တူရကီနိုင်ငံတွင် သမိုင်းဝင် ရှေးဟောင်း ရဲတိုက်တစ်ခုကို ပြန်လည်ပြင်ဆင် တည်ဆောက်မှုများမှာ လူမှုကွန်ရက် သုံးစွဲသည့် ပြည်သူများကြား ဝေဖန်စရာများ ဖြစ်နေကြောင်း သိရသည်။
အဆိုပါရဲတိုက်ကို ပြန်လည် မွမ်းမံမှုကြောင့် တိုက်ပုံစံမှာ ကာတွန်းဇာတ်ကောင် ရုပ်တစ်ခုဖြစ်သည့် SpongeBob SquarePants နှင့် တူနေ၍ လူအများက ဝေဖန်နေကြသည်။ အဆိုပါရဲတိုက်မှာ ပင်လယ်နက်မြို့ ဆီလီ၌ရှိသော အိုကာကလီ အက်ဒါ ရဲတိုက်ဖြစ်ပြီး နှစ်ပေါင်းများစွာ တည်ရှိလာခဲ့ကာ မွမ်းမံမှုအသစ်များမှာ ယခုလတွင် ပြီးစီးခဲ့ခြင်းဖြစ်သည်ဟု ဟာရီးယတ် နေ့စဉ်သတင်းစာက ဖော်ပြသည်။ ရဲတိုကမှာ ပြင်ဆင်မှုများ လုပ်လိုက်၍ ပုံစံသစ် သွားသော်လည်း ရုပ်ထွက်မှာ SpongeBob ကာတွန်းဇာတ်ရုပ် မျက်နှာမျိုး ဖြစ်နေကြောင်း ပြည်သူများက ဝေဖန်နေသည်။ အဆိုပါရဲတိုက်မှာ ကျွန်းငယ်တစ်ခုပေါ်တွင် ဆောက်လုပ်ထားပြီး ဘိုင်ဇမ်းတိုင်း ခေတ်ကတည်းက တည်ရှိခဲ့သည်ဟု သတ်မှတ်ထားသည်။ သို့သော် ပြင်ဆင်မှုများ လုပ်ရာတွင် ရှေးခေတ် လက်ရာဟန် ပျက်ပြီး ကာတွန်းပုံနှင့် တူနေ၍ အတိုက်အခံ အမတ်များကလည်း ပါလီမန်တွင် မေးခွန်းထုတ် ဝေဖန်နေသည်။
“တွစ်တာ အသုံးပြုသူများ လှောင်ပြောင်သမျှထဲတွင် ဒီလူတွေဟာ ဆီလီ ရဲတိုက်ကို SpongeBob အမှတ်တရ ရဲတိုက် ဖြစ်အောင် လုပ်လိုက်တာပါ”ဟု ဆိုကြသူများ ရှိသလို ၊ ထိုအဆောက်အအုံ မွမ်းမံမှု အလှအပအမြင်ကို ဦးထုတ်ချွတ်၍ ဦးညွတ် မိကြောင်းလည်း ခနဲ့တဲ့တဲ့ စကားများ ရေးသားဖော်ပြခဲ့သည်။ သို့သော် ဒေသခံ မြူနီ စီပယ်ကောင်စီကမူ တုံ့ ပြန်မှုများကို ကာကွယ်သည့် အနေဖြင့် ကြေညာချက်အရှည် တစ်စောင် ထုတ်ပြန်ထားပြီး ရဲတိုက်မှာ (၁၉)ရာစုကပင် ဖျက်စီးမှုများ ခံခဲ့ရပြီး ပြင်ဆင်မှုများကို အချိန်ယူ လုပ်ခဲ့ရခြင်း ဖြစ်ကြောင်း ဆိုထားသည်။
Credit: messenger
![[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ](https://imh-images-prod.s3.ap-southeast-1.amazonaws.com/pictures/news/dr5b5kh/1150723-0410243001751007761-02.jpg)
