ပြည်ပ အိမ်ခြံမြေ သတင်း | Posted by ဇာနည်ကျော်
အင်္ဂလန်နိုင်ငံ၊ လန်ဒန်မြို့တွင် ကန်ဒေါ်လာ ၃၁၄ သန်းဈေးခေါ်ကာ အရောင်းတင်ထားသော စံအိမ်ကြီးတစ်လုံးမှာ ခေါ်ဈေးအောက် ထက်ဝက်နီးပါး နည်းပါးသည့် ဈေးနှုန်းဖြင့် ရောင်းထွက်သွားကြောင်း၊ ဝယ်ယူသွားသူမှာ အမေရိကန်မှ နည်းပညာလုပ်ငန်းရှင် ဘီလျံနာကြီးတစ်ဦးဖြစ်နိုင်ကြောင်း လန်ဒန်အခြေစိုက် Times သတင်းစာက ဖော်ပြသည်။
မူလခေါ်ဈေးအောက် ထက်ဝက်နည်းပါးသည်ဆိုသော်လည်း ဈေးနှုန်း အလွန်တရာ များပြားနေဆဲဖြစ်ပြီး ကန်ဒေါ်လာ ၁၇၂ ဒသမ ၈၃ သန်းအထိ ပေးကာ ဝယ်ယူသွားခြင်း ဖြစ်သည်။
ရောင်းချသူမှာ ဆော်ဒီအာရေးဗီးယား ကာကွယ်ရေးဝန်ကြီးဟောင်း/ ဆော်ဒီမင်းသား ခါလစ် ဘင် ဆူလ်တန် အယ်လ်-ဆတ်ဖြစ်သည်။
မင်းသား ခါလစ်သည် အဆိုပါ စံအိမ်ကြီးကို ၁၉၈၀ ပြည့််လွန်နှောင်းပိုင်းကာလများက ကန်ဒေါ်လာ ၄၂ သန်း ဝန်းကျင်ဖြင့် ဝယ်ယူခဲ့ခြင်းဖြစ်သည်။
ဈေးနှုန်းများစွာလျှော့ချပေးကာ အရောင်းအဝယ်ဖြစ်ခဲ့သည့်တိုင် ယခုအရောင်းအဝယ်မှာ ဗြိတိန် သမိုင်းတလျှောက် ဒုတိယဈေးအကြီးဆုံး အိမ်ခြံမြေအရောင်းအဝယ်အဖြစ် စံချိန်တင်သွားကြောင်း Times သတင်းစာက ဖော်ပြသည်။
လန်ဒန်၏ အိမ်ဖြူတော်ဟု လူသိများသော စံအိမ်ကြီးသည် လန်ဒန်မြို့၊ Regent’s Park ပန်းဥယျာဉ်ကြီးအတွင်း တည်ရှိပြီး အိပ်ခန်းပေါင်း ၄၀ ပါဝင်ကာ မြေအောက် ရေကူးကန်၊ ballroom နှင့် တင်းနစ်ကွင်းတို့ ပါဝင်သည်။
(စံအိမ်သက်တမ်း ၂၀၇ နှစ်ရှိပြီဖြစ်ြ့ပီး ခြံဝန်းအကျယ် ၄ ဧကရှိကာ လန်ဒန်မြို့လယ် ရေကန်ကြီးတစ်ခုကို စီးမိုးတွေ့မြင်ရသည်။ ဓာတ်ပုံ-Bloomberg via Getty Images)
(ဂျော်ဂျီယာဗိသုကာဟန်ဖြင့် ဆောက်လုပ်ထားပြီး အိမ်နီးချင်းအနေဖြင့် ဗြိတိန်ဆိုင်ရာ အမေရိကန် သံအမတ်ကြီး၏ အိမ်တော်ဖြစ်သော Winfield House တည်ရှိသည်။ ဓာတ်ပုံ-Bloomberg via Getty Images)
သတင်းရင်းမြစ်အချို့၏ ပြောဆိုမှုများအရမူ ဝယ်ယူသွားသူမှာ ဟောင်ကောင်အခြေစိုက် crypto ဘီလျံနာတစ်ဦး ဖြစ်နိုင်သည်ဟု ဆိုသည်။
အမေရိကန်တို့သည် ရုရှားသူဌေးကြီးများ၊ အရှေ့အလယ်ပိုင်းမှ ရေနံမင်းသားများ၊ တရုတ်သူဌေးကြီးများကို ဖြတ်ကျော်ကာ လန်ဒန်မြို့အိမ်ခြံမြေဈေးကွက်တွင် ဝယ်ယူမှု အများဆုံးအဖြစ် နံပါတ် ၁ နေရာတွင် ရပ်တည်နေကြောင်း Savills မှ အကြီးအကဲတစ်ဦးဖြစ်သူ Rory McMullen က ပြောသည်။
“ခေတ်ဟောင်းရဲ့ ကျက်သရေနဲ့ ခေတ်သစ်ရဲ့ Luxury ဖြစ်မှုတို့ ပေါင်းစပ်ထားတဲ့ လန်ဒန် အိမ်ခြံမြေဈေးကွက် ဟာ အမေရိကန်တွေရဲ့ စိတ်ဝင်စားမှုကို ရရှိထားပါတယ်။” ဟု Cocoran အိမ်ခြံမြေကုမ္ပဏီ၏ စီအီးအို Pam Liebman က ပြောသည်။
အမေရိကန်ဒေါ်လာ ခိုင်မာနေမှုနှင့် ပြီးခဲ့သော ဆောင်းတွင်းမှစကာ အိမ်ခြံမြေဈေးနှုန်းများ ၁၀ ရာခိုင်နှုန်း ကျဆင်းခဲ့မှုတို့မှာ ဗြိတိန်တွင် အမေရိကန်တို့ အိမ်ခြံမြေဝယ်ယူမှု များပြားလာစေခြင်း၏ အကြောင်းရင်း ဖြစ်သည်။
(အမေရိကန်ဘီလျံနာကြီးတစ်ဦးဖြစ်သည့် Oracle ပူးတွဲတည်ထောင်သူ Larry Ellison ။ ဓာတ်ပုံ-Aaron Schwartz/ UPI/ Shutterstock)
နှစ်ပေါင်း ၂၀၇ နှစ် သက်တမ်းရှိ ဂျော်ဂျီယာဗိသုကာဟန် စံအိမ်ကြီးကို Holme ဟုလည်း လူသိများသည်။
Saxon ဘာသာစကားအရ Holme မှာ မြစ်ထဲမှကျွန်းဟု အဓိပ္ပာယ်ရသည်။
(Holme စံအိမ်ကြီးတွင် ၁၉၅၄ ခုနှစ်က ပရဟိတရန်ပုံငွေအတွက် ကျင်းပခဲ့သည့် garden party ပွဲတွင် ရုပ်ရှင်မင်းသမီး Marlene Dietrich (ကွယ်လွန်) စကားပြောခဲ့ပုံ။ ဓာတ်ပုံ-Mirrorpix via Getty Images)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Did an American tech billionaire splash out $173M for a 40-bedroom mansion in London?
Photo Credit- Mirrorpix via Getty Images, Aaron Schwartz/ UPI/ Shutterstock, Bloomberg via Getty Images
