ဗဟိုပုံနှိပ်စက်ရုံကို မြို့ပြအမွေအနှစ် အဆောက်အအုံအဖြစ် အသိအမှတ်ပြု

နှစ်ပေါင်း၁၀၀ ကျော်သက်တမ်းရှိသောဗဟိုပုံနှိပ်စက်ရုံကိုခုနစ်ခုမြောက် စ်အသိအမှတ်ပြုကာ ရန်ကုန် မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့က ဩဂုတ်လ ၉ ရက်နေ့က အပြာရောင်ကမ္ပည်းပြားတပ်ဆင်ကာ
အသိမှတ်ပြုခဲ့သည်။

သိမ်ဖြူလမ်းနှင့်အနော်ရထာလမ်းထောင့်ရှိ ပြန်ကြားရေးဝန်ကြီးဌာနပိုင် ရုံးခန်းများအဖြစ် အသုံးပြုလျက်ရှိသော ထိုဗဟိုပုံနှိပ်စက်ရုံအဆောက်အအုံကို ပြန်လည်မွမ်းမံကာ စာအုပ်ဆိုင်များ၊ ကော်ဖီဆိုင်များ၊အများပြည်သူအသုံးပြုနိုင်ရန် ပန်းခြံတစ်ခုနှင့်ပုံနှိပ်ရေးနှင့် စာအုပ်ထုတ်ဝေရေး လုပ်ငန်းများအတွက်အချက်အချာကျသောနေရာတစ်ခုအဖြစ် အသုံးပြုသွားမည်ဖြစ်ကြောင်းရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ အမှုဆောင်အဖွဲ့ဝင် ဦးသန့်သော်ကောင်းကပြောသည်။

“ဒီအဆောက်အအုံကို ပုံနှိပ်ရေးနဲ့ စာအုပ်ထုတ်ဝေရေးတို့လို စာအုပ်စာပေနဲ့ပတ်သက်တဲ့လုပ်ငန်းတွေအတွက် နေရာတစ်ခုအဖြစ်ဖန်တီးပေးနိုင်ဖို့ဝန်ကြီးဌာနကအစပျိုးလုပ်ဆောင်တာကိုရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့က ကြိုဆိုပါတယ်။

ပြီးတော့ရန်ကုန်မြို့လယ်ကောင်မှာတစ်နေ့ထက်တစ်နေ့ မြေဈေးနှုန်းကြီးမြင့်လာမှုကြောင့် စာအုပ်ဆိုင်အများစု ရပ်တည်ရခက်ခဲပြီးပိတ်သွားတာတွေကို တွေ့နေရပါတယ်။ ဒီစီမံချက်ကစာအုပ်ဆိုင်တွေကိုအလွန်သက်သာတဲ့နှုန်းထားနဲ့ မြို့လယ်ကောင်အချက်အချာကျတဲ့ဒီအဆောက်အအုံမှာ ငှားပေးမှာဖြစ်လို့ စာအုပ်ဆိုင်ပိုင်ရှင်တွေနဲ့ စာဖတ်သူတွေ လက်တွေ့ရင်ဆိုင်နေရတဲ့ အခက်အခဲကို ဖြေရှင်းပေးနိုင်မှာ
ဖြစ်ပါတယ်”ဟု ၎င်းက ပြောသည်။

အပြာရောင်ကမ္ပည်းပြားတပ်ဆင်ပြီး သည့်နေ့ကစ၍ သုံးလအတွင်း ထိုအဆောက်အအုံမြေညီထပ်တွင်
စာအုပ်ဆိုင်များ စတင်ဖွင့်လှစ်ထားရန် စီစဉ်ထားကြောင်း ဦးသန့်သော်ကောင်းကပြောသည်။

“ဒီနေ့ကနေ နောက်သုံးလအတွင်းဗဟို ပုံနှိပ်စက်ရုံရဲ့ သိမ်ဖြူလမ်းဘက်နဲ့ အနော်ရထာလမ်းဘက်မှာ စာအုပ်ဆိုင်နှစ်ဆိုင်ကနေ သုံးဆိုင်နဲ့ ကော်ဖီဆိုင်တစ်ဆိုင်၊
နှစ်ဆိုင်လောက်ကို စတင်ဖွင့်လှစ်သွားမှာပါ။

ဆိုင်အရေအတွက်အတိအကျနဲ့အချိန်ကာလကိုသေချာပြောလို့မရသေးပေမယ့်ဒီနှစ်မကုန်ခင်တော့စတင်ဖွင့်လှစ်သွားမှာပါ။ ပြန်ကြားရေးနဲ့ရန်ကုန်မြို့တော်စည်ပင်သာယာရေးကော်မတီတို့နဲ့ ဆွေးနွေးပြီးဆုံးဖြတ်ကြမှာပါ”ဟု၎င်းကပြောသည်။

ယခုကဲ့သို့ ကိုလိုနီအဆောက်အအုံဟောင်းတစ်ခုဖြစ်ပြီး မူလလက်ရာမပျက်အခိုင်အခံ့တည်ရှိနေသောဗဟိုပုံနှိပ်စက်ရုံကို စာအုပ်ဆိုင်များအဖြစ် အများပြည်သူအသုံးပြုနိုင်ရန် ဖွင့်လှစ်ပေးမည့်စီမံကိန်းကို ပြန်ကြားရေး
ဝန်ကြီးဌာနက စတင်အကောင်အထည်ဖော်ခြင်းဖြစ်ပြီး ထိုအဆောက်အအုံ ပြန်လည်ပြုပြင်မွမ်းမံရေး လုပ်ငန်းများအတွက်ရန်ကုန်မြို့တော် မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့က ပြန်ကြားရေး ၀န်ကြီးဌာနနှင့်အနီးကပ်ပူးပေါင်းလုပ်ဆောင်သွားမည်ဖြစ်ကြောင်း ဦးသန့်သော်ကောင်းက ပြောသည်။

