အမေရိကန်သမ္မတသစ်အဖြစ် ရွေးကောက်ခြင်းခံထားရသော ဒေါ်နယ်ထရမ့်၏ ဇနီးဖြစ်သူ မီလာနီယာသည် အိမ်ဖြူတော်တွင် လိုက်ပါနေထိုင်မည်မဟုတ်ဘဲ နယူးယောက်ရှိ ဒေါ်လာ သန်း ၁၀၀ တန် နေအိမ်တွင်သာ နေထိုင်မည်ဖြစ်ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
မီလာနီယာနှင့် ဆယ်နှစ်သားအရွယ် သားကလေး ဘာရွန်တို့သည် ဇန်န၀ါရီတွင် ဒေါ်နယ်ထရမ့် ကျမ်းသစ္စာ ကျိန်ဆိုပြီးပါက အိမ်ဖြူတော်တွင် လိုက်ပါနေထိုင်လိုခြင်း မရှိကြောင်း သတင်းရင်းမြစ်သုံးခုက PEOPLE မဂ္ဂဇင်းကြီးအား ပြောကြားလိုက်သည်ဟု ဆိုသည်။
“သူ့သားက ကျောင်းတက်နေဆဲဖြစ်တော့ မီလာနီယာက နယူးယောက်မှာပဲ နေချင်တယ်” ဟု Palm Beach ရှိ သတင်းရင်းမြစ် တစ်ခုက ပြောကြားသည်။
“သူက မန်ဟက်တန်က နေအိမ်ကို မြတ်နိုးတယ်၊ လွတ်လပ်တဲ့ဘ၀ကို နှစ်သက်တယ်” ဟု အဆိုပါ သတင်းရင်းမြစ်က ဆက်လက်ပြောကြားသည်။
အခြားသတင်းရင်းမြစ်ကမူ မီလာနီယာအနေဖြင့် အဆင်ပြေသော အချိန်တွင် ၀ါရှင်တန်သို့ သွားဖွယ်ရာရှိကြောင်း ပြောကြားသည်။
နယူးယောက်နေအိမ်မှာ ပဉ္စမရိပ်သာလမ်း၊ Trump Tower ၆၆ ထပ်တွင် တည်ရှိသည်။
ဒေါ်နယ်ထရမ့်သည် အဆိုပါ အဆောက်အအုံကို ၁၉၈၃ ခုနှစ်တွင် ဆောက်လုပ်ခဲ့ခြင်းဖြစ်သည်။
လက်ရှိနေထိုင်သော အဆိုပါအခန်းမှာ ကာလပေါက်ဈေးအားဖြင့် ကန်ဒေါ်လာ သန်း ၁၀၀ ခန့် တန်ကြေးရှိသည်။
ပဉ္စမရိပ်သာလမ်းသည် ရွေးကောက်ပွဲကာလမှစတင်ပြီး ဒေါ်နယ်ထရမ့် ဆန္ဒပြသူတို့ အဓိကစုဝေးရာနေရာ ဖြစ်သည်။
အဆိုပါအခန်းအတွင်းတွင် ၀ယ်ယူစုဆောင်းထားသော ပန်းပုလက်ရာ၊ ပန်းချီလက်ရာများ၏ တန်ကြေးသည်ပင်လျှင် ဒေါ်လာသန်းပေါင်းများစွာ တန်ကြေးရှိသည်။
လက်ရှိအားဖြင့် ထရမ့်နှင့် သူ၏ တတိယမြောက်ဇနီး မီလာနီယာ၊ သားငယ်ဘာရွန်တို့ နေထိုင်လျက်ရှိသည်။
ထရမ့်သည် ရှားပါးပစ္စည်းများ၊ အနုပညာလက်ရာများ စုဆောင်းခြင်းကို ၀ါသနာပါရာ 'GOAT: A Tribute to Muhammad Ali' ဟူသော စာအုပ်ကိုလည်း ၀ယ်ယူထားကာ ယင်းနေအိမ်၏ ဧည့်ခန်းတွင် ထားရှိသည်။
အဆိုပါစာအုပ်သည် အကန့်အသတ်ဖြင့်သာ ရိုက်နှိပ်ထုတ်ဝေခဲ့သည့် စာအုပ်ဖြစ်ပြီး အုပ်ရေ ၁၀၀၀ သာထုတ်ဝေထားသည့် စာအုပ်လည်း ဖြစ်သည်။
စာအုပ်တစ်အုပ်စီတိုင်းတွင် မိုဟာမက်အလီက လက်မှတ်ရေးထိုးပေးထားသည်။
စာအုပ်တစ်အုပ်၏တန်ဖိုးမှာ ကန်ဒေါ်လာ ၁၅၀၀၀(မြန်မာငွေ ၁၉၆၄၀၀၀၀ ခန့်)တန်ကြေးရှိသည် ။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
