1682 ကြိမ် ကြည့်ရှု့ ပြီး

အိမ်ခန်း အလှဆင်နည်းများ

အိပ်ခန်းသည် အပန်းဖြေရန်နေရာတစ်ခု ဖြစ်သင့်၏။ Master bedroom ဒီဇိုင်းသည် နေအိမ်ပြန်လည်ရောင်းထုတ်မည်ဆိုပါက ခေါ်ဈေးအပေါ် အကျိုးသက်ရောက်မှုများရှိနိုင်သည့်အပြင် သင့်အတွက် အခြေခံအကျဆုံး အရေးပါသည့် နေရာတစ်ခုအတွက် အလှဆင်မွမ်းမံရာတွင် အထူးဂရုပြုသင့်လေသည်။

ငွေမည်မျှ သုံးစွဲ၍ဖြစ်စေ အိပ်ခန်းဆောင်တစ်ခု၏ အသွင်အပြင်ကို ပြောင်းလဲ ပေးရန် လွယ်ကူပါသည်။ ပရိဘောဂသစ်တစ်ခုခု ဖြည့်သွင်း၍ဖြစ်စေ၊ အရောင်အချို့ဖြည့်စွက် ၍ဖြစ်စေ (သို့မဟုတ်) အလင်းပေးစနစ် ပြောင်းလဲ၍ဖြစ်စေ အိပ်ခန်းဆောင်၏ သွင်ပြင်ကို ပြောင်းလဲနိုင်ပါသည်။

အိပ်ခန်းဆောင်မွမ်းမံမှုတွင် အလှဗေဒဆိုင်ရာနှင့် စတိုင်အမျိုးမျိုးရှိရာ မိမိ နှစ်သက်မည့် ဒီဇိုင်းမျိုးကို ရွေးချယ်အသုံးပြုနိုင်ပါသည်။

အိမ်ခန်း အလှဆင်နည်းများ
မည်သို့ စတင်ပြောင်းလဲမွမ်းမံရမည်ကို သိလိုပါက အောက်တွင် အိပ်ခန်းဆောင် အလှဆင်နည်း စိတ်ကူးစိတ်သန်းများ ချပြထားရာ အဆိုပါနည်းလမ်းများကို အသုံးပြုခြင်း အားဖြင့် အိပ်ခန်းဆောင်သည် နေအိမ်တစ်ခုလုံးတွင် သင်အမြတ်နိုးဆုံးအခန်းတစ်ခန်း ဖြစ်လာနိုင်မည် ဖြစ်သည်။

က။ တည်ငြိမ်သည့်အရောင်များကို သုံးခြင်း

အိမ်ခန်း အလှဆင်နည်းများ

အိပ်ခန်းဆောင်များသည် ဘ၀အမောများကို ဖြေလျော့ပေးမည့်နေရာတစ်ခု ဖြစ်၏။ အိပ်ခန်းဆောင်သို့ရောက်လျှင် တစ်နေကုန် နွမ်းလျခဲ့ရသမျှများ ပြေလျော့သွား သည့် စိတ်ခံစားချက်မျိုး ရသင့်သည်။

သို့ဖြစ်ရာ သင်၏အိပ်ခန်းဆောင်ကို လှုပ်ရှားသည့်အရောင်များထက် တည်ငြိမ်အေးချမ်းသည့် အရောင်များကိုသာ အသုံးပြုခြင်းမှာ နည်းလမ်းကောင်းတစ်ခုဖြစ်ပြီး အေးချမ်းသည့်အရောင်များက ကောင်းမွန်စွာအိပ်စက်နိုင်ရန် အထောက်အကူပြုမည် ဖြစ်သည်။

အိမ်ခန်း အလှဆင်နည်းများ
အိပ်ခန်းဆောင်အတွင်းရှိ ကျယ်ဝန်းသည့် ဧရိယာနေရာများမှာ အရောင်ဆိုင်ရာ အကျိုးသက်ရောက်မှု များပြားသည့်နေရာများ ဖြစ်၏။

ဥပမာ- နံရံ၊ ကြမ်းပြင် ရေညှိစိမ်းရောင် (သို့မဟုတ်) မြူခိုးပြာရောင်များ အသုံး ပြုခြင်းအားဖြင့် သင်၏အိပ်ခန်းကို အေးချမ်းသည့်နေရာဖြစ်လာစေနိုင်သည်။

