ပြည်ပ အိမ်ခြံမြေ သတင်း | Posted by နှင်းအိခင်
ဟွမ်ဇေထောင် (Huang Zitao) (မွေး ၁၉၉၃) ကို အနုပညာအမည် Tao ဟု လူသိများပြိး တရုတ်လူမျိုး ရက်ပ်အဆိုတော်တစ်ဦး ဖြစ်သည်။
ဟွမ်သည် တောင်ကိုရီးယား နာမည်ကြီး လူငယ်ဂီတအဖွဲ့ဖြစ်သော Exo ၏ အဖွဲ့သားဟောင်းတစ်ဦး ဖြစ်သည်။
Exo မှ ထွက်ခဲ့ပြီးနောက်ပိုင်း တရုတ်ပြည်တွင် solo mini-album တစ်ခုဖြစ်သော TAO ကို အနုပညာအမည် Z.Tao ဖြင့် ထုတ်လုပ်ခဲ့သည်။
ဟွမ်သည် ၂၀၁၅ ခုနှစ်က ထုတ်လွှင့်ခဲ့သော You Are My Sunshine တွင် ခေါင်းဆောင်မင်းသားအဖြစ် ပါဝင်ကာ ရုပ်ရှင်လောကသို့လည်း ခြေချခဲ့သည်။
(Live လွှင့် ဈေးရောင်းလာသော ဘီလျံနာသူဌေး))
မကြာသေးမီက တရုတ်ပြည်တွင် လစဉ်သုံးပစ္စည်း ထုတ်ကုန်နှင့် ပတ်သက်သော သတင်းများ ဂယက်ရိုက်ခဲ့ရာ ဟွမ်က ယုံကြည်မှု ပြန်လည် တည်ဆောက်သည့်အနေဖြင့် ၎င်း၏ကိုယ်တိုင်ထုတ် မိန်းကလေး လစဉ်သုံးပစ္စည်းကို Live လွှင့်ကာ ရောင်းချလာသည်။
အသက် ၃၂ နှစ်အရွယ် အဆိုတော်၊ ရုပ်ရှင်မင်းသား၊ ဘီလျံနာသူဌေး ဟွမ်သည် တရုတ်ပြည် အရှေ့ပိုင်း ရှန်တုံပြည်နယ်တွင် မွေးဖွားသူဖြစ်ပြီး တောင်ကိုရီးယားတွင် ပညာဆည်းပူးမှုများ ပြုလုပ်ခဲ့သည်။
ဟွမ်၏ ဖခင်မှာ တရုတ်ပြည်၏ အချမ်းသာဆုံးပုဂ္ဂိုလ်များတွင် တစ်ဦးအပါအဝင်ဖြစ်ပြီး ၂၀၂၀ ပြည့်နှစ်က ဆုံးပါးသွားသည်။
ဖခင်ကြီး ကွယ်လွန်ချိန်တွင် ဟွမ်သည် ကန်ဒေါ်လာ ၃ ဘီလီယံခန့် အမွေရခဲ့သည်ဟု ခန့်မှန်းရသည်။
ဟွမ်သည် ဘွင်းဘွင်းရှင်းရှင်း ပြောတတ်သော အကျင့်နှင့် ဇနီးအပေါ် ချစ်တတ်မှုတို့ကြောင့်လည်း လူသိများကာ ပြည်မကြီး လူမှုကွန်ရက်တွင် သူ၏အကောင့်မှာ follower ၆၆ သန်းကျော် ရှိသည်။
ဟွမ်၏ ဇနီးဖြစ်သူ ရှုယိယန်မှာလည်း အဆိုတော်၊ ရုပ်ရှင်မင်းသမီးတစ်ဦး ဖြစ်သည်။
တရုတ်ပြည်တွင် စက်ရုံများစွာသည် အသုံးပြုပြီးသား မိန်းကလေး လစဉ်သုံးပစ္စည်းများနှင့် ကလေးသုံး ဒိုက်ပါများကို ပြန်လည်ထုပ်ပိုးကာ ဈေးနှုန်းနည်းပါးစွာ ရောင်းချနေသည်ဟူသော သတင်းများ ယခုနှစ် မတ်လအတွင်းက ဂယက်ရိုက်ပျံ့နှံ့ခဲ့ဖူးသည်။
ထိုသို့သော လုပ်ရပ်မှာ အလွန်စက်ဆုပ်ရွံရှာဖွယ်ဖြစ်ကြောင်း ဟွမ်က ပြောကြားခဲ့ပြီး အမျိုးသမီးများ ယုံကြည်စိတ်ချနိုင်သည့် လစဉ်သုံးပစ္စည်းများ ရရှိနိုင်ရန်အတွက် ကိုယ်ပိုင်စက်ရုံတည်ထောင်ကာ ရောင်းချပေးမည်ဟု ကတိပြုခဲ့သည်။
