ကျပ် ကိုးသိန်းအထိ မြင့်တက်ခဲ့သည့် ရွှေဈေးနှုန်း ကျပ်လေးသောင်းနီးပါး ပြန်ကျ

ကျပ်ကိုးသိန်းနီးပါးအထိ မြင့်တက်ခဲ့သည့် ပြည်တွင်းရွှေဈေးနှုန်း ယခုအောက်တိုဘာ ဒုတိယပတ်အတွင်း ကျပ်လေးသောင်းနီးပါးအထိ ပြန်လည်ကျဆင်းခဲ့ ကြောင်း ပြည်တွင်းရွှေလုပ်ငန်းရှင်အသိုင်းအဝိုင်းမှသိရ သည်။ အောက်တိုဘာလ ၅ ရက်က ကမ္ဘာ့ရွှေဈေး တစ်အောင်စလျှင် အမေရိကန်ဒေါ်လာ ၄ဝ နီးပါးကျဆင်းခဲ့သဖြင့် အကယ်ဒမီ ရွှေတစ်ကျပ်သားလျှင် ကျပ်ကိုးသိန်းဝန်းကျင်မှ ကျပ် ၈၇၂ဝဝဝ သို့ ပြန်လည် ကျဆင်း ခဲ့သည့် ပြည်တွင်းရွှေဈေးနှုန်းသည် လက်ရှိ အောက်တိုဘာလ ၁ဝ ရက်တွင် ကျပ် ၈၅၄ဝဝဝ အထိ ကျဆင်းခဲ့ကြောင်း သိရသည်။

• 

တိတ်စိန်ရွှေဆိုင်မှ ဦးဇော် ဇော်အောင်က ''ဒီလဆန်းပိုင်းကစပြီးတော့ ရွှေဈေးကတော် တော်လေး ပြန်ကျသွားတယ်။ ကျပ် လေးသောင်းနီးပါးလောက်အထိ ကျသွားတယ်။ ဈေးပြန်ကျပေမယ့် အရောင်းအဝယ် က တော့ ပုံမှန်ပါပဲ၊ အေးနေတယ်'' ဟု အောက်တိုဘာ ၁ဝ ရက်က ပြောသည်။ ယင်းကဲ့သို့ ကျဆင်းရခြင်းမှာ ပြည်တွင်း အမေရိကန်ဒေါ် လာငွေလဲနှုန်းနှင့် ကမ္ဘာ့ရွှေဈေး နှုန်းကျဆင်းခဲ့ခြင်းကြောင့်ဖြစ် ပြီး ယခင် စက်တင်ဘာလအတွင်း အမေရိကန်တစ်ဒေါ်လာလျှင် မြန်မာငွေ ၁၂၈ဝကျပ်မှ လက်ရှိ အမေရိကန်တစ်ဒေါ်လာလျှင် မြန်မာငွေ ၁၂၆ဝ ကျပ်ဝန်းကျင်သို့ ကျဆင်းခဲ့ကြောင်း သိရသည်။

မြန်မာနိုင်ငံ ရွှေလုပ်ငန်းရှင်အသင်း အတွင်းရေးမှူးဦးကျော်ဝင်းက''ဒီနှစ် ဇွန်လကစပြီးတော့ တောက် လျှောက်တက်လာခဲ့တဲ့ ကမ္ဘာ့ရွှေဈေးက အခုအောက်တိုဘာလမှာ ဇွန်လထဲက အနိမ့်ဆုံး ဈေးကို ပြန်ရောက် သွားတယ်။ ပြည်တွင်းဒေါ်လာဈေးကလည်း ဆန်ရှင်ရုပ်သိမ်းတာ ကြေညာပြီးနောက်ပိုင်းမှာ ပြန်ငြိမ်သွားတယ်။ အခုဒေါ်လာဈေးရော၊ ကမ္ဘာ့ရွှေဈေးပါ ၁၂၆ဝ ဝန်းကျင်မှာ ရောက်နေတယ်''ဟု ဆိုသည်။ ကမ္ဘာ့ရွှေဈေး ကွက်အတွင်း အောက်တိုဘာလဆန်းပိုင်းက ရွှေတစ်အောင်စလျှင် အမေရိကန်ဒေါ်လာ ၁၃၁ဝ ဝန်းကျင်မှ လက်ရှိ အောက်တိုဘာ ၁ဝ ရက်တွင် ကမ္ဘာ့ရွှေဈေးနှုန်းသည် အမေရိကန်ဒေါ်လာ ၁၂၆ဝ ဝန်းကျင်သို့ ကျဆင်းခဲ့ကြောင်း သိရသည်။


Credit: Democracytoday