အဆိုပါအရောင်များသည် အေးချမ်းတည်ငြိမ်သည့် ခံစားချက်ကို ပေါ်ပေါက်စေ သည်ဖြစ်ရာ အိပ်ခန်းအတွင်း ၀င်လိုက်သည်နှင့် အပန်းပြေမှုကို ပိုမိုခံစားရမည် ဖြစ်သည်။
အိပ်ယာခင်း၊ ခေါင်းအုံး၊ မွေ့ယာတို့၏ အရောင် ရွေးချယ်ရာတွင်လည်း တောက်ပသော အရောင်များထက် ရိုးရှင်းသော အရောင်များကိုသာ ရွေးချယ်ပါ။ တောက်ပသော အရောင် များ၊ ဒီဇိုင်များက သင်၏အိပ်စက်ခြင်းကို အနှောင့်အယှက်ပေးနိုင်ပါသည်။

ခ။ ဦးတည်ချက် အကြောင်းအရာရှာပါ

အိမ်ခန်း အလှဆင်နည်းများ

အိပ်ခန်းဆောင်မွမ်းမံရာတွင် ဦးတည်ချက် အကြောင်းအရာတစ်ခုထားရှိကာ ဦးတည်မွမ်းမံခြင်းသည်လည်း ကောင်းမွန်သည့် နည်းဗျူဟာတစ်ခုဖြစ်၏။

မိမိ၏ အိပ်ခန်းကို မည်သို့ပုံဖော်ခံစားလိုသည်ဟူသည့်အကြောင်းရပ် အတိအကျ ထားရှိခြင်းအားဖြင့် မွမ်းမံမှုနည်းလမ်းများ ဖော်ထုတ်ရာတွင် ပိုမိုလွယ်ကူနိုင်မည် ဖြစ်သည်။

အိပ်ခန်းဆောင်များအတွက် အကောင်းမွန်ဆုံး ဦးတည်ချက် အကြောင်းအရာ (theme) တစ်ခုမှာ ကျေးလက်ဟန်ပုံဖော်ခြင်း ဖြစ်သည်။

အိမ်ခန်း အလှဆင်နည်းများ
အိပ်ခန်းဆောင်အတွင်းရှိ ကျေးလက်ဟန်မြင်ကွင်းများက အိပ်ခန်းဆောင်တံခါး အပြင်ဘက်ရှိ ရှုပ်ထွေးပွေလီလှသော လောကကြီးအကြောင်း မေ့ပျောက်ထားရန် အထောက်အကူဖြစ်မည် ဖြစ်သည်။

နံရံများကို အ၀ါဖျော့ရောင်ဆေးသုတ်ပေးခြင်းအားဖြင့်လည်း အိပ်ခန်းဆောင်ကို လင်းလင်းချင်းချင်းရှိနေနိုင်ပြီး ရှုမျှော်ခင်းဓာတ်ပုံများ၊ သစ်သားပရိဘောဂအသုံးအဆောင် များလည်း ထည့်သွင်းပေးနိုင်သည်။

ရှေးဟောင်းပစ္စည်းများ အသုံးပြုပါ။ သို့ရာတွင် အလွန်ခေတ်နောက်ကျပုံမပေါ် စေရန်အတွက် အိပ်ယာဘေးစားပွဲငယ် (သို့မဟုတ်) ဘီရိုငယ်ထားရှိကာ ၎င်းင်း၏အပေါ်တွင် ညကြည့် မီးအုပ်ဆောင်းထားရှိနိုင်ပါသည်။


ဂ။ ထင်ရှားသည့် လိုင်းဖွဲ့စည်းမှုများ ထည့်သွင်းပါ

အိမ်ခန်း အလှဆင်နည်းများ


သမိုင်းကို ပြန်ကြည့်မည်ဆိုလျှင် ၀ိတိုရိယခေတ်တွင် လိုင်းဖွဲ့စည်းမှုဒီဇိုင်းများ ထည့်သွင်းခြင်းမှာ အလွန်ကျော်ကြားခဲ့ပြီး အိပ်ခန်းအတွင်း တွင်သာမကဘဲ နေအိမ်အနှံ့ အပြားတွင် ထည့်သွင်းအသုံးပြုကြသည်။

သင်သည် ခမ်းနားမှု အလှတရားကြီးကြီးမားမား လိုလားသူဖြစ်ပါက ထင်ရှားပြတ် သားသည့် လိုင်းများပါသည့် wallpapers များရှာဖွေကာ နံရံတစ်ခု (သို့မဟုတ်) အားလုံးကို ကပ်ပေးပါ။

