ဗဟုသုတ | Posted by ရွှေစင်ဝင်း
လယ်ယာမြေတည်ရှိရာ အရပ်ဒေသဖြစ်သော ရပ်ကွက်၊ ကျေးရွာအုပ်စု လယ်ယာမြေစီမံခန့်ခွဲမှုအဖွဲ့အား မြို့နယ်လယ်ယာမြေ စီမံခန့်ခွဲမှုအဖွဲ့မှ ဦးစီးပြီး ဖွဲ့စည်းရမည်။ ထို့နောက် မြို့နယ်လယ်ယာမြေစီမံခန့်ခွဲမှုအဖွဲ့၊ ခရိုင်လယ်ယာမြေ စီမံခန့်ခွဲမှုအဖွဲ့၊ တိုင်းဒေသကြီးနှင့် ပြည်နယ်လယ်ယာမြေစီမံခန့်ခွဲမှုအဖွဲ့ဟူ၍ ဖွဲ့စည်းမှုပြုရ မည်ဖြစ်ပါသည်။
ဗဟိုလယ်ယာမြေစီမံခန့်ခွဲမှုအဖွဲ့တွင် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနမှ ဥက္ကဌ၊ ဒုဥက္ကဌအဖြစ် လည်းကောင်း၊ ကြေးတိုင်နှင့် မြေစာရင်းဦးစီးဌာနမှ အတွင်းရေးမှူးအဖြစ် လည်းကောင်း၊ အကြီး အမှူးအဖြစ် သက်ဆိုင်ရာ အစိုးရဌာနနှင့် အဖွဲ့အစည်းများကလည်းကောင်း ပါဝင်ဆောင်ရွက်မည် ဖြစ်ပါသည်။
ပုဒ်မခွဲ(က)အရ ဗဟိုလယ်ယာမြေစီမံခန့်ခွဲမှုအဖွဲ့ ဖွဲ့စည်းထားသည်ကိုအခါအားလျော်စွာ ပြင်ဆင်ခြင်း လဲပြုနိုင်ပါသည်။ အဆိုပါ လယ်ယာမြေစီမံခန့်ခွဲမှုအဖွဲ့၏ တာဝန်နှင့် လုပ်ပိုင်ခွင့်များကို လယ်ယာမြေဥပဒေပုဒ်မ-(၁၇) တွင် ဖော်ပြထားပါသည်။
လယ်ယာမြေလုပ်ပိုင်ခွင့်အား မှတ်ပုံတင်ခြင်း၊ ခွင့်ပြုလက်မှတ်ထုတ်ပေးခြင်း၊ လယ်ယာမြေလုပ်ပိုင်ခွင့် အတိုင်း အသုံးပြုခွင့်ပေးခြင်း၊ အငြင်းပွှားမှုများ ဖြစ်ပွှားမှုရှိက ကြီးကြပ်ဖြေရှင်းပေးခြင်းနှင့် ပြစ်ဒဏ်တစ်ရပ် ချမှတ်ခြင်းခံရပါက လယ်ယာမြေလုပ်ပိုင်ခွင့်ကို လယ်ယာမြေစီမံခန့်ခွဲမှုအဖွဲ့မှ ပြန်လည်ရုတ်သိမ်းခြင်းတို့ ဆောင် ရွက်ရန် တာဝန်ရှိပါသည်။ လယ်ယာမြေအား ရောင်းချခြင်း၊ ပေါင်နှံခြင်း၊ ငှားရမ်းခြင်း၊ လဲလှယ်ခြင်း၊ ပေးကမ်းခြင်း ဆောင်ရွက်သည့်အခါတွင်လဲ လယ်ယာမြေစီမံခန့်ခွဲမှုအဖွဲ့အား အကြောင်းကြားရမည်ဖြစ်ကာ သတ် မှတ်ချက်များနှင့်အညီ လိုက်နာဆောင်ရွက်ရမည်ဖြစ်ပါသည်။
လူနေမှုဘဝဖွံ့ဖြိုးတိုးတက်မှုဆိုင်ရာ စာသင်ကျောင်း၊ ကျန်းမာရေးဌာန၊ ဆေးရုံ၊ ဆေးပေးခန်း၊ စာကြည့် တိုက်၊ ကျေးလက်ဈေး၊ သုသာန်၊ စိုက်ပျိုးသီးနှံများအတွက် သိုလှောင်ရုံဂိုဒေါင်များ တည်ဆောက်ရန်နှင့် အခြားလိုအပ်သော အဆောက်အအုံများအတွက် လယ်ယာမြေကို အသုံးပြုနိုင်လိုပါက တိုင်းဒေသကြီး / ပြည်နယ် လယ်ယာမြေစီမံခန့်ခွဲမှုအဖွဲ့မှတဆင့် တင်ပြချက်ကို ဗဟိုလယ်ယာမြေစီမံခန့်ခွဲမှုအဖွဲ့မှ စီစစ်ပေးပါသည်။ လယ်ယာမြေ စီမံခန့်ခွဲမှုအဖွဲ့တွင် မြေနုကျွန်း လုပ်ပိုင်ခွင့်ရရှိသူများ၏ အခွင့်အရေးမူဝါဒချမှတ်ပေးခြင်း၊ ရွှေ့ပြောင်း တောင်ယာခုတ်ထွင် စိုက်ပျိုးရာတွင်လဲ ကွက်ကဲဆောင်ရွက်ပေးရန်လဲ တာဝန်ရှိပါသည်။
လယ်ယာမြေ ရောင်းချ၊ ပေါင်နှံ၊ ငှားရမ်း ၊ လဲလှယ်ခြင်း ဆောင်ရွက်ရာတွင်လဲ သက်ဆိုင်ရာ ရပ်ကွက်နှင့် ကျေးရွာအုပ်စု လယ်ယာမြေစီမံခန့်ခွဲမှုအဖွဲ့မှ နေရာဒေသ အပေါ်မူတည်၍ လယ်ယာမြေတန်ဖိုး သင့်လျှော်စွာ သတ်မှတ်ကာ ၎င်းတို့ရှေ့မှောက်တွင် အရောင်းအဝယ်စာချုပ်ချုပ်ဆိုကာ အခွန်ဆောင်၍ အမည်ပြောင်း ဆက် လက်ဆောင်ရွက်ရမည်ဖြစ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
iMyanmarHouse.com ၏ ဥပဒေအကြံပေး ပညာရှင်အဖွဲ့ မှ အထူးရေးသားဖော်ပြသည်။
Credit: iMyanmarHouse.com
