သမိုင်းတလျှောက် အလှဆုံးအမျိုးသမီးများတွင် တစ်ဦးအပါအဝင်အဖြစ် သတ်မှတ်ခံခဲ့ရသော ဗြိတိန် ရုပ်ရှင်မင်းသမီး အော်စကာဆုရှင် အော်ဒရေဟက်ဘန်း ဘဝနေဝင်ချိန် နောက်ဆုံး နှစ် ၃၀ နေထိုင်ဖြတ်သန်း ခဲ့သည့် ဆွစ်ဇာလန်မှ စံအိမ်ကြီးနှင့် ဧက ၄၀ ခြံကြီး ကန်ဒေါ်လာ သန်း ၂၀ ကျော်ဖြင့် အရောင်းဈေးကွက် ဝင်လာ

((အော်ဒရေ ဟက်ဘန်း ဘယ်သူလဲ))

အော်ဒရေဟက်ဘန်း (မွေး ၁၉၂၉- ကွယ်လွန် ၁၉၉၃) သည် ဗြိတိန် ရုပ်ရှင်မင်းသမီးဖြစ်သည်။

အမေရိကန် ရုပ်ရှင် အင်စတီကျုက အော်ဒရေ ဟက်ဘန်းကို ဟောလိဝုဒ်ဂန္ထဝင်ရုပ်ရှင်တွင် တတိယ အကြီးမြတ်ဆုံး ရုပ်ရှင်မင်းသမီးဟု သတ်မှတ်ထားသည်။

အော်ဒရေဟက်ဘန်းသည် ရုပ်ရှင်ဇာတ်ကားအများအပြား ပါဝင်သရုပ်ဆောင်ခဲ့သည့်အနက် ၁၉၅၃ ခုနှစ်က ရုံတင်ခဲ့သော အချစ်ဟာသဇာတ်မြူး Roman Holiday တွင် ဂရီဂိုရီပက်ခ်နှင့် တွဲဖက်သရုပ်ဆောင်ခဲ့ပြီး အကောင်းဆုံးဇာတ်ဆောင်အဖြစ် အော်စကာဆု ရရှိခဲ့သည်။

ဘဝနှောင်းပိုင်းကာလများတွင် အော်ဒရေဟက်ဘန်းသည် ကုလသမဂ္ဂကလေးများရန်ပုံငွေအဖွဲ့ (UNICEF) အတွက် သူ၏အချိန်များ ပေးအပ်မြှုပ်နှံထားခဲ့သည်။

၁၉၈၈ မှ ၁၉၉၂ ခုနှစ်အကြား အာဖရိက၊ တောင်အမေရိကနှင့် အာရှတို့ရှိ အဆင်းရဲဆုံးဒေသများသို့ သွားရောက် အကူအညီပေးမှုများ လုပ်ဆောင်ခဲ့သည်။

၁၉၉၂ ခုနှစ်တွင် အမေရိကန်သမ္မတက အော်ဒရေ ဟက်ဘန်းကို Medal of Freedom ဆုချီးမြှင့်ခဲ့သည်။

အဆိုပါဆု ရရှိအပြီး တစ်လအကြာတွင် ဆွစ်ဇာလန်ရှိ စံအိမ်တွင် အူမကြီးကင်ဆာဖြင့် ကွယ်လွန်သွားခဲ့သည်။

((အော်ဒရေဟက်ဘန်း နောက်ဆုံးနေထိုင်ဖြတ်သန်းသွားသည့် စံအိမ်))

ဟောလိဝုဒ်ဂန္ထဝင်ခေတ် မင်းသမီးကြီး အော်ဒရေဟက်ဘန်း ဘဝနောက်ဆုံးကာလ ဆယ်စုနှစ် ၃ ခု နေထိုင်ဖြတ်သန်းခဲ့သော ဆွစ်ဇာလန်ရှိ အေးချမ်းဆိတ်ငြိမ်သော စံအိမ်ကြီးကို ကန်ဒေါ်လာ ၂၀ ဒသမ ၈ သန်း ဈေးခေါ်ကာ အရောင်းဈေးကွက်တင်လာသည်။

ဂျီနီဗာမြို့အနီးတွင်တည်ရှိပြီး ပြင်သစ်နယ်စပ်နှင့် နီးကပ်သည့် Tolochenaz အမည်ရှိ ကျေးရွာလေးတွင် တည်ရှိသည်။

စံအိမ်၏ အမည်မှာ La Paisible ဟု အမည်ရပြီး ငြိမ်းချမ်းသောနေရာဟု အဓိပ္ပာယ်ရသည်။

အော်ဒရေဟက်ဘန်းသည် ငြိမ်းချမ်းသောနေရာတွင် ၁၉၆၃ မှ ကွယ်လွန်ချိန် ၁၉၉၃ အထိ နှစ်ပေါင်း ၃၀ နေထိုင်သွားခဲ့သည်။

နှစ်လိုဖွယ်ကောင်းကာ လှပသည့်ရုပ်ရည်ဖြင့် ကမ္ဘာ့ရုပ်ရှင်ပရိသတ်တို့ကို ဖမ်းစားခဲ့သူ အော်ဒရေဟက်ဘန်းကို ယခုစံအိမ်မှ မိနစ်ပိုင်းခရီးသာဝေးကွာသော သင်္ချိုင်းတွင်မြှုပ်နှံခဲ့သည်။

