Innwa Pyae Sone Residence

သန်လျင်မြို့နယ်ရှိရောင်းရန်လုံးချင်းအိမ်များ

သန်လျင်မြို့နယ်

သန်လျင်မြို့နယ်သည် ရန်ကုန်မြို့၏ တစ်ဖက်ကမ်း နှင့် ပဲခူးမြစ်၏ လက်ဝဲဘက်ကမ်းတင်တည်ရှိပြီး ရန်ကုန်မြစ် ၊ ပဲခူးမြစ်နှင့် ပုဇွန်တောင်ချောင်းတု့ိဆုံ မြစ်ဝနှင့် သုံးမိုင်အကွာတွင်တည်ရှိသောမြို့နယ်ဖြစ်သည် ။ ယခင်က ရန်ကုန်နှင့် သွားလာရန် သင်္ဘော ၊ လှေ တို့ဖြင့်သွားလာရပေမယ့် ၁၉၉၃ ခုနှစ်က တရုတ်-မြန်မာ ချစ်ကြည်ရေးအဖြစ် ဆောက်လုပ်ထားသည့် သန်လျင်တံတားကြီးဖွင့်လှစ်လိုက်သည့်အတွက် သွားလာရ လွယ်ကူသောမြို့နယ်တစ်ခုဖြစ်လာသည် ။ သန်လျင်မြို့နယ်၏ အကျယ်အဝန်းသည် ၃၅၀.၄၉ ကီလိုမီတာရှိပြီး အထက်တန်းကျောင်း ၄ ကျောင်းနှင့် ရန်ကုန်မြို့၏ အရေးပါသော တက္ကသိုလ်ကျောင်းများလည်းတည်ရှိသာ မြို့နယ်ဖြစ်သည် ။ တက္ကသိုလ်များဖြစ်သည့် ရန်ကုန်အရှေ့ပိုင်းတက္ကသိုလ် ၊ မြန်မာနိုင်ငံရေကြောင်းပညာတက္ကသိုလ် ၊ နည်းပညာတက္ကသိုလ်(သန်လျင်) နှင့် သမဝါယမတက္ကသိုလ်(သန်လျင်) တို့ သန်လျင်မြို့နယ်တွင်တည်ရှိသည် ။ သီလဝါဆိပ်ကမ်း ၊ သန်လျင်ရေနံချက် စက်ရုံ ၊ သန်လျင်မြို့မဈေး အစရှိသည့် အရေးပါသော အဆောက်အဦးများတည်ရှိသည် ။ အထင်ကရ ဘုရားစေတီများဖြစ်သည့် သန်လျင်ရေလယ်ဘုရားနှင့် ဆံတော်ရှင်ကျိုက်ခေါက်စေတီ အစရှိသည့် တန်ခိုးကြီးဘုရားများသည် သန်လျင်မြို့နယ်တွင်တည်ရှိသည် ။ နှစ်စဉ်နှစ်တိုင်း ဘုရားပွဲများကျင်းပပြီး အလွန်စည်းကားသိုက်မြိုက်သော နေရာလည်းဖြစ်သည် ။ အချုပ်အားဖြင့်ဆိုသော် သန်လျင်မြို့နယ်သည် ရန်ကုန် တစ်ဖက်ကမ်းတွေတည်ရှိပေမယ့် တစ်နှစ်ထက်တစ်နှစ် ဖွံ့ဖြိုးတိုးတက်လာသောမြို့နယ်တစ်ခုဖြစ်သလို မြေကွက်အလွတ်များ ပေါများစွာကျန်ရှိနေသေးသည့် မြို့နယ်တစ်ခုဖြစ်ပေသည် ။