ဘရစ်တ်နေစပီးယားတစ်ညတာအပန်းဖြေသည့်နေအိမ်မှာကန်ဒေါ်လာ ၈၀၀၀ (မြန်မာငွေ သိန်း ၉၀ ကျော်) ပေးရဟုဆို

ကမ္ဘာကျော် ပေါ့ပ်အဆိုတော် ဘရစ်တ်နေစပီးယားသည် အမေရိကန်ပြည်ထောင်စု၊ ကယ်လီဖိုးနီးယားပြည်နယ်ရှိ ကမ်းခြေမြို့ကလေးဖြစ်သည့် မာလီဘူးတွင် တစ်ညလျှင် ကန်ဒေါ်လာ ၈၀၀၀ (မြန်မာငွေ သိန်း ၉၀ ကျော်) ပေးကာနေအိမ်တစ်လုံးငှားရမ်း၍ အပန်းဖြေခဲ့ကြောင်းအမေရိကန်အခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ဘရစ်တ်နေစပီးယား၏ လက်ရှိနေအိမ်မှာကန်ဒေါ်လာသန်း ၃၀ ကျော် တန်ကြေးရှိသည်။
ဘရစ်တ်နေစပီးယားသည် သူမ၏ ဒေါ်လာ သန်း၃၀ တန်နေအိမ်တွင် မိသားစုများ၊ မိတ်ဆွေများနှင့် အပန်းဖြေလေ့ရှိရာမှ ယခုအခါတွင် မာလီဘူး၌ နေအိမ်ကြီးတစ်လုံးငှားရမ်းကာအပန်းဖြေခဲ့ခြင်းလည်း ဖြစ်သည်။

• 

ငှားရမ်းအပန်းဖြေသည့် နေအိမ်ကြီးသည် ပင်လယ်ကမ်းစပ်ဘေးတွင်ပင် တည်ဆောက်ထားပြီးအိပ်ခန်း ၄ ခန်း၊ ရေချိုးခန်း ၄ ခန်း ပါဝင်သည်။ ရေပူရေစိမ်ကန်၊ မီးလင်းဖိုများ၊ မှန်တို့ဖြင့် ဆောက်လုပ်ထားသော လသာဆောင်များ ပါဝင်ပြီးပစိဖိတ်သမုဒ္ဒရာကိုအပေါ်စီးမှ ရှုမြင်နိုင်သည်။ ယင်းနေအိမ်အတွင်းအပန်းဖြေပုံဗီဒီယို ဖိုင်များကိုလည်းလွှင့်တင်ခဲ့သည်။ ဘရစ်တ်နေစပီးယား ပိုင်ဆိုင်သောနေအိမ်ကြီးတစ်လုံးကိုကန်ဒေါ်လာ ၉ သန်းဖြင့် အရောင်းဈေးကွက်တင်ခဲ့သည့် သတင်းအား iMyanmarHouse.com တွင် ရေးသားဖော်ပြခဲ့ပြီးဖြစ်ရာ ပြန်လည်ဖတ်ရှုလိုပါက http://www.imyanmarhouse.com/news/read/470947 လင့်ခ်တွင် ဖတ်ရှုနိုင်ပါသည်။

ဘရစ်တနေစပီးယားကိုအမေရိကန်ပြည်ထောင်စု၊ မစ္စစ္စပီပြည်နယ်တွင် ၁၉၈၁ ခုနှစ်၊ ဒီဇင်ဘာ ၂ ရက်တွင် ဖွားမြင်သည်။ ဘရစ်တနေစပီးယား၏ ဂီတသက်တမ်းတစ်လျှောက်တွင် ဆုတံဆိပ်ပေါင်းများစွာရရှိခဲ့ရာတွင် ဂရမ်မီဆုတစ်ကြိမ်၊ အမ်တီဗီဂီတဆု ၆ ကြိမ်၊ ဘီလ်ဘုတ်ဂီတဆု ၉ ကြိမ်တို့ အပါအ၀င်ဖြစ်ပြီး Hollywood Walk of Fame တွင် သူ၏အမည် ဖော်ပြခြင်းခံခဲ့ရသည်။ ၂၀၀၀ ပြည့်လွန်နှစ်များ အတွင်းအရောင်းရဆုံး အမျိုးသမီးအနုပညာရှင် အဖြစ် ဘီလ်ဘုတ်ကမှတ်တမ်းတင်ခဲ့သည်။

ဘရစ်တနေစပီးယား၏ တေးဂီတအယ်လ်ဘမ်ပေါင်းသန်း ၁၀၀ ကျော် ရောင်းချခဲ့ရပြီးဖြစ်ကာဆင်ဂယ်အခွေတွင်လည်းသန်း ၁၀၀ ကျော် ရောင်းချခဲ့ရပြီး ဖြစ်သည်။
၂၀၁၂ခုနှစ်အနုပညာကြေးအများဆုံးအမျိုးသမီးအနုပညာရှင်အဖြစ် ဖော့ဘ်မဂ္ဂဇင်းကြီးကဖော်ပြခဲ့သည်။
၂၀၁၂ ခုနှစ်အတွင်းတွင် ဘရစ်တနေစပီးယားသည် ၀င်ငွေ ကန်ဒေါ်လာ ၅၈ သန်းအထိရရှိခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)