စပိန်တွင် မိဘ ၂ ဦးက ကလေး ၃ ဦးကို COVID-19 ကူးစက်မည်စိုးရိမ်သောကြောင့် ကျောင်းမတက်ခိုင်းဘဲ အိမ်ထဲတွင် ၄ နှစ်ကျော် ပိတ်လှောင်ထားရာ အာဏာပိုင်တို့က ကယ်တင်ခဲ့ရသည့်အဖြစ်

စပိန်နိုင်ငံတွင် COVID-19 ကြောက်ရောဂါရှိသော ဂျာမန်မိဘများက ၎င်းတို့၏ ကလေး ၃ ဦးကို ၄ နှစ်ကျော် ပိတ်လှောင်ထားခဲ့ရာ အာဏာပိုင်တို့က ကယ်တင်ခဲ့ရသည်။

ကမ္ဘာတဝန်း COVID-19 နှင့် ပတ်သက်သည့် စည်းမျဉ်းတင်းကြပ်ကန့်သတ်ထားမှုများ ရုပ်သိမ်းဖယ်ရှားပေးခဲ့ကြပြီးဖြစ်သော်လည်း ကလေးငယ် ၃ ဦး၏ မိဘများက ရောဂါကူးစက်မည်ကို စိုးရိမ်နေကြသည်။

စပိန်နိုင်ငံ အနောက်မြောက်ပိုင်း Oviedo မြို့ရှိ နေအိမ်တွင် ၈ နှစ်အရွယ် အမြွှာ ၂ ဦးနှင့် ၁၀ နှစ်အရွယ် ကလေးငယ် ၁ ဦးတို့ကို အာဏာပိုင်တို့က ကယ်ထုတ်နိုင်ခဲ့ကြောင်း စပိန်သတင်းဌာနတစ်ခုဖြစ်သော El Comercio က ဖော်ပြသည်။

ကလေးငယ်များမှာ ၂၀၂၁ ခုနှစ်ကတည်းက အိမ်ထဲတွင် ပိတ်လှောင်ခံထားရခြင်း ဖြစ်သည်။

(▲ အိမ်ထဲတွင် နှစ်နှင့်ချီကာ ပိတ်လှောင်ခံထားရသော ကလေး ၂ ဦး အိမ်ပြင်သို့ ပထမဆုံး ထွက်လာခဲ့ကြပုံ။)

(▲ ကလေးငယ်များ ပိတ်လှောင်ခံထားခဲ့ရသည့် နေအိမ်တွင်းမြင်ကွင်း)

ကလေးများကို ကယ်တင်ရာတွင် ပါဝင်ခဲ့သော အရာရှိတစ်ဦးက ပြောသည်မှာ “သူတို့ကို အိမ်ပြင်ခေါ်ထုတ် လာတဲ့အချိန်မှာ ကလေး ၃ ယောက်ဟာ အပြင်ရောက်တာနဲ့ လေကို တဝကြီးရှူကြပါတယ်။ သူတို့ဟာ အိမ်ပြင်ကို တခါမှ မရောက်ဖူးတဲ့ပုံစံပါပဲ။” ဟု ဆိုသည်။

ကလေးများ၏ မိဘများမှာ အသက် ၅၃ နှစ်အရွယ်ရှိ ဂျာမန်အမျိုးသားနှင့် အသက် ၄၈ နှစ်အရွယ် အမေရိကန် အမျိုးသမီးတို့ ဖြစ်သည်။

ဇနီးဖြစ်သူတွင် ဂျာမန်ပတ်စ်ပို့တစ်ခု ကိုင်ဆောင်ထားသည်။

၎င်းတို့ကို အိမ်တွင်းအကြမ်းဖက်မှု၊ စိတ်ပိုင်းဆိုင်ရာ ညှင်းပန်းမှုအပြင် အခြားပုဒ်မများဖြင့် ဖမ်းဆီးထားကြောင်း ရဲတပ်ဖွဲ့က ထုတ်ပြန်သည်။

အာဏာပိုင်တိို့၏ ပြောကြားချက်များအရ ကလေးများ၏ မိဘတို့မှာ ကိုဗစ်ကြောက်ရောဂါရှိသူများဖြစ်သည်ဟု ဆိုသည်။

၎င်းတို့က တမိသားစုလုံးကို နှစ်နှင့်ချီပြီး မိမိတို့ဘာသာ Lockdown ချထားကာ ပြင်ပလောကနှင့် အဆက်ဖြတ်ခဲ့သည်။

အိမ်နီးချင်းများက အကြောင်းကြားသောကြောင့် ရဲတပ်ဖွဲ့က သိရှိခဲ့ခြင်း ဖြစ်သည်။

ထိုအိမ်တွင် နေထိုင်သော ကလေးငယ်များ ကျောင်းမသွားသည်မှာ ကာလအလွန်ကြာခဲ့ပြီဖြစ်သည်ကို အိမ်နီးချင်းများ သတိပြုမိခဲ့သည်။

အရာရှိတစ်ဦးက El Mundo သတင်းဌာနသို့ ပြောသည်မှာ “ကလေးတွေရဲ့ အခြေအနေ တော်တော်ဆိုးဝါးပါတယ်။ အတော်လေး အဆီအငေါ် မတည့်တဲ့ ကိစ္စပါပဲ။ အစာရေစာ ငတ်မွတ်မှုတော့ မရှိပါဘူး။ ဝဝလင်လင် စားရပါတယ်။ ဒါပေမယ့် ညစ်ပတ်နေကြပြီး အပြင်လောကနဲ့ အဆက်အသွယ် ပြတ်နေကြတယ်။ သူတို့ကို အိမ်အပြင် ပန်းခြံထဲကို ခေါ်ထုတ်လာတဲ့အချိန်မှာ အပြင်မထွက်ရတာ အတော်ကြာပြီဖြစ်တာကြောင့် ခရုတစ်ကောင်တွေ့ရင်တောင် ကြောက်နေကြတယ်” ဟု ဆိုသည်။

စပိန် ပြည်တွင်းသတင်းဌာနတို့၏ ဖော်ပြချက်အရ ၎င်းတို့မိသားစုသည် ထိုအိမ်ကို ၂၀၂၁ ခုနှစ်၊ အောက်တိုဘာလတွင် စတင်ငှားရမ်းခဲ့ပြီး ဖခင်၏ အမည်သာ စာရင်းပေးထားသည်ဟု ဆိုသည်။

စုံစမ်းစစ်ဆေးချက်များအရ ဖခင်ဖြစ်သူတစ်ဦးတည်းသာ အစားအသောက်နှင့် လိုအပ်သည့်ပစ္စည်းများ ဝယ်ယူရန် အိမ်ပြင်ထွက်လေ့ရှိသည်ဟု ဆိုသည်။

အိမ်နီးချင်းတို့၏ ပြောကြားချက်အရ ထိုမိသားစုသည် ၂၀၂၁ ခုနှစ်၊ ဒီဇင်ဘာလကတည်းက အိမ်ပြင်သို့ ထွက်သည်ကို မမြင်ဖူးကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: ‘House Of Horrors’: German Kids, Locked Up By Parents Over COVID Fear, Rescued