အင်္ဂလန်သို့ပြန်ရန် လေယာဉ်လက်မှတ်ခ မရှိသောကြောင့် မိမိကိုယ်ကို ပါဆယ်ထုပ်ကာ တင်ပို့ခဲ့သော အမျိုးသားမှာ အင်္ဂလန်သို့မရောက်ဘဲ အမေရိကန်သို့ရောက်သွားခဲ့ပုံ

အင်္ဂလန်နိုင်ငံ၊ ဝေလပြည်နယ်သား အမျိုးသားတစ်ဦးသည် ၁၉၆၅ ခုနှစ်အတွင်း သြစတေးလျမှ အင်္ဂလန်သို့ပြန်ရန် လေယာဉ်လက်မှတ်ဖိုး မရှိသောကြောင့် သေတ္တာတစ်လုံးထဲသို့ ဝင်ကာ ပါဆယ်ထုပ်အဖြစ် မိမိကိုယ်မိမိ တင်ပို့ခဲ့မှု ဖြစ်ခဲ့ဖူးသည်။

ဝေလပြည်နယ်၏ မြို့တော်တွင် နေထိုင်သူဖြစ်ပြီး အသက် ၇၅ နှစ်အရွယ်ရှိပြီဖြစ်သူ ဘရိုင်ယန် ရော့ဘ်ဆင်သည်…

Brian Robson, a 75-year-old from Cardiff, is looking for two men he only knew as Paul and John.

ဘရိုင်ယန် ရော့ဘ်ဆင် အမည်ရှိ အမျိုးသားသည် ထိုအချိန်က အသက် ၁၉ နှစ်အရွယ်သာရှိသေးပြီး သြစတေးလျနိုင်ငံရှိ ဝိတိုရိယ ရထားကုမ္ပဏီ (Victorian Railways) တွင် အလုပ်လုပ်နေရင်း အိမ်လွမ်းနာ ကျလာသည်။

ထိုစဉ်က သူ၏ လစာမှာ တစ်လလျှင် ပေါင် ၄၀ သာရပြီး သြစတေးလျမှ အင်္ဂလန်သို့ လေယာဉ်လက်မှတ်ခမှာ ပေါင် ၇၀၀ ဖြစ်ရာ လက်မှတ်ဖိုး မတတ်နိုင်ခဲ့ကြောင်း ဘရိုင်ယန်က Irish Times သတင်းဌာနသို့ ပြောခဲ့သည်။

သို့နှင့် ဘရိုင်ယန်က အင်္ဂလန်သို့ ပြန်နိုင်ရန် ရူးရူးမိုက်မိုက် အကြံထုတ်ခဲ့သည်။

ဘရိုင်ယန်က သေတ္တာပုံးငယ်တစ်ခု ဝယ်ယူလိုက်ပြီး မိမိကိုယ်ကို ပါဆယ်ထုပ်တစ်ခုအနေဖြင့် တင်ပို့လိုက်ရန် ကြံသည်။

၄ ရက်ကြာမြင့်ခဲ့သော ခြောက်ခြားတုန်လှုပ်ဖွယ်ကာလကို ဖြတ်သန်းခဲ့ရပြီး မကြာခဏ ပြောင်းပြန်ဇောက်ထိုး အထားခံခဲ့ရကြောင်း ဘရိုင်ယန်က ပြောသည်။

နောင် နှစ်ပေါင်း ၆၀ ကြာသည်အထိ ဘရိုင်ယန်က ၎င်းအား သေတ္တာထဲ ထည့်ပေးကာ ပါဆယ်ပို့ရာတွင် ကူညီခဲ့သူ ၂ ဦးအား မမေ့နိုင်ဖြစ်နေပြီး ပြန်လည်ဆုံစည်းကာ ကျွေးမွေးပြုစုလိုကြောင်း ပြောပြသည်။

(ဘရိုင်ယန်သည် အမေရိကန်ပြည်သို့ လမ်းလွဲကာ ရောက်ရှိသွားခဲ့ပြီး လော့စ်အိန်ဂျလိတွင် FBI ၏ စစ်ဆေးမေးမြန်းမှုခံယူခဲ့ရပြီးနောက် လန်ဒန်မြို့သို့ ပြန်လည်ရောက်ရှိလာခဲ့သည်။ ဓာတ်ပုံ-Getty Images)

“သူတို့ နှစ်ယောက်နာမည်က ပေါလ်နဲ့ ဂျွန်လို့ခေါ်တယ်ဆိုတာ ၉၉ ရာနှုန်းလောက် သေချာပါတယ်။” ဟု ဘရိုင်ယန်က Irish Times သတင်းဌာနသို့ ပြောသည်။