အိမ်ခန်း အလှဆင်နည်းများ
ထို့နောက် အခန်း၏ အရောင်ဖွဲ့စည်းမှုနှင့် သဟဇာတဖြစ်မည့် မွေ့ယာကို ရှာဖွေခင်းကျင်းရမည် ဖြစ်ပါသည်။ ထင်ရှားသည့် လိုင်းဖွဲ့စည်းပုံများကို အသုံးပြုရာတွင် တောက်ပ သော အနီ၊ အ၀ါ၊ အပြာ (သို့မဟုတ်) လိမ္မော်ရောင်များကို ရွေးချယ်ရမည် ဖြစ်ပြီး ထိုသို့သော အရောင်များက လိုင်းဖွဲ့စည်းမှုများကို ပိုကြွလာစေမည်ဖြစ်ပြီး အိပ်ခန်း ၏ သွင်ပြင်ကို ထူးခြားကွဲပြားသည့် အမြင်တစ်မျိုး ပေးစွမ်းနိုင်မည်လည်း ဖြစ်လေသည်။

ဃ။ ကမ်းခြေ၏ အငွေ့အသက်များ ဖန်တီးခြင်း

အိမ်ခန်း အလှဆင်နည်းများ
ပင်လယ်ကမ်းခြေကို တွေးမိလိုက်သည်နှင့် လူတို့၏ စိတ်ထဲတွင် အေးချမ်းငြိမ်သက်ခြင်း၊ အပန်းပြေခြင်းဟူသည့် အာရုံများ ထင်ဟပ်လာလေ့ရှိသည်ကို သင်သတိပြု မိပါသလား။ ထိုသို့သော ခံစားချက်တွင် အကြောင်းရင်းရှိ၏။

ပင်လယ်ကမ်းခြေ၏ အပြာဖြော့နှင့် ကော်ဖီဖျော့ရောင်တို့သည် လူတို့၏ ကိုယ်စိတ် နှလုံးကို ချမ်းမြေ့စေသည့်သတ်္တိများ ပိုင်ဆိုင်ထားကြသည်။ သို့အတွက် ပင်လယ်၏ အငွေ့ အသက်၊ အရောင်များ လွှမ်းမိုးနေသည့် သဘာဝဆန်သော နေရာမျိုးတွင် အပန်းပြေမှု လွယ်ကူစွာ ရရှိနိုင်မည် ဖြစ်သည်။

အိမ်ခန်း အလှဆင်နည်းများ
ထို့ကြောင့် နံရံများကို အပြာဖျော့ရောင် ဆေးသုတ်ပေးပြီး အိပ်ယာတွင်လည်း ပင်လယ်၏ အငွေ့အသက် အရောင်ဖွဲ့စည်းမှုများ ထပ်မံ ဖြည့်စွက်ပေးပါ။ ကြမ်းပြင်များကို ရိုးရိုးစင်းစင်းနှင့် ခပ်ကြမ်းကြမ်းလက်ရာမျိုးသာ ထားရှိပေးပါ။

င။ လျှို့ဝှက်အိုအေစစ်တစ်ခုအသွင် ပြောင်းလဲပစ်ပါ

အိမ်ခန်း အလှဆင်နည်းများ
အချို့သူတို့အတွက် အိပ်ခန်းဆောင်သည် အိပ်စက်ရန် နေရာတစ်ခုမျှသာ မဟုတ်ဘဲ ၎င်းတို့၏ ကိုယ်ရည်ကိုယ်သွေးနှင့် သီးခြားဟန်တို့ကို လှစ်ဟပြသသည့်နေရာတစ်ခုလည်း ဖြစ်နေသည်။

ဧည့်ခန်းဆောင်တွင် မထားလိုသည့် မိမိနှစ်သက်သည့်အရာများ၊ မိမိ၏ ကိုယ်ပိုင် ဟန်များကို ဖွင့်ဟပြရန် အိပ်ခန်းဆောင်သည် အိုအေစစ်ကြီးတစ်ခု ဖြစ်လေသည်။

အိမ်ခန်း အလှဆင်နည်းများ
သင်နှစ်သက်သော ခပ်ရဲရဲဆွဲထားသည့် ပန်းချီများ၊ ဒီဇိုင်းလက်ရာများ ထားရှိ ရန် အကောင်းဆုံးနေရာမှာ အိပ်ခန်းဆောင်သာ ဖြစ်၏။


ရှေရီ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။
Credit: iMyanmarHouse.com

အိမ်ခြံမြေ သတင်းများကို Email ဖြင့် ဖတ်ရန်

အိမ်ခြံမြေ သတင်းများကို
Email ဖြင့် ဖတ်ရန်

အိမ်တွင်း အိမ်ပြင် အလှဆင်ခြင်း ၀န်ဆောင်မှု (Interior Design and Decoration)
US Dollar to Myanmar Kyat Exchange Rate (ဒေါ်လာ - မြန်မာကျပ်ငွေ ငွေလဲနှုန်း)
iMyanmarHouse.com - Mobile App
မလျှော့အားမာန် မချန်သတ္တိ - နေမင်းသူ (MD, iMyanmarHouse.com)