ယခုအခါ စီးပွားရေးဈေးကွက် ကျယ်ပြန့်လာသည်နှင့်အမျှ လုပ်ငန်းသဘာဝအရ စာချုပ်ချုပ်ဆိုရမှုများ များပြားလာပါသည်။ လူပုဂ္ဂိုလ်အချင်းချင်း စာချုပ်ချုပ်ဆိုရမှုများ ရှိသကဲ့သို့ လူပုဂ္ဂိုလ်နှင့် အသင်းအဖွဲ့များ၊ ကုမ္ပဏီများ၊ အသင်းအဖွဲ့အချင်းချင်း၊ ကုမ္ပဏီအချင်းချင်း ချုပ်ဆိုကြသည်များ တိုးတက်များပြားလာသည်ကို တွေ့ရပါသည်။
ဥပမာ- အသင်းအဖွဲ့၊ ကုမ္ပဏီများနှင့် ချုပ်ဆိုသောအခါတွင် အသင်းအဖွဲ့ (သို့မဟုတ်) ကုမ္ပဏီ စသည်တို့ကို ကိုယ်စားပြုသောပုဂ္ဂိုလ်များ လက်မှတ်ရေးထိုးကြရပါသည်။ ထိုသို့ လက်မှတ်ရေးထိုးချုပ်ဆိုကြရာတွင် လက်ရှိ အသင်းအဖွဲ့၊ ကုမ္ပဏီမှ တာဝန်ရှိပုဂ္ဂိုလ်များ သဘောတူ လက်မှတ်ရေးထိုးခဲ့မှုကို မိမိတို့ အသိအမှတ်မပြုကြောင်း၊ သဘောမတူကြောင်း နောင်တစ်ချိန် အသစ်တက်ရောက်လာကြသည့် အသင်းအဖွဲ့၊ ကုမ္ပဏီမှ တာဝန်ရှိပုဂ္ဂိုလ်များအနေနှင့် ဆင်ခြေမပေးနိုင်အောင် စာချုပ်တွင် အောက်ပါအတိုင်း ဖော်ပြ ချုပ်ဆိုရပါသည်။
`` . . . . . . . . . . အသင်းအဖွဲ့ကိုယ်စား၊ ဥက္ကဋ္ဌဖြစ်သူ ဦး . . . . . . . . . . က ( )ရက်နေ့တွင် ပြုလုပ်သော အသင်းအမှုဆောင်အဖွဲ့ အစည်းအဝေး ဆုံးဖြတ်ချက်အရ မိမိကိုယ်စားပြုသော အသင်းအဖွဲ့၏ လုပ်ပိုင်ခွင့်၊ အခွင့်အာဏာကို ကျင့်သုံး၍ တာဝန်ယူ လက်မှတ်ရေးထိုးပါသည် ´´ဟူ၍ ဖော်ပြလျက် [ ဖော်ပြပါ အသင်းအဖွဲ့၊ ကုမ္ပဏီဟု ဆိုရာတွင် မိမိတို့အပြင် အသင်းအဖွဲ့၊ ကုမ္ပဏီ၏ ဆက်ခံသူများ၊ ဆက်ခံခွင့် ရှိသူများ၊ တရားဝင်ကိုယ်စားလှယ်များ၊ ကိုယ်စားလှယ်လွှဲစာ ရသူများ အားလုံး အကြုံးဝင်သည် ဟူ၍ မှတ်ယူကြရမည်ဖြစ်သည်။ ]ဟူသော အပိုဒ်ကို ထည့်သွင်း ချုပ်ဆိုရပါမည်။
လူပုဂ္ဂိုလ်အချင်းချင်း ချုပ်ဆိုကြသည့် စာချုပ်များတွင်လည်း အောက်ပါအတိုင်း ဖော်ပြ ချုပ်ဆိုကြလေ့ရှိပါသည်။
[ အထက်ပါ အပိုင်ရောင်းသူ၊ အပိုင်ဝယ်သူဟု ဆိုရာ၌ ၎င်းတို့၏ အမွေစား အမွေခံများ၊ အမွေဆက်ခံခွင့် ရှိသူများ၊ တရားဝင် ကိုယ်စားလှယ်များ၊ ကိုယ်စားလှယ်လွှဲစာ ရသူများအားလုံး အကြုံးဝင်သည် ဟူ၍ မှတ်ယူကြရမည်ဖြစ်သည်။ ]
