အဆိပ်တွေကို စားပြီး ရွှေတွေ မစင်စွန့်တဲ့ ရှားပါးဘက်တီးရီးယားတစ်မျိုး သိပ္ပံပညာရှင်များ ရှာဖွေတွေ့ရှိ

ကမ္ဘာပေါ်တွင် အဆိပ်ဓာတ်များ အလွန်များပြားနေပြီး မည်သည့်သက်ရှိမှ မရှင်သန်နိုင်သည့် နေရာမျိုးတွင် ထူးဆန်းသော ဘက်တီးရီးယားတစ်မျိုး ရှင်သန်လျက်ရှိကာ မစင်အဖြစ် ရွှေများကို စွန့်ထုတ်ကြသည်။

Cupriavidus metallidurans ဟုခေါ်ပြီး အဆိပ်ရှိ heavy metals များ ပေါများသည့် မြေဆီလွှာမျိုးတွင် ရှင်သန်နေထိုင်ကြသည်။

ထူးဆန်းသော ထိုဘက်တီးရီးယားသည် အဆိပ်ရှိသော သတ္တုများကို စားက ၂၄ ကာရက်ရွှေများကို မစင်အဖြစ် စွန့်ထုတ်ကြသည်။

အဆိုပါ ဘက်တီးရီးယားကို ရှာဖွေတွေ့ရှိသည်မှာ သြစတေးလျနှင့် ဂျာမနီ သိပ္ပံပညာရှင်အဖွဲ့က တွေ့ရှိခဲ့ခြင်း ဖြစ်သည်။

ထိုဘက်တီးရီးယားတို့သည် အဆိပ်ရှိ heavy metal များကို ချေဖျက်ရင်ဆိုင်ရန်အတွက် ၎င်းတို့၏ သဘာဝ ကာကွယ်ရေးစနစ်ကို အသုံးပြုကြောင်း သိပ္ပံပညာရှင်တို့ တွေ့ရှိခဲ့ကြသည်။

ထိုသို့ ချေဖျက်မှုတွင် ရွှေဖြစ်ပေါ်စေသည့် ဓာတုဖြစ်စဉ် ဖြစ်ပေါ်လာခြင်းဖြစ်သည်။

သို့ကြောင့် သက်ရှိတို့အား သေစေနိုင်သည့် အဆိပ်ရှိသတ္တုများကို သန့်စင်သည့် ရွှေအဖြစ်သို့ ပြောင်းလဲပေးသည်။

၎င်းတို့သည် သဘာဝ ပန်းထိမ်ဆရာ၊ ရွှေထုတ်စက်ဟုလည်း ဆိုနိုင်သည်။

Cupriavidus metallidurans ဘက်တီးရီးယားတို့တွင် ထူးခြားသည့် ဇီဝဖြစ်စဉ် (metabolism) ရှိသောကြောင့် အဆိပ်ပြင်းသည့် နေရာမျိုးတွင် ရှင်သန်နိုင်ကြခြင်း ဖြစ်သည်။

၎င်းတို့၏ မျိုးဗီဇတွင် အဆိပ်ဖြေသည့် mechanism များဖြင့် ဖွဲ့စည်းထားသည်။

အဆိပ်ကို ပျက်ပြယ်စေရန်အတွက် ၎င်းတို့၏ ကိုယ်တွင်းရှိ CopA နှင့် CupA တို့ကဲ့သို့ အင်ဇိုင်းများကို အသုံးပြုသည်။

ထိုအင်ဇိုင်းများက အရည်အခြေအနေဖြင့်ရှိသော အဆိပ်ရှိ ရွှေရည်များကို အန္တရာယ်မရှိသော ရွှေအစိုင်အခဲ အဖြစ်သို့ ပြောင်းလဲလိုက်ခြင်း ဖြစ်သည်။

ယင်းနောက် အဆိုပါ အစိုင်အခဲ ရွှေစငယ်များကို မစင်အဖြစ် စွန့်ထုတ်လိုက်ကြသည်။

((ဒီတွေ့ရှိမှုက ဘယ်လိုအရေးပါလဲ))

ယခုတွေ့ရှိချက်မှာ အနာဂတ်တွင် ရွှေကို မည်သို့ ရယူမည်ဟူသည့် နည်းလမ်းကို ပြောင်းလဲပေးနိုင်သည်။

လက်ရှိ ရွှေတွင်းများတွင် ရွှေထုတ်လုပ်ကြရာ၌ အန္တရာယ်များသော ဓာတုပစ္စည်းများနှင့် စွမ်းအင်များပြားစွာ သုံးစွဲနေရသည်။

ယခုဘက်တီးရီးယား၏ လုပ်ဆောင်ပုံမှာ အဆိပ်မသင့်စေသော နည်းလမ်းဖြင့် ရွှေကို သဘာဝနည်းဖြင့် ထုတ်လုပ်ခြင်း ဖြစ်သည်။

ဤဘက်တီးရီးယား၏ လုပ်ဆောင်ပုံကို အတုယူကာ သိပ္ပံပညာရှင်များ၊ အင်ဂျင်နီယာများအနေဖြင့် ဖုန်းအဟောင်းများ၊ ကွန်ပြူတာအဟောင်းများနှင့် သတ္တုတွင်းစွန့်ပစ်ပစ္စည်းများအား ဘက်တီးရီးယားများဖြင့် ဇီဝဓာတ်ပေါင်းဖို တည်ဆောက်ကာ ရွှေကို ထုတ်ယူမည်ဆိုက ဖြစ်နိုင်ချေရှိသည်။

ထိုအခါ သဘာဝပတ်ဝန်းကျင် ထိခိုက်မှု ပမာဏကို လျှော့ချနိုင်မည့်အပြင် ဇီဝနည်းဖြင့် ရွှေထုတ်သည့် လုပ်ငန်းနယ်ပယ်တစ်ခု ထွန်းကားလာစေနိုင်သည်။

ထိုအခါ အမှိုက်ကို ချမ်းသာဓနအဖြစ် ပြောင်းလဲပေးနိုင်မည်လည်း ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Nature's weirdest ALCHEMIST! This tiny microbe eats poison poops pure gold