ထိုအဆောက်အအုံတွင် စာအုပ်ဆိုင်များ၊ ကော်ဖီဆိုင်များ
ဖွင့်လှစ်ခြင်းအပြင် အများပြည်သူ အပန်းဖြေအနားယူနိုင်ရန် ပန်းခြံတစ်ခုလည်းပါဝင်မည်ဖြစ်ပြီးပုံနှိပ်စက်ဟောင်းများကိုလည်းစုစည်းကာ ပြတိုက်တစ်ခု ပြုလုပ်မည်ဖြစ်သည်။

ထိုဗဟိုပုံနှိပ်စက်ရုံကို နာမည်ကျော် စကော့လူမျိုး ဗိသုကာပညာရှင် ဂျွန်ဘာ့ဂ်ရေးဆွဲသည့် အဆောက်အအုံမျက်နှာစာ ဒီဇိုင်းဖြင့် ၁၉၀၉ ခုနှစ်တွင် စတင်ဆောက်လုပ်ခဲ့ခြင်းဖြစ်ပြီး ဆောက်လုပ်ချိန် သုံးနှစ်ကြာမြင့်ကာဓာတ်လှေကားများ၊ မြင်းဇောင်းများနှင့် ၀န်ထမ်းအိမ်ရာများကိုပါ ထည့်သွင်းတည်ဆောက်ခဲ့သည်။

ထိုအဆောက်အအုံကို အစပိုင်း၌ အိန္ဒိယကတင်သွင်းသော စာရေးကိရိယာများ ဖြန့်ချိရာဌာနအဖြစ်အသုံးပြုခဲ့ပြီး နောက်ပိုင်းတွင်ဗြိတိသျှအစိုးရ၏သန်းခေါင်စာရင်းများနှင့် ပြန်တမ်းများ ပုံနှိပ်ရာတိုက်အဖြစ် အသုံးပြုခဲ့သည်။

လွတ်လပ်ရေးရပြီးချိန်မှစ၍ ဗဟိုပုံနှိပ်စက်ရုံကို
ထပ်မံတိုးချဲ့ခဲ့ပြီး ပြန်ကြားရေးဝန်ကြီးဌာန၀န်ကြီးရုံးအဖြစ်အသုံးပြုကာ အစိုးရပြန်တမ်းများ၊ နိုင်ငံတော်အဆင့် ဖိတ်စာများကို ပုံနှိပ်လျက်ရှိသည်။

ယင်းဗဟိုပုံနှိပ်တိုက်သည် မြို့ပြအမွေအနှစ် ထိန်းသိမ်းစောင့်ရှောက်ရေးအသိအမှတ်ပြုအဆောက်အအုံအဖြစ် မြို့တော်ခန်းမ၊ဧရာဝတီဘဏ်ရုံးချုပ်၊ အာမေးနီးယန်းခရစ်ယာန်ဘုရားကျောင်း၊ ဗဟိုမီးသတ်ရုံး၊ စာတိုက်ကြီးနှင့် မြန်မာ့လယ်ယာဖွံ့ဖြိုးရေးဘဏ်
အဆောက်အအုံများနောက်တွင်အပြာရောင်ကမ္ပည်းပြားတပ်ဆင်ခြင်းခံရသောခုနစ်ခုမြောက်အဆောက်အအုံ
ဖြစ်သည်။

အပြာရောင်ကမ္ပည်းပြားတပ်ဆင်ပြီးပါကထိုအဆောက်အအုံကိုအများပြည်သူအတွက်အသုံးပြုရမည်ဖြစ်ပြီးထိုအဆောက်အအုံကိုအကြောင်းမဲ့ဖြိုချခြင်းနှင့် ပြန်လည်တည်ဆောက်ခြင်းများ ပြုလုပ်၍မရတော့ပေ။

လွန်ခဲ့သော ဆယ်စုနှစ်နှစ်ခုအတွင်း သမိုင်းဝင်
အဆောက်အအုံများ ဆုံးရှုံးခဲ့ရသည့်အတွက် ယခုချိန်တွင် အချိန်မီကာကွယ်ရန်ထိန်းသိမ်းစောင့်ရှောက်မှုများကို ပြုလုပ်နေပြီးရန်ကုန်မြို့ပြသမိုင်းတွင် အရေးပါခဲ့သော အဆောက်အအုံများကို အထိမ်းအမှတ်ပြုလုပ်ရန် ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့က အပြာရောင်ကမ္ပည်းပြားတပ်ဆင်ခြင်းကိုအကောင်အထည်ဖော်ဆောင်ရွက်ခဲ့သည်။ထိုကမ္ပည်းပြားတပ်ဆင်ခြင်း စီမံကိန်းကို အကောင်အထည်ဖော်နိုင်ရန် ရန်ကုန်မြို့အနှံ့ရှိ သမိုင်းဝင်အဆောက်အအုံများကို လေ့လာခြင်းနှင့်
ကမ္ပည်းပြားများ ထုတ်လုပ်တပ်ဆင်ခြင်းများအတွက် Philips Corporation က အမေရိကန်ဒေါ်လာ ၇၅,၀၀၀ ပေးအပ်မည်ဖြစ်သည်။

Credit :The Myanmar Times