ထို့နောက် ဟွမ်က စက်ရုံတစ်ခု ဝယ်ယူလိုက်ပြီး စက်သစ်ကြီးများ တပ်ဆင်ကာ Duowei ဟူသော အမှတ်တံဆိပ်ဖြင့် ကျန်းမာရေးသုံးပစ္စည်းများ ထုတ်လုပ်ခဲ့သည်။
(▲ ဟွမ်က ကန်ဒေါ်လာ သန်း ၄၀ ရင်းနှီးမြှုပ်နှံကာ စက်ရုံတည်ထောင်လိုက်ပြီး live လွှင့်ရောင်းချမှုများ ပြုလုပ်ခဲ့သည်။ ဓာတ်ပုံ-Douyin/Weibo)
ဟွမ်က ပြောသည်မှာ မိမိအနေဖြင့် ယွမ်ငွေ ၂၇၅ သန်း (ကန်ဒေါ်လာ သန်း ၄၀) ရင်းနှီးမြှုပ်နှံခဲ့ပြီး အမျိုးသမီး လစဉ်သုံးပစ္စည်းများကို Domyway ဟူသော အမှတ်တံဆိပ်ဖြင့် ၂၀၂၅ ခုနှစ်တွင် စတင်ထုတ်လုပ်ခဲ့ကြောင်း ပြောသည်။
သူ၏ စက်ရုံတွင် ရာနှုန်းပြည့် အလိုအလျောက်စနစ်သုံး ထုတ်လုပ်ရေးလိုင်း ၃ ခုရှိပြီး တစ်မိနစ်လျှင် pad ၃၆၀၀ ခု ထုတ်လုပ်နိုင်စွမ်းရှိသည်။
Pad တစ်ခုချင်းစီတွင် QR code တစ်ခု ထည့်သွင်းပေးထားပြီး အဆိုပါ code ကို scan ဖတ်ကာ စက်ရုံ၏ လည်ပတ်ထုတ်လုပ်နေပုံများကို အချိန်နှင့် တပြေးညီ ကြည့်ရှုနိုင်သည်။
အမျိုးသားများက ထုတ်လုပ်ခြင်းဖြစ်သောကြောင့် မိန်းကလေးတို့၏ လိုအပ်ချက်ကို အမှန်တကယ် နားလည်နိုင်ပါမည်လားဟု လူမှုကွန်ရက်သုံးစွဲသူအချို့ မေးခွန်းထုတ်သည်။
(▲ ဟွမ်က live လွှင့် ဈေးရောင်းချိန်များတွင် သူ၏ စက်ရုံ၌ မည်သို့ထုတ်လုပ်နေပုံကို ပြသလေ့ရှိသည်။ ဓာတ်ပုံ-Douyin/Weibo)
ဟွမ်က ပြန်လည်ဖြေကြားသည်မှာ ဇနီးဖြစ်သူက အဆိုပါ pad များကို ၃ မျိုး၊ ၄ မျိုးခန့် စမ်းသပ်သုံးစွဲကြည့်ခဲ့ြ့ပီး သန့်ရှင်းကာ ဘေးကင်းစိတ်ချရကြောင်း ပြောသည်ဟု ဆိုသည်။
“ကျွန်မကတော့ ဟွမ်ရဲ့ ကိုယ့်ကျင့်သိက္ခာကို ယုံတယ်။ ဒါကြောင့် သူ့ရဲ့ ထုတ်ကုန်တွေကို သေချာပေါက် အားပေးမှာပါ” ဟု လူမှုကွန်ရက်သုံးစွဲသူတစ်ဦးက ထောက်ခံအားပေးသည်။
လွန်ခဲ့သော ဧပြီလ ၁၁ ရက်က ဟွမ်က live လွှင့်စဉ်အတွင်း ၎င်းထုတ်လုပ်သော pad များကို တစ်ခုလျှင် ၀ ဒသမ ၀၁ ယွမ်မျှဖြင့် အခုရေ ၄၉၅၀၀ ကို မိတ်ဆက်သည့်အနေဖြင့် ရောင်းချပေးခဲ့ရာ တစ်မိနစ်အတွင်း ရောင်းကုန်သွားသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: China pop idol live-streams sale of own sanitary pad brand, earns US$3 million in half an hour
Photo Credit- Douyin/Weibo
