Magical World

မန္တလေးတိုင်းဒေသကြီးရှိရောင်းရန်အိမ်ခြံမြေများ

မန္တလေးမြို့

မန္တလေးသည် မြန်မာပြည်အထက်ပိုင်းတွင်ပါဝင်ပြီး မြန်မာနိုင်ငံ၏ အလယ်ဗဟိုတွင်တည်ရှိသောတိုင်းဒေသကြီးလည်းဖြစ်သည် ။ မြန်မာနိုင်ငံ၏ ဒုတိယမြို့တော်အဖြစ်လို့ သတ်မှတ်ထားပြီးစီးပွားရေးမြို့တော်ဖြစ်သည့် ရန်ကုန်မြို့နှင့် ၄၄၅ မိုင်အကွာ ၊ ဧရာဝတီမြစ် အရှေ့ဘက်တွင်တည်ရှိသည် ။မြန်မာနိုင်ငံ၏ အလယ်ဗဟိုတွင်တည်ရှိသော မန္တလေးသည် မြန်မာမင်းနောက်ဆုံးနန်းစိုက်ခဲ့သည့်မြို့ဖြစ်သလိုယဉ်ကျေးမှုအမွေအနစ်များစွာကျန်ရှိသည့် မြို့လည်းဖြစ်သည် ။မန္တလေးမြို့တွင် အဓိကမြို့နယ်များအဖြစ် ၈ မြို့နယ်ရှိပြီးမဟာအောင်မြေမြို့နယ် ၊ အောင်မြေသာဇံမြို့နယ် ၊ ချမ်းမြသာစည်မြို့နယ် ၊ ချမ်းအေးသာဇံမြို့နယ် ၊ ပြည်ကြီးတံခွန်မြို့နယ် ၊ အမရပူရမြို့နယ်နှင့် ပုသိမ်ကြီးမြို့နယ်တို့ဖြစ်ကြသည် ။ သမိုင်းဝင် အထင်ကရစေတီပုထိုးကြီးများနှင့် ရှေးဟောင်းအမွေအနစ်များစွာကျန်ရှိနေသေးသည့် မန္တလေးမြို့ သည် ၂၅ စတုရန်းမိုင်ကျယ်ဝန်းပြီးရပ်ကွက်ပေါင်း ၃၈ ခုဖြင့်ဖွဲ့စည်းထားပြီးရန်ကုန်မြို့ကဲ့သို့ပင် လူမျိုးဘာသာမရွေးပေါင်းစုံနေထိုင်သောမြို့ဖြစ်သည် ။ မန္တလေးမြို့တွင်းနှင့် အနီးတစ်ဝိုက်ရှိထင်ရှားသောစေတီပုထိုးများ ၊ ရှေးဟောင်းသမိုင်းဝင်အဆောက်အဦးများ နှင့် ဘုရားကျောင်းများစွာတည်ရှိသည် ။ ထင်ရှားသောနေရာများဖြစ်သည့် ဟာမုနိဘုရား ၊ မန္တလေးတောင်နှင့်ကျောက်တော်ကြီးဘုရား ၊ ကုသိုလ်တော် ၊ စန်အမုနိ ၊ ရန်ကင်းတောင် ၊ ရေတံခွန်တောင် ၊ တောင်ပြုန်း ၊ ရတနာဂူ ၊ ရွှေစာရံဘုရား ၊ တောင်တံမန်အင်းနှင့် ဦးပိုင်တံတား ၊ မန္တလေးနန်းတော် တို့ဖြစ်သည် ။ အဆိုပါနေရာများသည် မန္တလေးမြို့ ကိုရောက်သူတိုင်းအများဆုံးသွားရောက်လည်ပတ်ကြသည့် နေရာများဖြစ်ကြသည် ။ မန္တလေးမြို့သည် မြန်မာနိုင်ငံ၏အလယ်ဗဟိုချက်ဖြစ်သည့်အတွက်ကြောင့်လည်းအထက်မြန်မာပြည်၏ ကုန်စည်စီးဆင်းမှု ရောင်းဝယ်ဖောက်ကားမှု အရေးပါလျက်ရှိသည် ။ အချုပ်အားဖြင့်ဆိုသော မန္တလေးသည် ရှေးယခင် မြန်မာ့သမိုင်းကြောင်းများနှင့် ယနေ့တိုင်ပြည့်နက်လျက်ရှိပြီးအဆင့်မြင့်အဆောက်အဦးများ ၊ လုံးချင်းအိမ်များ ၊ တိုက်ခန်းများစသည့် မြို့ပြအသွင်သို့ရောက်ရှိခဲ့ပြီဖြစ်ပြီး မြန်မာနိုင်ငံ၏ ဒုတိယအကြီးဆုံးမြို့အဖြစ် ရပ်တည်လျက် ရှိသည့်မြို့ဖြစ်ပေသည် ။