ကြည့်မြင်တိုင်ညဈေးသစ် တည်ဆောက်မည်

ရန်ကုန်မြို့တော်၏ တစ်ခုတည်းသော ညဈေးဖြစ်သည့် ကြည့်မြင်တိုင် လဟာပြင်ညဈေးကို (၂၀၁၅-၂၀၁၆) ဘဏ္ဍာရေးနှစ်တွင် ဈေးရုံဟောင်းများနေရာတွင် ဈေးရုံသစ်များ အစားထိုးတည်ဆောက်မည်ဖြစ်ကြောင်း ကြည့်မြင်တိုင်ညဈေးအဖွဲ့ရုံးမှ အတွင်းရေးမှုး ဦးမျိုးဝင်းက ပြောကြားသည်။

အဆိုပါဈေးကို အသစ်ပြန်လည် တည်ဆောက်ရာတွင် သံထည်အဆောက်အအုံများဖြင့် တည်ဆောက်မည်ဖြစ်ပြီး ဈေးရုံ (၁၆) ရုံအနက် (၅) ရုံကို နှစ်ထပ်အဆောက်အအုံဖြင့်၎င်း၊ ဈေးရုံ (၃) ရုံကို (၁) ထပ် အဆောက်အအုံဖြင့်၎င်း အဆင့်မြှင့်ပြင်ဆင်မည်ဖြစ်ကြောင်း ၄င်းကရှင်းပြသည်။

လတ်တလောတွင် ယာယီဈေးရောင်းချရန် ဆိုင်ခန်း (၂၄၉) ခန်းကို ဆောက်လုပ်နေပြီး ဈေးရုံတည်ဆောက်ခြင်း လုပ်ငန်းကို မစတင်နိုင်သေးကြောင်း၊ ပြန်လည်ပြင်ဆင်တည်ဆောက်မည့် ဈေးရုံများမှာ က၊ ခအကြီး၊ ခ အသေး၊ ဂ၊ ဃ၊ ဈ၊ ည တို့ဖြစ်ပြီး ဈေးဆိုင်ခန်းစုစုပေါင်း (၉၀၀) ကျော်ပါဝင်မည်ဖြစ်ပြီး ဆိုင်ခန်းများ၏ အကျယ်အ၀န်းမှာ အလျား (၃) ပေ၊ အနံ (၄) ပေ အရွယ်မှ အလျား (၇) ပေ၊ အနံ (၇) ပေခွဲ အကျယ်ရှိကြောင်း ကြည့်မြင်တိုင် လဟာပြင်ညဈေး အဖွဲ့ရုံးထံမှ သိရှိရသည်။

ယင်းဈေးကြီး၏ ပြင်ဆင်ချိန်ကို အချိန်တစ်နှစ်ခန့် လျာထားပြီး စည်ပင်၏ အစီအစဉ်ဖြင့်သာ ဆောက်လုပ်ခြင်းဖြစ်ပြီး ဈေးသူဈေးသားများ၏ သဘောတူညီမှုဖြင့် ဆောက်လုပ်ခြင်းဖြစ်ကြောင်း ၄င်းက ဆက်လက်ပြောကြားသည်။

"ပိုက်ဆံလည်းမပေးရပဲ ဆိုင်ခန်းတွေ ကောင်းကောင်းမွန်မွန်ဖြစ်အောင် လုပ်ပေးတာဆိုတော့ ကျွန်မတို့အကုန်လုံးလည်း သဘောကျပါတယ်"ဟု ယင်းဈေးတွင် အ၀တ်အထည်ရောင်းချသူ ဒေါ်စမ်းစမ်းညွန့် ကပြောဆိုသည်။

ယင်းဈေးကြီး ပြင်ဆင်ပြီးစီးပါက ဈေးဆိုင်ခန်းများကို မူလအကျယ်အ၀န်းအတိုင်း မူလနေရာတွင် ပြည်လည်နေရာပေးမည်ဖြစ်ကာ၊ နှစ်ထပ်အဆောက်အအုံ၏ အပေါ်ထပ်တွင် ပျံကျဈေးသည်များကို နေရပေးနိုင်ရေးအတွက် စီစဉ်သွားမည်ဖြစ်ကြောင်း ဈေးရုံးကိုယ်စားလှယ်များထံမှ သိရှိရသည်။

ယခုဘဏ္ဍာနှစ်တွင် ကြည့်မြင်တိုင် လဟာပြင်ညဈေးပြင်ဆင်မှုအပြင် ဒဂုံမြို့သစ် (အရှေ့ပိုင်း) မြို့နယ်ရှိ အမှတ် (၂) ဈေး၊ ကြည့်မြင်တိုင်မြို့နယ် လေဟာပြင်ဈေး၊ သာကေတမြို့နယ် အမှတ်(၁)ဈေး၊ လှိုင်မြို့နယ် လှိုင်ဈေးကြီး၊

အင်းစိန်မြို့နယ် ဖော့ကန်ဈေး၊ မရမ်းကုန်းမြို့နယ် မြဂန္ဒမာဈေးနှင့် မင်္ဂလာဒုံမြို့နယ် ရတနာသီရိဈေးတို့ကို ပြင်ဆင်သွားမည် ဖြစ်ကြောင်း ဈေးများဌာနထံမှ သိရှိရသည်။

Credit: The Voice Daily