လေးမြို့မြစ်ရေ တိုက်စား၍ မြစ်ကမ်းပြိုကျသဖြင့် ကမ်းပါးအနီးရှိ နေအိမ်များ ဖြို ဖျက်ကာ ဘေးလွတ်ရာသို့ ပြောင်း ရွှေ့နေရသည့် မိသားစုများ အတွက် မြေနေရာများ လိုအပ်နေ ကြောင်း သတင်းရရှိသည်။
ချင်းပြည်နယ်မှ ရခိုင်ပြည် နယ်မြောက်ဦးမြို့နှင့် မင်းပြားမြို့ များဆီသို့ စီးဆင်းနေသည့် လေး မြို့မြစ်ရေ တိုက်စားမှုကြောင့် မြစ်ကမ်းအနီးရှိ မင်းပြားမြို့နယ် ပန်းမြောင်းတိုက်နယ်မှ နေအိမ်များနှင့် ပြည်တော်လှရပ်ကွက်မှ နေအိမ်များကို နေ့စဉ်ဖြိုဖျက်နေရ ကြောင်း မင်းပြားမြို့ခံ ဦးစိုးဝင်း က ပြောသည်။
‘‘မြစ်ရေတိုက်စားပြီး ကမ်း ပါးပြိုလို့ နေအိမ်ပြောင်းရွှေ့နေရ တာ ရပ်ကွက်နှစ်ရပ်ကွက် လောက်ရှိနေပါပြီ။ အခုလည်း ဆက်ပြိုနေတာကြောင့် ကမ်းနား အနီးက နေအိမ်တွေ နေ့စဉ် ပြောင်းရွှေ့နေရပါတယ်။ သူတို့ နေထိုင်ဖို့အတွက် မြေနေရာတွေ အရေးတကြီး လိုအပ်နေပါတယ်’’ ဟု မင်းပြားမြို့၊ ပြည်တော်လှရပ် ကွက် အုပ်ချုပ်ရေးမှူး ဦးသိန်း ထွန်းက ပြောသည်။
မြစ်ရေတိုက်စားမှုဒဏ်ကို မိုးတွင်းကာလတွင် အများဆုံးခံ စားနေရပြီး ကမ်းပါးပြိုကျမှုမှ ကာကွယ်ရန် ကမ်းထိန်းနံရံများကို ငွေအမြောက်အမြား အကုန်အကျခံ တည်ဆောက်နေသော်လည်း မိုးတွင်းကာလ ရောက်ရှိပါက ရေတိုက်စားကာ ပြန်လည်ပြိုကျမှုများ ဆက်လက် ဖြစ်ပေါ်နေသည်။
ထို့ကြောင့် ကမ်းထိန်းနံရံပြု လုပ်မည့်ငွေများကို ကမ်းပါးပြို၍ ဘေးလွတ်ရာသို့ ပြောင်းရွှေ့နေရ သည့် မိသားစုဝင်များအတွက် မြေနေရာသစ်များရရှိအောင် ဆောင်ရွက်ပေးပါက ပိုမိုအကျိုးရှိ မည်ဖြစ်ကြောင်း ပန်းမြောင်းတိုက်နယ်မှ ဒေသခံဒေါ်စံပယ်အောင်လှိုင်က ပြောသည်။
မြစ်ရေတိုက်စားမှုကြောင့် ဘေးလွတ်ရာသို့ ပြောင်းရွှေ့နေရ သည့် မိသားစုဝင်များအတွက် မြေနေရာသစ်ချပေးရန် ဌာနဆိုင် ရာအနေဖြင့် စီစဉ်မှုများ ရှိသော် လည်း မြို့တွင်းမြေနေရာ ရှားပါးနေ၍ မြေနေရာသစ်များ မချပေးနိုင်ကြောင်း မင်းပြားမြို့နယ် အထွေထွေအုပ်ချုပ်ရေးဦးစီး ဌာနမှ တာဝန်ရှိသူတစ်ဦးက ပြော သည်။
Credit: 7DayDaily