ရောင်းသူဘက် အမွေစားအမွေခံများ၊ အမွေဆက်ခံခွင့်ရှိသူများ၊ တရားဝင်ကိုယ်စားလှယ်များ၊ ကိုယ်စားလှယ်လွှဲစာ ရသူများက ၎င်းတို့ မသိရပါကြောင်း၊ သို့မဟုတ် ၎င်းတို့ မဆောင်ရွက်ပေးနိုင်ပါကြောင်း ငြင်းပယ်ခွင့် မရှိစေရန် ထည့်သွင်းရခြင်းဖြစ်ပါသည်။ အလားတူ ဝယ်သူဘက် အမွေစားအမွေခံများ၊ အမွေဆက်ခံခွင့်ရှိသူများ၊ တရားဝင်ကိုယ်စားလှယ်များ၊ ကိုယ်စားလှယ်လွှဲစာ ရသူများအနေဖြင့် ဆက်လက် ပါဝင်ဆောင်ရွက်ခွင့်ရှိကြောင်း ပြောခွင့်ရှိစေရန် ထည့်သွင်းရခြင်းဖြစ်ပါသည်။
ဦးဖြူ မကွယ်လွန်မီ စရန်ငွေယူ၍ အိမ်နှင့်မြေကို ရောင်းပါသည်။ ထို့နောက် ဦးဖြူကွယ်လွန်ရာ ဝယ်သူ ဦးနီက ဦးဖြူ၏ အမွေစားအမွေခံများ၊ အမွေဆက်ခံခွင့်ရှိသူများ၊ တရားဝင်ကိုယ်စားလှယ်များ၊ ကိုယ်စားလှယ်လွှဲစာ ရသူများကို စရန်ပေးစာချုပ်ပါအတိုင်း ဆက်လက်ဆောင်ရွက်ပါရန် တောင်းဆိုမှုကို ရောင်းသူ၏ ဆက်ခံသူများက ငြင်းခွင့်မရအောင် ဖော်ပြပါအချက်ကို ထည့်သွင်းချုပ်ဆိုခြင်း ဖြစ်ပါသည်။
ယင်းအခွင့်အရေးသည် ဟိုဘက် သည်ဘက် နှစ်ဦးနှစ်ဖက် ရရှိမည့် အခွင့်အရေးဖြစ်ပါသည်။
သို့သော် ဤနေရာတွင် သတိပြုရမည့် အချက်တစ်ရပ်လည်း ရှိပါသည်။ ဦးဖြူက ဦးမဲကို ပန်းပုရုပ်ထုလုပ်ပေးရန် စရန်ငွေပေး၍ စာချုပ်ချုပ်ပြီး အလုပ်အပ်ပါသည်။ ဦးမဲမှာ ပန်းပုရုပ် မပြီးဆုံးမီ ကွယ်လွန်ပါသည်။ ဦးမဲ ကွယ်လွန်ပြီးဖြစ်သော်လည်း ဦးဖြူက ဦးမဲ၏ ဆက်ခံသူများကို ဖော်ပြပါ စာပိုဒ်အချက်ကို ထောက်၍ ပန်းပုရုပ် ပြီးဆုံးအောင် ထုလုပ်ပေးရန် တောင်းဆိုမည်ဆိုပါက မသင့်ဟု ဆိုရပါမည်။ စာချုပ်တွင် ဖော်ပြပါအချက် ထည့်သွင်းချုပ်ဆိုသော်လည်း တောင်းဆိုခွင့်မရဟု ဆိုရပါမည်။ အဘယ်ကြောင့်ဆိုသော် စာချုပ်ပါ အပေးအယူပြုမှုသည် စာချုပ်ချုပ်သူ လူပုဂ္ဂိုလ်၏ အတတ်ပညာပိုင်း သက်သက်နှင့်သက်ဆိုင်သော ကိစ္စရပ် ဖြစ်နေသောကြောင့်ပါတည်း။
Credit: ဦးကျော်ဇေယျ( ဥပဒေ )
