နေအိမ်ရှိ ရေကူးကန်ထဲတွင် ရံဖန်ရံခါ သေးပေါက်ချကြောင်း ထုတ်ဖော်ဝန်ခံထားသူ ရုပ်ရှင်မင်းသမီး Cameron Diaz က သူနေထိုင်သော ရေကူးကန်ပါ စံအိမ်ကို ဒေါ်လာ ၂၆ သန်းဖြင့် အရောင်းဈေးကွက်တင်လာ

ဟောလိဝုဒ်ရုပ်ရှင်မင်းသမီး ကင်မရွန် ဒီးယက်ဇ် (Cameron Diaz ) သည် သူ၏နေအိမ်ရှိ ရေကူးကန်ထဲတွင် မကြာခဏဆိုသလို သေးပေါက်ချကြောင်း ထုတ်ဖော်ဝန်ခံခဲ့မှုမှာ လူမှုကွန်ရက်တွင် အခြေအတင်ငြင်းခုံဖွယ် အကြောင်းရပ် ဖြစ်ခဲ့ဖူးသည်။

Drew Barrymore Show တွင် သူ၏ ယောင်းမဖြစ်သူ Nicole Richie က ကင်မရွန် ဒီးယက်ဇ်အား ရေကူးကန်ထဲတွင် သေးပေါက်ဖူးသလားဟုမေးသည်။

ထိုအခါ ကင်မရွန် ဒီးယက်ဇ်က ရယ်မောရင်းပြောသည်မှာ မိမိနေအိမ်ရှိ ရေကူးကန်ထဲတွင် သေးပေါက်ချကြောင်း၊ ဓာတုဆေးများ ထည့်ထားသောကြောင့် ပြဿနာမရှိကြောင်း Drew Barrymore အား ဖြေကြားခဲ့သည်။

လူမှုကွန်ရက်တွင် ကင်မရွန် ဒီးယက်ဇ်ဘက်မှ ထောက်ခံသူရှိသကဲ့သို့ ကန့်ကွက်ဝေဖန်သူများလည်းရှိနေပြီး ၎င်းတို့အချင်းချင်း အငြင်းပွားကြသည်။

ထိုသို့သောကိစ္စမျိုးကြောင့် အများသုံး ရေကူးကန်များတွင် မည်သည့်အခါမှ ရေမကူးကြောင်း အချို့က မှတ်ချက်ပြုပြီး အချို့ကမူ ပင်လယ်များထဲတွင် ရေသတ္တဝါများနှင့် လူများက ကျင်ငယ်စွန့်ခြင်းများ ရှိသည်သာဖြစ်ကြောင်း တုံ့ပြန်ကြသည်။

((ကင်မရွန်ဒီးယက်ဇ်နှင့် Benji Madden တို့၏ လော့စ်အိန်ဂျလိစံအိမ် အရောင်းဈေးကွက်တင်ထား))

ရုပ်ရှင်မင်းသမီး ကင်မရွန် ဒီးယက်ဇ်နှင့် ခင်ပွန်းဖြစ်သူ ပန့်ရော့ခ်ဂီတသမား Benji Madden တို့သည် လော့စ်အိန်ဂျလိမြို့ရှိ ကမ္ဘာကျော်ကြယ်ပွင့်များ အခြေချနေထိုင်ရာ Beverly Hills အရပ် စံအိမ်ကို ကန်ဒေါ်လာ ၁၇ ဒသမ ၈ သန်းဖြင့် အရောင်းဈေးကွက်တင်ကာ ထိုအိမ်မှ ပြောင်းရွှေ့ရန် စီစဉ်နေသည်။

ခြံအကျယ် ၁ ဒသမ ၆ ဧကရှိပြီး အိပ်ခန်း ၇ ခန်း၊ ရေချိုးခန်း ၈ ခန်းပါသောစံအိမ်ကို ကင်မရွန် ဒီးယက်ဇ်တို့ စုံတွဲက လွန်ခဲ့သော ၄ နှစ်က ဝယ်ယူခဲ့ရာတွင် ကန်ဒေါ်လာ ၁၄ ဒသမ ၇ သန်း ပေးခဲ့ရသည်။

ရုပ်ရှင်သရုပ်ဆောင်လောကမှ ၆ နှစ်အနားယူမည်ဟု ကြေညာထားသူ ကင်မရွန် ဒီးယက်ဇ်သည် ရုပ်ရှင်လောကသို့ ပြန်လည်ဝင်ရောက်လာပြီဖြစ်ကြောင်း မကြာသေးမီက ကြေညာသည်။

ခြံအဝင်ပေါက်တွင် hi-tech လုံခြုံရေးစနစ်များ လျှို့ဝှက်တပ်ဆင်ထားသည်။ မျက်နှာကြက်များမှာ မြင့်မားပြီး ဖောင်းကြွများဖြစ်ကာ စံအိမ်တစ်ခုလုံးတွင် ပြင်သစ်တံခါးများနှင့် မီးလင်းဖိုများစွာ ရှိသည်။

(ရေကူးကန်ကို မြင့်မားသော သစ်ပင်စည်းရိုးတို့က ဝန်းပတ် ကာရံပေးထားသည်။ ဓာတ်ပုံ-realtor)

(မီးလင်းဖိုပါသော ဧည့်ခန်း။ ဓာတ်ပုံ-realtor)

(စကျင်ကျောက်ပြား စားပွဲမျက်နှာပြင်များရှိသော မီးဖိုဆောင်။ ဓာတ်ပုံ-realtor)

အခန်းတို့၏ မျက်နှာကြက်မှာ ပုံမှန်ထက် ၂ ဆပိုမိုမြင့်မားပြီး လင်းလင်းချင်းချင်းရှိသည်။ စံအိမ်မှာ တစ်ရောင်တည်းကိုသာ အသုံးပြုထားပြီး ညစာစားခန်းမှာ ကြေးနီရောင်ဖြစ်ကာ အနက်ရောင်သစ်တို့ဖြင့် built-in စင်များ ထည့်သွင်းထားသည်။

ရုံးခန်းမှာလည်း အနက်ရောင်ကိုပင်အသုံးပြုထားပြီး အနက်ရောင် cabinetry ရှိသည်။ အိမ်တွင်းရုပ်ရှင်ရုံမှာ သမားရိူးကျ seating အစား ခမ်းနားသော နားနေ နေရာပုံစံ ခင်းကျင်းထားရာ ကင်မရွန် ဒီးယက်ဇ်တို့စုံတွဲအတွက် ၎င်းပါဝင်သရုပ်ဆောင်ခဲ့သော ရုပ်ရှင်များကို ပြန်လည်ကြည့်ရှုရန် ပြီးပြည့်စုံသည့် နေရာတစ်ခု ဖြစ်ခဲ့သည်။

(ပင်မဧည့်ခန်းတွင် ဒုတိယထပ်ဆီသို့ပေါက်သည့် လှေကားတစ်ခုရှိသည်။ ဓာတ်ပုံ-realtor)

(ညစာစားခန်း။ ဓာတ်ပုံ-realtor)

(နားနေခန်းအသွင် ခင်းကျင်းထားသော အိမ်တွင်းရုပ်ရှင်ရုံ။ ဓာတ်ပုံ-realtor)

(ရုံးခန်း။ ဓာတ်ပုံ-realtor)

(အိမ်နောက်ဘက်တွင် privacy ရှိစွာ နားနေအပန်းဖြေနိုင်သောနေရာ ရှိသည်။ ဓာတ်ပုံ-realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Cameron Diaz and Benji Madden put their beautiful $26m Beverly Hills compound up for sale (realestate)

Photo Credit-realtor