ဒဂုံမြို့သစ် အရှေ့ပိုင်း၊ လေးထောင့်ကန် ရပ်ကွက်၌ ဆင်းရဲသား ပပျောက်ရေး အတွက် မြေကွက်များ ဖော်ဆောင် ရာတွင် အဆိုပါ ရပ်ကွက်၌ အမှန် တကယ် နေထိုင်သည့် မရှိ ဆင်းရဲသားများ မရ၍ ရပ်ကွက်နေ ပြည်သူ များမှ ယမန်နေ့က သတင်းစာ ရှင်းလင်းပွဲ ပြုလုပ်ခဲ့သည်။
ဆင်းရဲသား ပပျောက်ရေး ခေါင်းစဉ် အောက်ကနေ ဆင်းရဲတဲ့ သူတွေကို မပေးဘဲ ရှိပြီးသားသူ တွေကို ပေးတယ်။ သူတို့ အမျိုးအနွယ်တွေ ပတ်သက်ရာ ပတ်သက်ကြောင်း တွေကို ပေးတယ်။ မန္တလေးတို့၊ လားရှိုး တို့လို အဝေးကနေ ခုနစ်ရက် ဧည့်စာရင်းနဲ့ နေတဲ့ သူတွေ ကိုတော့ ပေးတယ်။ ဒီမှာ အမှန်တကယ် နေတဲ့ ဆင်းရဲသားတွေ ကိုတော့ နည်းနည်း ပါးပါးပဲ ချပေးတယ် ဟု အဆိုပါ ရပ်ကွက်နေ မဖြူစင်က ပြောသည်။
ထိုသို့ လုပ်ဆောင်ရာတွင် မြေကွက် (၁၂၄) ကွက် ဖော်ဆောင် ခဲ့ပြီး အမှန်တကယ် နေထိုင်သည့် ဆင်းရဲသား ပြည်သူ (၂၃) ဦးသာ ရရှိခဲ့ကြောင်း သိရသည်။ အဆိုပါ ဖြစ်စဉ် များကြောင့် ရပ်ကွက်နေ ပြည်သူ များက ဆန္ဒ ထုတ်ဖော်ရန်အတွက် ဇန်န၀ါရီလ (၃၀) ရက်နေ့၌ ဒဂုံ မြို့သစ် အရှေပိုင်း ခရိုင် ရဲစခန်းတွင် ခွင့်ပြုချက် တင်ခဲ့ရာ မရရှိ၍ သတင်းစာ ရှင်းလင်းပွဲ ပြုလုပ်ရခြင်း ဖြစ်ကြောင်းသိ ရသည်။
မြေကွက်တွေ ဖော်ဖို့ (၄၅) ရက် အတွင်း လျှောက်လွှာတွေကို တင်ခိုင်းခဲ့တယ်။ အကုန်လုံးကို ရန်ကုန် တိုင်းဒေသကြီး အစိုးရ အဖွဲ့ ဆီ ပူးတွဲ တင်ပေး လိုက်တယ်။ ပြီးတော့ (၁၂၄) ကွက်ကို မဲနှိုက်ပေး ခဲ့တယ်။ လျှောက်လွှာတွေ တင်တုန်းက ဆင်းနွမ်းပါးတဲ့ သူတွေပဲ လျှောက်ကြပါ၊ ချမ်းသာတဲ့ သူတွေ မလျှောက်ကြပါနဲ့လို့ ပြောပေမယ့် ပါရင်လည်း ပါသွား မှာပေါ့ ဟု လေးထောင့်ကန် ရပ်ကွက်၊ အုပ်ချုပ်ရေးမှူး ဦးကျော်ကြီးက ပြောသည်။
အဆိုပါ ဒေသခံများ အနေဖြင့် ပွင့်လင်း မြင်သာမှု မရှိသော ရပ်ကွက် ဖြစ်မြောက်ရေး ကော်မတီ အလိုမရှိ၊ ပြည်သူများ၏ အကျိုးကို ဆောင်ရွက် ပေးမှု မရှိသည့် မြို့နယ် အုပ်ချုပ်ရေးမှူးနှင့် ရပ်ကွက် အုပ်ချုပ်ရေးမှူးအား အလိုမရှိ၊ ပြည်သူအား အကြောင်းပြ လိမ်လည် စားသောက် နေသော အဖွဲ့ အစည်းများ အလိုမရှိ စသည့် အချက်များ အပါအ၀င် အချက် ခုနစ်ချက်အား ထုတ်ပြန်ခဲ့သည်။ ကျွန်မတို့က ဒီနေ့ကို ဆန္ဒပြမလို့ ပါပဲ။ သူတို့က ခွင့်ပြုချက်မပေးဘူး။ ကျွန်မတို့ကတော့ ခွင့်ပြုချက် မရမချင်း ထပ်ပြီးတော့ တင်ဦးမယ်။ ဆန္ဒတွေပြ သွားမယ် ဟု ဒေသခံ ဒေါ်ဝင်းတင်က ပြောသည်။
၂၀၁၀ ပြည့်နှစ်က လေးထောင့်ကန် ရပ်ကွက် အုပ်ချုပ်ရေးမှူးမှ ရပ်ကွက် ဖြစ်မြောက်ရေး ကော်မတီ ဖွဲ့ စည်းခဲ့သည်။ ထို့နောက် ရန်ကုန် တိုင်းဒေသကြီးအစိုးရ၏ ခွင့်ပြုချက်ဖြင့် ဆင်းရဲသား ပပျောက်ရေး အတွက် ရပ်ကွက် ဖော်ဆောင်ရန် လယ်သမား ခြောက်ဦးထံမှ လယ် (၃၉ ဒသမ ၁၈၆) ဧကအား အလှူခံခဲ့ပြီး ၂၀၁၁ ခုနှစ်တွင် အကောင်ထည် ဖော်ရန် အတွက် လျှောက်လွှာများ ခေါ်ယူခဲ့ကြောင်း သိရသည်။
Credit: messenger
