iMyanmarhouse Mobile App

ဒဂုံမြို့သစ် မြောက်ပိုင်းမြို့နယ်ရှိရောင်းရန်မြေကွက် ၊ ခြံကွက်များ

ဒဂုံမြို့သစ်မြောက်ပိုင်း

ရန်ကုန်မြို့၏ တိုးချဲ့မြို့သစ်တွင် မြောက်ဒဂုံမြို့နယ်သည်လည်း တစ်ခုအပါအဝင်ဖြစ်သည် ။ အကျယ်အဝန်း ၂၆.၂၈ ကီလိုမီတာရှိပြီး မြို့နယ်၏ အရှေ့ဘက်နှင့်မြောက်ဘက်တွင် ဒဂုံမြို့သစ်အရှေ့ပိုင်း ၊ အနောက်ဘက်တွင် တောင်ဥက္ကလာပမြို့နယ် ၊ တောင်ဘက်တွင် ဒဂုံမြို့သစ်တောင်ပိုင်း တို့ ဝန်းရံတည်ရှိသည် ။ မြောက်ဒဂုံသည် ရပ်ကွက်ပေါင်း ၂၀ ခုဖြင့် ဖွ့ဲစည်းတည်ဆောက်ထားပြီး မူလတန်းကျောင်း ၂၄ ကျောင်း ၊ အလယ်တန်းကျောင်း (၁) ကျောင်း နှင့် အထက်တန်းကျောင်း (၄) ကျောင်းတို့ရှိသည် ။ မြန်မာနိုင်ငံ၏ အကြီးဆုံး တက္ကသိုလ်ဖြစ်သည့် ဒဂုံတက္ကသိုလ် တည်ရှိသောမြို့နယ်လည်းဖြစ်သည် ။ တိုးချဲ့မြို့သစ် ဖြစ်တာနဲ့အညီ မြေကွက်များ ၊ မြေလွတ်များ ၊ စက်မှုဇုန်များ အများအပြားတည်ရှိသည် ။ ရန်ကုန်ဘူတာကြီးက တဆင့် ဒဂုံတက္ကသိုလ်အထိ တိုက်ရိုက်သွားနိုင်သည့် ရထားလမ်းလည်းတည်ရှိသည် ။ တက္ကသိုလ်ကျောင်း ရှိသည့်အတွက် မြို့နယ်စုံ ကျောင်းသား ၊ ကျောင်းသူများတက်ရောက်သည့်အတွက် ကျောင်းဖွင့်ချိန်တွင် စည်ကားသောမြို့နယ်ဖြစ်သည် ။ တက္ကသိုလ်ကျောင်းသားများ ငှားရမ်းနေထိုင်သည့် အဆောင်လည်း အများအပြားတည်ရှိပြီး မော်တော်ယာဉ်လိုင်းပေါင်းစုံ လာရောက်ပြေးဆွဲသည့်အတွက် သွားလာရလွယ်ကူ သောမြို့နယ်လည်းဖြစ်သည် ။ အနာဂတ်ဖွံ့ဖြိုးတိုးတက်လာမည့် မြို့ပြနှင့်အတူ စီးပွားရေးလုပ်ငန်းရှင်များ အိမ်ခြံမြေ လုပ်ငန်းရှင်များ ရင်းနှီးမြုပ်နှံရန် ကောင်းသော မြောက်ဒဂုံမြို့နယ်ဖြစ်သည် ။