အော်ဒရေဟက်ဘန်းကွယ်လွန်ပြီးနောက် သားဖြစ်သူတို့က မိခင်ကြီးနောက်ဆုံးနေထိုင်သွားသော ၁၈ ရာစု ယာတောစံအိမ်ကြီးကို Katharina နှင့် Jean-Marc Beaujolin တို့ထံ ၂၀၀၁ ခုနှစ်တွင် ရောင်းချခဲ့သည်။

(စံအိမ်ကြီး၏ ပုံပြင်ဆန်ဆန်သွင်ပြင်။ ဓာတ်ပုံ-Knight Frank)

ဆယ်စုနှစ် ၂ ခုကျော် ပိုင်ဆိုင်ခဲ့ပြီးနောက် Katharina တို့က ပိုင်ရှင်သစ်ထံ လွှဲပြောင်းရန် စီစဉ်နေသည်။

“ကျွန်မတို့ downsize လုပ်ဖို့ ဆုံးဖြတ်လိုက်ပါတယ်။ ကျွန်မတို့ နှစ်ယောက်တည်းနဲ့ ဒီအိမ်ကြီးက ကြီးလွန်းနေပါတယ်။ ဒါကြောင့် အပြောင်းအလဲလုပ်ဖို့ အချိန်ကျပြီလို့ ခံစားရပါတယ်” ဟု Katharina က Bloomberg သတင်းဌာနနှင့် တွေ့ဆုံမေးမြန်းခန်းတွင် ပြောသည်။

စံအိမ်ကြီးတွင် အိပ်ခန်း ၁၂ ခန်း၊ ရေချိုးခန်း ၈ ခန်း ပါဝင်သည်။

စံအိမ်အကျယ် ၁၀၈၀၀ စတုရန်းပေရှိပြီး ခြံအကျယ်မှာ ဧက ၄၀ ကျယ်ဝန်းသည်။

(အော်ဒရေဟက်ဘန်း၏ သားများက ၂၀၀၁ ခုနှစ်တွင် Katharina တို့စုံတွဲထံ ရောင်းချခဲ့သည်။ Katharina တို့စုံတွဲက သားသမီး ၆ ဦးကို ဤစံအိမ်ကြီးတွင် ပြုစုပျိုးထောင်ခဲ့သည်။ ဓာတ်ပုံ-Knight Frank)

(စံအိမ်အကျယ် ၁၀၈၀၀ စတုရန်းပေရှိပြီး ခြံအကျယ်မှာ ဧက ၄၀ ကျယ်ဝန်းသည်။ ဓာတ်ပုံ-Knight Frank)

(အပူပေးစနစ်ပါ ရေကူးကန်၊ ပန်းဥယျာဉ်များနှင့် နှစ်ရာချီသက်တမ်းရှိသော သစ်ပင်ကြီးများ ပါဝင်သည်။ ဓာတ်ပုံ-Knight Frank)

(Katharina တို့စုံတွဲက အော်ဒရေဟက်ဘန်းလက်ထက်က ရှိခဲ့သည့်အချို့အရာများဖြစ်သော နှင်းဆီဥယျာဉ်ကဲ့သို့အရာအချို့ကို ဆက်လက်ထိန်းသိမ်းထားပြီး ကျန်နေရာများကို ပြုပြင်မွမ်းမံမှုများ ပြုလုပ်ခဲ့သည်။ ဓာတ်ပုံ-Knight Frank)

(အော်ဒရေဟက်ဘန်းကို ဆွစ်ဇာလန်ရှိ Hammetschwand စားသောက်ဆိုင်တွင် ၁၉၅၅ ခုနှစ်က ရိုက်ကူးခဲ့သည့် ဓာတ်ပုံဖြစ်သည်။ ဓာတ်ပုံ-Getty Images)

(ဆွစ်ဇာလန်နိုင်ငံ၊ Tolochenaz သင်္ချိုင်းတွင်ရှိသော အော်ဒရေဟက်ဘန်း၏ အုတ်ဂူကို တွေ့ရပုံ။ ဓာတ်ပုံ-Picture alliance via Getty Images)

(ဆက်စပ်သတင်း))

ဂျက်ကီချန်း တောင်းပန်သည့်ကြားမှ ရုပ်ရှင်ရိုက်ကွင်းမှ အိမ်ပြန်သွားခဲ့ကာ ဂျက်ကီချန်းနှင့် ၂၂ နှစ်ကြာ စကားမပြောခဲ့သော မင်းသမီး ၊ ဟောင်ကောင်၏ အော်ဒရေ ဟက်ဘန်းဟု တင်စားခံရသည်အထိ အောင်မြင်ခဲ့သူ Anita Yuen အိမ်မဝယ်ဘဲ ဘာကြောင့် အိမ်ငှားနေသလဲ

https://www.imyanmarhouse.com/news/read/1067068

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The Swiss retreat where Audrey Hepburn spent the final 30 years of her life asks $20.8M for sale Photo Credit- Knight Frank, Picture alliance via Getty Images