စံငှားရမ်းခ သတ်မှတ်ခြင်းနှင့် ဥပစာငှားရမ်းခြင်းအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အဆောက်အအုံ ဆောက်လုပ်ထားသောမြေ၊ အဆောက်အအုံ၏ အစိတ်အပိုင်း၊ ဈေးဆိုင်၊ ကုန်ပစ္စည်း သိုလှောင်ရုံ ဆောက်အအုံ၊ တိုက်ခန်း၊ အိမ်ထောင်ပရိဘောဂများပါဝင်သော အခန်း၊ သီးခြားအငှားချထားသည့် မြေ ကို ဥပစာဟုခေါ်ပါသည်။ မိမိနေထိုင်ရန်အတွက် ကိုယ်တိုင်ဖြစ်စေ၊ အခြားသူမှ တဆင့်ဖြစ်စေ အဆောက်အအုံ အိမ်၊ ခြံ၊ မြေ၊ တိုက်ခန်းအား ငှားရမ်းခပေးချေရသူကို အိမ်ငှားဟု ခေါ်ဆိုပြီး လက်ရှိဥပစာအတွင်း နေထိုင်သူများ၊ အိမ်ငှားနှင့်သက်ဆိုင်အကျိုးခံစားခွင့်ရရှိထားသူများ၊ တရားဝင်ကိုယ်စားလှယ် များအားလုံးပါ အိမ်ငှားဟု သတ်မှတ်နိုင်ပါသည်။ ကြီးကြပ်ရေးဝန်ထံ ဥပစာအား အငှားချထားခွင့်ပြုသော လက်မှတ်ရရှိရန် ကြီးကြပ်ရေးဝန်ထံ အိမ်ရှင်မှ တင်ပြလျှောက်ထားနိုင်ပါသည်။

လျှောက်လွှာတွင် အောက်ပါစာရွက်စာတမ်းများ ဖော်ပြလျှောက်ထားရပါမည်။

• 

ဥပစာအကြောင်းအရာ၊ အခန်းနံပါတ်၊ အထပ်နံပါတ်၊ အိမ်နံပါတ်၊ လမ်းအမည်၊ မြေဖြစ်လျှင်လဲ မြေကွက် နံပါတ်၊ အကွက်နံပါတ်၊ ပိုင်ရှင်အမည်၊ နေရပ်လိပ်စာ ၊ အိမ်ငှား၏ အလုပ်အကိုင်၊ နေရပ်လိပ်စာ၊ တောင်းဆိုရန် ကြံရွယ်သည့်ငှားရမ်းခ၊ အခွန်စည်းကြပ်ရာတွင် အခြေခံတန်ဖိုး၊ အဆောက်အအုံ အမျိုးအစား၊ ငှားရမ်းမည့် ခန့်မှန်းရက်တို့ ငှားရမ်းခ ကြီးကြပ်ရေးထံ တင်ပြလျှောက်ထားရမည်ဖြစ်ပါသည်။ ပြည့်စုံမှုရှိပါက အငှားချထား ခွင့်ပြုသော လက်မှတ်ထုတ်ပေးမည်ဖြစ်ပါသည်။

အဆိုပါ ဥပစာများအား ငှားရမ်းခကြီးကြပ်ရေးဝန်မှ သတ်မှတ်သည့် တရားသူကြီး၏ အမိန့်တစ်ရပ်ရပ်နှင့် မဆန့်ကျင်သည့် ငှားရမ်းခအား စံငှားရမ်းခဟု ခေါ်ဆိုပါသည်။

အိမ်ရှင်မှ ဥပစာအား ပြင်ဆင်စရိတ်၊ ကုန်ဈေးနှုန်းများပေါ် မူတည်၍ စံရမ်းခအားလဲ တိုးမြှင့်ပြောင်းလဲ ပေးရန် လျှောက်ထားခြင်းလဲ ပြုနိုင်ပါသည်။ စံငှားရမ်းခသတ်မှတ်ခြင်းများ၌ ကာလအပိုင်းအခြားအလိုက် တိုးမြှင့် ပေးရန် ငှားရမ်းစာချုပ်၌ စည်းကမ်းချက်ဖြင့် သတ်မှတ်ဖော်ပြပါက ငှားရမ်းခအား တိုးမြှင့်ကောက်ခံခြင်း ပြုသွား နိုင်သည်။ အပိုဒ်ခွဲ (က-က)၊ (ခ-ခ)၊ (ဂ-ဂ)၊ (ဃ-ဃ)(၂)၊ (င-င) အရ စံငှားရမ်းခအား စီးပွားရေး အခြေအ နေများအရ တိုးမြှင့်ထိုက်ကြောင်း အစိုးရမှ ဆုံးဖြတ်လျှင် မူလ ကောက်ခံနှုန်းထက် (၂၅%)ထက် မပိုစေဘဲ တိုး မြှင့် ကောက်ခံခြင်း ပြုနိုင်သည်။

မြို့ပြဆိုင်ရာ ငှားရမ်းခကြီးကြပ်ရေးအက်ဥပဒေပုဒ်မ-၁၀ အရ ဥပစာတစ်ခုခုအား အငှားခထားခြင်းလျှင် ငှားရမ်းခအပြင် နောက်ထပ်ဒဏ်ငွေ၊ စဘော်ငွေ (သို့) အခြားငွေပေးဆောင်ရန်၊ မတောင်းဆိုရ၊ စရန်ငွေလက်ခံလျှင်လဲ တစ်လအတွက် ငှားရမ်းခထက်ပိုသော စရန်ငွေကို တောင်းဆိုခြင်းမပြုရပါ။ ငှားရမ်ခြင်းအား အိမ်ရှင်မှ ခိုင်လုံသော အကြောင်းပြချက်ဖြင့် ရပ်စဲလိုပါကလဲ နို့တစ်စာပေးပို့၍ ဥပဒေနှင့်အညီ ရပ်စဲရမည်ဖြစ်ပါသည်။

အကြောင်းပြချက်မရှိဘဲ အိမ်ရှင်မှ အိမ်လခလက်ခံရရယူရန် ငှားရမ်းခြင်းစာချုပ်နှင့် ဆန့်ကျင်၍ ငြင်းဆို လျှင်လဲ အိမ်ငှားမှာ ငှားရမ်းခကြီးကြပ်ရေးဝန်ထံ အိမ်ငှားခပေးသွင်းခြင်းလဲ ပုဒ်မ-၁၆ အရ ဆောင်ရွက်ခြင်း ပြုနိုင်ပါသည်။

နေအိမ်၊ တိုက်ခန်းအား ပြုပြင်ရာတွင်လဲ အိမ်ရှင်မှ ပြုပြင် မပေးဘဲ ပျက်ကွက်လျှင် အိမ်ငှားမှ ကုန်ကျ စရိတ်အား ကြီးကြပ်ရေးဝန်ထံ တင်ပြပြီး အိမ်ငှားမှ အမိန့်စာပါ သတ်မှတ်ငွေအတိုင်း ပြင်ဆင်ခွင့်ရှိကာ ငှားရမ်းခ ထဲမှ အိမ်ငှားမှ နုတ်ပယ်ခြင်းပြုနိုင်ကြောင်း ဥပဒေဗဟုသုတအနဖြင့် ရေးသားပေးလိုက်ပါသည်။

မေးခွန်းပေးပို့ရန် Link ➡

https://www.imyanmarhouse.com/property-questions-answers-ask

 

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com