ရကာ အသက် ၁၆ နှစ်အရွယ်တွင် လက်ထပ်ခဲ့သည်။
မာရီလင်မွန်ရိုးသည် ၂ ကြိမ် အိမ်ထောင်ပြုခဲ့ရာတွင် ဘေ့စ်ဘောကြယ်ပွင့် ဂျိုး ဒီမက်ဂီယိုနှင့် ပြဇာတ်ရေးဆရာ အာသာမေလာတို့ဖြစ်ပြီး ၂ ဦးလုံးနှင့် ကွာရှင်းပြတ်စဲခဲ့သည်။
၁၉၅၀ ပြည့်လွန်ကာလများတွင် လိင်ဆွဲဆောင်မှုအပြင်းဆုံးအမျိုးသမီးတစ်ဦးအဖြစ် နာမည်ကျော်ခဲ့သည်။
သူ၏ ရုပ်ရှင်ဇာတ်ကားများမှ ကန်ဒေါ်လာ သန်း ၂၀၀ ကျော်ရရှိခဲ့ပြီးဖြစ်သည်။
အသက် ၃၆ နှစ်အရွယ် ၊ ၁၉၆၂ ခုနှစ်၊ သြဂုတ်လ ၅ ရက်တွင် အိပ်ဆေးအလွန်အကျွံသုံးစွဲကာ လော့စ်အိန်ဂျလိနေအိမ်တွင် ကွယ်လွန်သွားခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