“ပေါလ်က လုံးဝသဘောမတူခဲ့ဘူး။ ဂျွန်ကတော့….စိတ်မပူပါနဲ့..ငါသူ့ကို လက်ခံလာအောင် ပြောပြလိုက်မယ်..လို့ ပြောခဲ့တယ်။ ပြီးတော့ သူတို့နှစ်ယောက် ကူညီပေးခဲ့ကြပါတယ်”

ဘရိုင်ယန်သည် ရေခဲသေတ္တာအသေးစားအရွယ် သေတ္တာငယ်တစ်လုံး ဝယ်ယူလိုက်ပြီး ခေါင်းအုံး၊ လက်ဆွဲအိတ်တစ်လုံး၊ ဘီးတဲလ်အဖွဲ့ကြီး၏ သီချင်းစာအုပ်တစ်အုပ်၊ ပုလင်း ၂ လုံးတို့ ထည့်သိုခဲ့သည်။

ပုလင်းတစ်လုံးမှာ ရေထည့်ရန် ဖြစ်ပြီး ကျန် ၁ လုံးမှာ ဆီးသွားရန် ဖြစ်သည်။

ထို့နောက် ပေါလ်နှင့် ဂျွန်ဟူသော လုပ်ဖော်ကိုင်ဖက် ၂ ဦးက သေတ္တာကို သံရိုက်ပိတ်ခဲ့ပြီး မဲလ်ဘုန်းမှ လန်ဒန်သို့ ပျံသန်းမည့် ကာတာလေကြောင်းလိုင်းမှတဆင့် ပါဆယ်အဖြစ် တင်ပို့ပေးရန် စီစဉ်ခဲ့သည်။

သို့သော် စီစဉ်ထားသည့်အတိုင်း ဖြစ်မလာ။

ထိုခရီးစဉ်မှာ လူပြည့်နေသောကြောင့် PanAm လေကြောင်းလိုင်းဖြင့် ပို့ဆောင်ခဲ့ရာ လော့စ်အိန်ဂျလိသို့ ရောက်ရှိသွားခဲ့သည်။

၁၉၆၅ ခုနှစ်၊ မေလအတွင်း ရိုက်တာသတင်းနှင့် သြစတေးလျ အေပီသတင်းဌာနတို့၏ ဖော်ပြချက်များအရ ဘရိုင်ယန်က သေတ္တာပုံးတွင် “ကွန်ပြူတာ” ဟု ရေးသားထားခဲ့သည်ဟု ဆိုသည်။

ထိုအချိန်က သြစတေးလျ လူဝင်မှုကြီးကြပ်ရေးဝန်ကြီး Leslie Bury က ပြောခဲ့သည်မှာ သြစတေးလျ အစိုးရအနေဖြင့် ဘရိုင်ယန်အား မည်သည့် အရေးယူခြင်းမျိုးမှ ပြုလုပ်မည်မဟုတ်ကြောင်း ပြောခဲ့သည်။

လွှတ်တော်အမတ်တစ်ဦးဖြစ်သော Dan Mackinnon က ဘရိုင်ယန်ကို ဥပဒေအရ အရေးယူရန် တောင်းဆိုမှု ပြုလုပ်ခဲ့ပြီးနောက် Leslie က ထိုသို့ပြောခဲ့ခြင်းလည်း ဖြစ်သည်။

အမေရိကန်ပြည်တွင် အကောက်ခွန်အရာရှိတို့က ဘရိုင်ယန်ကို တွေ့ရှိသွားပြီးနောက် FBI က စစ်ဆေးမေးမြန်းခြင်းများ ပြုလုပ်ခဲ့သည်။

ဘရိုင်ယန်က ဘီဘီစီသတင်းဌာနသို့ ပြောခဲ့သည်မှာ အမျိုးသားတစ်ဦးက သေတ္တာရှိ အပေါက်တစ်မှတဆင့် အထဲသို့ ချောင်းကြည့်ခဲ့ရာ မိမိနှင့် အကြည့်ခြင်းဆုံသွားကြောင်း ပြောသည်။

“သူက အဝေးကြီးကို ထခုန်လိုက်ပြီး….အထဲမှာ ကောင်လေးတစ်ယောက်ရှိနေတယ်…လို့ အော်ခဲ့ပါတယ်”

FBI က ဘရိုင်ယန်ကို စစ်ဆေးမေးမြန်းပြီးနောက် ပုံမှန်ခရီးသည်တင်လေယာဉ်ဖြင့် လန်ဒန်သို့ ပြန်လည် ပို့ဆောင်ပေးခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Thinking inside the box: the Welsh teen who tried to post himself home from Australia