The Rich Villa

စမ်းချောင်းမြို့နယ်ရှိရောင်းရန်ကွန်ဒိုများ

စမ်းချောင်းမြို့နယ်

ရန်ကုန်မြို့ရဲ့စည်ကားတဲ့ မြို့နယ်တွေထဲမှာ စမ်းချောင်းမြို့နယ်သည် တစ်ခုအပါအဝင်ဖြစ်ပြီး လူသွားလူလာ ၂၄ နာရီ မပြတ်သည့်မြို့နယ်ဟုဆိုနိုင်သည် ။ မြို့နယ်၏ မြောက်ဘက်တွင် ကမာရွတ်မြို့နယ် ၊ အရှေ့ဘက်တွင် ဗဟန်းမြို့နယ် ၊ အနောက်ဘက်တွင် ကြည့်မြင်တိုင်မြို့နယ် ၊ တောင်ဘက်တွင် ဒဂုံနှင့်အလုံမြို့နယ် တို့ဖြင့်ဝန်းရံတည်ရှိလျက်ရှိသည် ။ ဈေးဝယ်စင်တာ ၊ စူပါမားကတ် ၊ စီးတီမတ် ၊ စားသောက်ဆိုင်များ နှင့် ၂၄ နာရီဖွင့်သောဆိုင်များ ရှိသဖြင့် စမ်းချောင်းမြို့နယ်သည် စည်ကားနေရခြင်း ဖြစ်သည် ။ မြေနီကုန်းမီးပွိုင့်အနီးရှိ ဒဂုံစင်တာ ၊ ဒဂုံစင်တာ ၂ ၊ ဂမုန်းပွင့် ၊ စီတီးမတ် တို့သည် ရန်ကုန်မြို့တွင်း လူကြိုက်များသွားရောက်မှုများသည့် ဈေးဝယ်စင်တာများဖြစ်ပြီး အဆင့်မြင့်ရုပ်ရှင်ရုံများလည်းတည်ရှိသည် ။ ရန်ကုန်မြို့၏ အဓိကပြည်လမ်းမကြီးနှင့်လည်း နီးကပ်ထိဆက်သည့်မြို့နယ်ဖြစ်သလို ရပ်ကွက်တွင်း ရှည်လျားသော စမ်းချောင်းလမ်းမကြီးလည်းတည်ရှိသည် ။ စမ်းချောင်းလမ်းမကြီးသည် မြို့နယ်၏ရပ်ကွက်တွင်း ဆိုပေမယ့် အဝတ်အထည်ဆိုင်များ ၊ ဆိုင်ခန်းများ ၊ ရုံးခန်းအချို့နှင့် စားသောက်ဆိုင်များပေါများလွန်းသဖြင့် တိုးမပေါက်အောင်စည်ကားသောလမ်းမကြီးလည်းဖြစ်ပေသည် ။ ဗားကရာလမ်းမပေါ်တွင်တည်ရှိသည့် ကိုးထပ်ကြီးဘုရားသည်လည်း ရန်ကုန်မြို့တွင်း အထင်ကရ ကိုးကွယ်သည့် ဘုရားကျောင်းတစ်ခုဖြစ်သည် ။ ပညာရေးနှင့်ပတ်သက်လျင်လည်း စမ်းချောင်း အထက်တန်းကျောင်းများသည် အထင်ကရတစ်ခုအဖြစ်ပါဝင်ပြီး မူလတန်းကျောင်း ၁၇ ကျောင်း ၊ အလယ်တန်းကျောင်း ၂ ကျောင်းနှင်အထက်တန်းကျောင်း ၄ ကျောင်းတည်ရှိသည် ။ အချုပ်အားဖြင့်ဆိုသော် စမ်းချောင်းမြို့နယ်သည် လူနေထူထပ်ပြီး ရန်ကုန်မြို့၏ အစည်ကားဆုံးမြို့နယ်လို့ဆိုနိုင်သလို လူနေတိုက်ခန်းများ ၊ ကွန်ဒိုများ ၊ လုံးချင်းအိမ်များ ၊ ဆိုင်ခန်းနှင့်ရုံးခန်း ပေါများပြီး သွားလာရလွယ်ကူအဆင်ပြေသောမြို့နယ်ကောင်းတစ်ခုဖြစ်ပေသည် ။