ဘရူနိုင်းဘုရင်က နယူးယောက်မြို့၏ နာမည်ကျော် Pierre ဟိုတယ်ကြီးကို ဝယ်ယူရန် ညှိနှိုင်းနေကြောင်း သတင်းများထွက်ပေါ်လာ

ဘရူနိုင်းဘုရင်သည် အမေရိကန်ပြည်၊ နယူးယောက်မြို့၏ အထင်ကရ Pierre ဟိုတယ်ကြီးကို ဝယ်ယူရန် စကားပြောဆိုနေကြောင်း သတင်းများထွက်ပေါ်လာသည်ဟု နယူးယောက်ပို့စ် သတင်းတစ်ရပ်တွင် ဖော်ပြသည်။

အဆိုပါ အဆောက်အအုံကြီးတွင် အမေရိကန် ကူးသန်းရောင်းဝယ်ရေးဝန်ကြီး Howard Lutnick က triplex penthouse တစ်ခန်း ပိုင်ဆိုင်ထားသည်ဟု ဆိုသည်။ ဘရူနိုင်းဘုရင် ဟာဆန်နယ် ဘိုကီယာသည် ဘရူနိုင်း ဝန်ကြီးချုပ်လည်း ဖြစ်သည်။

သတင်းရင်းမြစ်တစ်ခု၏ ပြောကြားချက်အရ ဘရူနိုင်းဘုရင်သည် နယူးယောက်ဟိုတယ်ကြီးကို ဆော်ဒီမှ Essam Khashoggi ဆိုသူနှင့် ပူးပေါင်း ဝယ်ယူရန် စီစဉ်နေခြင်းဖြစ်သည်ဟု ဆိုသည်။

(ဘရူနိုင်းဘုရင်က နယူးယောက်၏ အထင်ကရ Pierre Hotel ကို ဝယ်ယူရန် ညှိနှိုင်းနေသည်။ ဓာတ်ပုံ-Annie Wermiel/NY Post)

Pierre ဟိုတယ်သည် ပဉ္စမရိပ်သာလမ်း၊ အမှတ် ၇၉၅ တွင် တည်ရှိပြီး Central Park ပန်းခြံကြီးကို စီးမိုးတွေ့မြင်ရသည့် ရှုခင်းပိုင်ဆိုင်ထားကာ ပြီးခဲ့သော ၂၀၂၄ ခုနှစ်ကတည်းက အရောင်းဈေးကွက်တင် ထားခြင်း ဖြစ်သည်။

Pierre ဟိုတယ်ကို ၁၉၃၀ ပြည့်နှစ်တွင် စတင်ဖွင့်လှစ်ခဲ့ပြီး ဒိတ်ဒိတ်ကြဲ အထင်ကရပုဂ္ဂိုလ်များ၊ စက်မှုလုပ်ငန်းရှင်ကြီးများ သဘောတွေ့သောနေရာတစ်ခု ဖြစ်ခဲ့သည်။

ဟိုတယ်တွင် အခန်းပေါင်း ၁၈၉ ခန်းပါဝင်သည့်အပြင် လက်လီအရောင်းဆိုင်များနှင့် စားသောက်ဆိုင်များ ပါဝင်သည်။

Pierre ဟိုတယ်ကြီးကို ဝယ်ယူရန် စကားပြောနေသူများထဲတွင် ဘရူနိုင်းဘုရင်အပြင် အခြားသူများလည်း ရှိသေးကြောင်း သိရသည်။

Pierre ဟိုတယ်သည် ၄၁ ထပ် အဆောက်အအုံကြီးဖြစ်ပြီး နီယိုး ဂျော်ဂျီယာ ဗိသုကာဟန်ဖြင့် ဆောက်လုပ်ထားသည်။ဟိုတယ်အဆောက်အအုံတစ်ခုလုံးကို အရောင်းအဝယ်လုပ်ခြင်းဖြစ်နိုင်ပြီး တန်ကြေးအားဖြင့် ကန်ဒေါ်လာ ၂ ဘီလီယံ ဝန်းကျင်ရှိသည်။ 

(နယူးယောက်မြို့၊ ပဉ္စမရိပ်သာလမ်း၊ အမှတ် ၇၉၅ တွင် တည်ရှိသော ဟိုတယ်ကြီးဖြစ်ပြီး ပြီးခဲ့သော ၂၀၂၄ ခုနှစ်ကတည်းက အရောင်းဈေးကွက်တင်ထားခြင်းဖြစ်သည်။ ဓာတ်ပုံ-Angel Chevrestt)

အဆောက်အအုံကြီးကို ရှယ်ယာပိုင်ရှင်အများအပြားက ပိုင်ဆိုင်ထားပြီး Pierre ထံ ၂၀၀၅ ခုနှစ်ကတည်းက အငှားချထားခြင်းဖြစ်သည်။

အမေရိကန် ကူးသန်းရောင်းဝယ်ရေးဝန်ကြီး Howard Lutnick သည် ရှယ်ယာပိုင်ရှင်များထဲတွင် ပါဝင်သော်လည်း ဘုတ်အဖွဲ့ဝင်မဟုတ်ချေ။ 

(အဆောက်အအုံ၏ တန်ကြေးမှာ ကန်ဒေါ်လာ ၂ ဘီလီယံ ဝန်းကျင်ရှိသည်)

(ဟာဆန်နယ် ဘိုကီယာသည် ဘရူနိုင်းဝန်ကြီးချုပ်လည်း ဖြစ်သည်။ ဓာတ်ပုံ-via REUTERS)

(အမေရိကန် ကူးသန်းရောင်းဝယ်ရေးဝန်ကြီး Howard Lutnick နှင့် ဇနီးဖြစ်သူ Allison တို့က ယခုအဆောက်အအုံရှိ penthouse triplex ခန်းကို ၂၀၁၇ ခုနှစ်တွင် ကန်ဒေါ်လာ ၄၄ သန်းဖြင့် ဝယ်ယူထားသည်။ ဓာတ်ပုံ- REUTERS)

(အဆောက်အအုံကြီးကို ရှယ်ယာပိုင်ရှင်အများအပြားက ပိုင်ဆိုင်ထားပြီး Pierre ထံ ၂၀၀၅ ခုနှစ်ကတည်းက အငှားချထားခြင်းဖြစ်သည်။ ဓာတ်ပုံ-Christopher Sadowski)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Sultan of Brunei in talks to buy NYC’s iconic Pierre Hotel: sources

Photo Credit- Annie Wermiel/NY Post, Angel Chevrestt, REUTERS, Christopher Sadowski